Տեսողության փոփոխությունները հղիության ընթացքում

Հղիությունը բազմաբնույթ ֆիզիոլոգիական փոփոխությունների շրջան է, որոնք ընդգրկում են սրտանոթային, հորմոնալ, նյութափոխանակային և իմուն համակարգերը։ Այս փոփոխությունները կարող են անդրադառնալ նաև տեսողական համակարգի վրա։ Թեև տեսողության խանգարումները հաճախ լինում են ժամանակավոր և անցողիկ, որոշ դեպքերում դրանք կարող են լինել լուրջ պաթոլոգիաների առաջին ախտանշանները, ուստի պահանջում են մասնագիտական գնահատում։

Հիմնական տեսողական փոփոխություններ հղիության ընթացքում

1. Կոնյունկտիվայի և կոպերի փոփոխություններ 

Հղի կանանց մոտ հաճախ նկատվում են կոնյունկտիվայի թեթև գրգռում, աչքերի չորություն, լուսազգայունություն։Պատճառը՝ էստրոգենի և պրոգեստերոնի մակարդակի բարձրացումն է, որն ազդում է արցունքային գեղձերի աշխատանքի վրա։

2. Ճառագայթահատման (ռեֆրակցիայի) փոփոխություններ

Հղիության ընթացքում կարող է փոփոխվել ակնոցի կամ կոնտակտային լինզաների կարիքը։

• Կորնեայի հաստացման և հեղուկի կուտակման պատճառով ժամանակավոր փոխվում է ռեֆրակցիան։
• Առաջանում է մշուշոտ տեսողություն

3. Ձգողականության և հյուսվածքների ճկունության փոփոխություններ

• Հորմոնալ ազդեցությունների ներքո կարող է փոխվել եղջերաթաղանթի կորությունը և հաստությունը։ • Սա հատկապես նկատելի է լինզա կրող կանանց մոտ՝ առաջացնելով անհարմարություն։

4. Աճող արյան ճնշման հետևանքներ 

Երկրորդ և երրորդ եռամսյակներում արյան բարձր ճնշումը կարող է բերել հետևյալ խնդիրների՝

• Տեսողության մշուշոտում,
• Լույսի բծերի կամ կայծերի հայտնվել (photopsia),
• Տեսողության դաշտի փոփոխություններ։

5. Դիաբետիկ ռետինոպաթիայի սրացում

Հղիություն ունեցող շաքարային դիաբետով կանանց մոտ հնարավոր է՝
 • Ռետինոպաթիայի առաջընթաց, 

• Ապակենման մարմնի արյունահոսություններ,

• Նյարդաբազմացումը։

Ե՞րբ է պետք դիմել ակնաբույժին

Տեսողության հետևյալ փոփոխությունները պահանջում են անհապաղ ակնաբուժական գնահատում՝

• Հանկարծակի կամ կտրուկ տեսողության կորուստ,
• Լողացող բծեր կամ կայծեր տեսադաշտում,
• Երկտեսություն կամ սրտխառնոցով ուղեկցվող գլխացավեր,
• Աչքերի ուժեղ ցավ կամ կարմրություն։

Ակնաբուժական միջամտությունների սահմանափակումներ հղիության ընթացքում

• Լազերային միջամտությունները, ակնային դեղորայքի որոշ խմբեր սահմանափակվում են հղիության ընթացքում։ 

• Ակնաբույժը պետք է աշխատի համագործակցված գինեկոլոգի հետ՝ ռիսկերի կառավարման համար։

Տեսողական փոփոխությունները հղիության ընթացքում, թեև հաճախ ժամանակավոր են, չեն կորցնում իրենց կլինիկական կարևորությունը։ Գինեկոլոգները պետք է ունենան պատրաստվածություն՝ ժամանակին հայտնաբերելու և ուղեգրելու համապատասխան մասնագետի՝ լուրջ պաթոլոգիաների կանխման և հղիի առողջության պահպանման նպատակով։