Լոռամիրգ ուտելու 6 պատճառ

Լոռամիրգ ուտելու 6 պատճառ

Լոռամիրգը հիմնականում բաղկացած է ածխաջրերից, այդ թվում՝ մանրաթելերից և այնպիսի միացություններից, որոնք անմիջականորեն ազդում են առողջության վրա։

1. Լոռամիրգը պարունակում է շատ վիտամիններ. 100 գ լոռամիրգը պարունակում է C վիտամինի օրական անհրաժեշտ չափաբաժնի 24%-ը: Ասկորբինաթթուն նվազեցնում է քրոնիկ բորբոքային գործընթացների առաջացման վտանգը, օգնում է կարգավորել արյան ճնշումը, բարձրացնում է օրգանիզմի դիմադրողականությունը, նպաստում է երկաթի կլանմանը, հետևաբար պաշտպանում է սակավարյունությունից:

Ընթերցեք նաև՝ Բրոկոլի ուտելու 8 պատճառ

2. Պարունակում է բազմաթիվ հակաօքսիդանտներ: Սա նույն վիտամին C-ն է, մանգանը և պոլիֆենոլի որոշ միացություններ:

• Կվարցետին: Շնորհիվ այս հակաօքսիդանտի՝ լոռամիրգն ունի պոտենցիալ հակաքաղցկեղային հատկություն։

• Միրիցետին: Սա նույնպես ունի հակաքաղցկեղային հատկություն:

• Պեոնիդին: Այս գունային-հակաօքսիդիչը լոռամրգին հաղորդում է մանուշակագույն-կարմիր երանգ: Այն նաև նպաստում է սրտանոթային խանգարումների, բորբոքային հիվանդությունների կանխարգելմանը և նույնիսկ օգնում է պաշտպանել ուղեղի նեյրոնները։

•Ուրսոլաթթու։ Այս հակաօքսիդիչը շատ դեղաբույսերի մեջ է պարունակվում և ունի հզոր հակաբորբոքային ազդեցություն:

• Լոռամիրգը պաշտպանում է միզուղիների վարակներից։ Որպես կանոն՝ միզուղիների վարակները (ցիստիտ, ուրետրիտ, պիելոնեֆրիտ) աղիքային բակտերիայի հետևանքով են առաջանում։ Այն ամրանում է միզապարկի և միզուղիների լորձաթաղանթին և առաջացնում բորբոքում: Լոռամիրգը պարունակում է եզակի ֆիտոնուտրիենտներ՝ A տիպի պրոանտոցիանիդներ, որոնք խանգարում են բակտերիային՝ ամրանալ լորձաթաղանթին: Այսպիսով, այս հատապտղի օգտագործումը կարող է նվազեցնել վարակի զարգացման վտանգը։

3. Լոռամիրգը, կանխում է հակաբիոտիկների նկատմամբ կայունության առաջացումը։ ԱՀԿ-ն հակաբիոտիկների նկատմամբ կայունությունը համարում է մարդկությանը սպառնացող վտանգ։ Հակաբիոտիկների անվերահսկելի օգտագործումը հանգեցնում է նրան, որ ախտածին մանրէները «հարմարվում են» հակաբիոտիկներին և բակտերիալ վարակները դառնում են անբուժելի: Սակայն, գիտնականները լոռամրգի մեջ հայտնաբերել են նյութեր, որոնք կարող են կանխել հակաբիոտիկների նկատմամբ կայունությունը։

4. Լոռամիրգն օգնում է պահպանել ուղեղի առողջությունը։ Շնորհիվ հակաօքսիդանտների՝ լոռամիրգն օգնում է օրգանիզմին դիմակայել նեյրոնների մուտացիային և ոչնչացմանը։ Այսինքն, լոռամրգի օգտագործումը պաշտպանում է ուղեղը նեյրոդեգեներատիվ փոփոխություններից:

5. Բարելավում է սրտանոթային համակարգի առողջությունը։ Լոռամիրգը հարուստ է հակաօքսիդանտներով, ինչի շնորհիվ էլ մեծ դեր է խաղում սրտանոթային հիվանդությունների կանխարգելման գործում։ Լոռամրգի հյութը/թուրմը՝

• բարձրացնում է «լավ» խոլեստերինի մակարդակն օրգանիզմում,

• Նվազեցնում է «վատ» խոլեստերինի մակարդակն օրգանիզմում,

•արյան անոթները դարձնում է ավելի առաձգական, ինչը թույլ է տալիս նորմալացնել արյան ճնշումը,

•նվազեցնում է արյան անոթների բորբոքման վտանգը։ Ո՞ւմ է հակացուցված լոռամիրգը Լոռամիրգը խորհուրդ է տրվում չօգտագործել այն մարդկանց, ովքեր ունեն՝

•քարեր երիկամներում

•արյան բարձր խտություն։
 

Աղբյուրը
 
Բաժանորդագրվեք նաև մեր․ Տելեգրամյան ալիքին , Ֆեսբուքյան էջին, Ինստագրամյան էջին , Յութուբյան ալիքին
 
 
 
 
 
 
 
 
 
 

Ճի՞շտ է արդյոք, որ չիլի պղպեղը կարող է բարելավել առողջությունը և երկարացնել կյանքի տևողությունը

Ճի՞շտ է արդյոք, որ չիլի պղպեղը կարող է բարելավել առողջությունը և երկարացնել կյանքի տևողությունը

Չիլի պղպեղը միակ բույսն է, որ միաժամանակ պարունակում է կարոտենոիդներ, ֆլավոնոիդներ և կապսաիցիններ

Ինչու է անհրաժեշտ բողկը ներառել սննդակարգում

Ինչու է անհրաժեշտ բողկը ներառել սննդակարգում

Բողկը C վիտամինի հարուստ աղբյուր է (մեկ բաժակ հում բողկը պարունակում է օրական նորմայի մոտ 30 %-ը), որն անհրաժեշտ է օրգանիզմին մի շարք նպատակներով

Ինչպե՞ս ջուրը հաճույքով խմել. վիտամիններով հարուստ ջրի երեք բաղադրատոմս աշնան համար

Ինչպե՞ս ջուրը հաճույքով խմել. վիտամիններով հարուստ ջրի երեք բաղադրատոմս աշնան համար

Ջրի առավելությունների և օրգանիզմի բնականոն գործունեության համար նրա անհրաժեշտության մասինբոլորիս է հայտնի

Ինչով է օգտակար սմբուկը

Ինչով է օգտակար սմբուկը

Սմբուկը պարունակում է C և K վիտամիններ, մանրաթելեր, մանգան, կալիում, մագնեզիում, պղինձ և քիչ քանակությամբ բուսական սպիտակուց: