Թռչնամիսը և ձուն հղի կնոջ սննդակարգում

Թռչնամիսը և ձուն հղի կնոջ սննդակարգում

Թռչնամսի ամենաարժեքավոր բաղադրիչը սպիտակուցն է: Բրոյլերների մեջ, կախված տիպից, պարունակվում է 17.6-19.7% սպիտակուց, հավի մսում՝ 18.2-20.8, սագի մսում՝ 1 5.2 -17.0, հնդկահավի մսում՝ 19.5-21.6, բադի մսում՝ 15.8-17.2%:

Ինչ վերաբերում է ճարպերին, սովորաբար դրանք շատ են լինում ջրային թռչունների մսում՝ բրոյլերների մսում՝ 5,2-14,4 %, հավի մսում՝ 8,8-18,4, հնդկահավի մսում՝ 12-22, սագի մսում՝ 27,7- 39, բադի մսում՝ 24,2-38,1 %: Այդ պատճառով էլ խորհուրդ չի տրվում հղիության ընթացքում ջրային թռչունների միս օգտագործել:

Հավի մսում բավական շատ են բարձրարժեք, անփոխարինելի ճարպաթթուները՝ մի քանի անգամ ավելի շատ, քան տավարի կամ ոչխարի մսում: Վիտամիններից թռչնամսում գերակշռում են B խմբի վիտամինները, ֆոսֆորը, երկաթն ու ցինկը:

Հղիության ընթացքում նախընտրելի է հավի միսն ուտել խաշած վիճակում, շաբաթը 1-2 անգամ: Հավի ձուն լիարժեք սննդանյութ է, որում հավասարակշռված են բազմաթիվ օգտակար նյութեր՝ A, D, В2, В6, Е վիտամիններ, ինչպես նաև ֆոսֆոր, կալցիում, պղինձ, կոբալտ և մարդուն անհրաժեշտ այլ նյութեր:

Հում հավի մսում խոլեստերինի քանակը մոտ 53մգ է, իսկ խաշած ձվի սպիտակուցում՝ 43 մգ, դեղնուցում՝ 1,5-2%, իսկ հակառակ գործառույթն ունեցող նյութի՝ լեցիտինի քանակը՝ 10%-ից ավել: Ուստի սննդակարգից ձուն հանելն արդարացված չէ: Կարելի է օրական մեկ ձու օգտագործել կամ էլ շաբաթը 2-3 անգամ 2 ձվից ձվածեղ ուտել:

Խորհուրդ չի տրվում հղիության ընթացքում հում ձու ուտել: Սննդարար է նաև ջրային թռչունների ձուն, սակայն խորհուրդ չի տրվում ուտել անգամ ոչ հղի ժամանակ, քանի որ հնարավոր է թունավորվել: Թռչնի հիվանդության դեպքում տարատեսակ միկրոօրգանիզմներ կարող են արյան հոսքով անցնել ձվարաններ, այնտեղից էլ՝ ձվի մեջ:

Ջրլող թռչունները հաճախ են հիվանդանում ձվարանների հիվանդություններով, որոնք հարուցվում են սալմոնելայից և ըստ այդմ՝ ավելի վտանգավոր են: Խորհուրդ չի տրվում դրանցից ձվածեղ պատրաստել: Կարելի է սագի և բադի ձուն օգտագործել  թխվածքեղենի մեջ: Անհրաժեշտ է խստորեն պահպանել ջերմային մշակման ռեժիմը՝ ձուն եփելով 15 րոպեից ոչ պակաս և եփելուց առաջ պարտադիր լավ լվանալով կեղևը:

Ալկոհոլը կրծքով կերակրման ընթացքում

Ալկոհոլը կրծքով կերակրման ընթացքում

Լակտացիայի շրջանում ալկոհոլի օգտագործումը քիչ ուսումնասիրված հարց է։ Մայրիկները հաճախ են լսում հակասական խորհուրդներ, թե ինչպես է ազդում ալկոհոլը երեխայի վրա․․․

Ցիստիտը հղիության ընթացքում

Ցիստիտը հղիության ընթացքում

Հղիության ընթացքում ցիստիտի դեպքում դեղամիջոցների և անգամ որոշ խոտաբույսերի ընդունումն արգելվում է, քանի որ ոչ բոլորն են բարենպաստ ազդեցություն թողնում երեխայի առողջության վրա․․․

Մագնիումի դերը հղիության ընթացքում

Մագնիումի դերը հղիության ընթացքում

Մագնիումի պակասն առանձնահատուկ զգացվում է հղիության շրջանում, քանի որ այն մասնակցում է փոքրիկի պրակտիկորեն բոլոր օրգանների կազմավորմանը և․․․․

Կեղծ հղիության նշանները

Կեղծ հղիության նշանները

Հղիության բոլոր նշաններն առկա են, իսկ ՈւՁՀ մասնագետը հետազոտությունից հետո հայտնում է, որ պտղաձուն բացակայում է։ Տարօրինա՞կ է։ Գուցե, բայց բժշկությանն այդպիսի դեպքեր հայտնի են։ Այդ կոչվում է կեղծ հղիություն․․․․