Ասպիրացիոն բիոպսիա

Ասպիրացիոն բիոպսիա

Էնդոմետրիումի ասպիրացիոն բիոպսիան (էնդոմետրիումի պայպել ախտորոշում) ժամանակակից գինեկլոգիայում ախտորոշման ամենաարդիական միջամտություններից է։ Այն անվնաս է, բուժառուին անհարմարություն չի պատճառում, գործնականում տեխնիկական որևէ բարդություն չունի։

Միջամտությունն իրականացվում է պայպել կոչվող մեկանգամյա օգտագործման գործիքով (անվանվել է այն հայտնաբերողի անունով)։ Այն մտցվում է արգանդի մեջ, հատուկ կառուցվածքի շնորհիվ էնդոմետրիումի հյուսվածքները ներթափանցում են գործիքի մեջ։

Ամբողջ միջամտությունը տևում է 1-2 րոպե, իսկ վերցված նմուշն ուղարկվում է հյուսվածքաբանական (հիստոլոգիական) հետազոտության։ Արդյունքը պատրաստ է լինում 1-7 օրվա ընթացքում, որից հետո բժիշկը որոշում է բուժման տակտիկան։

Առավելություններն են՝

  • հնարավոր է կատարել ամբուլատոր պայմաններում, 
  • վնասակար չէ և նվազագույն ազդեցություն է թողնում արգանդի լորձաթաղանթի վրա, 
  • չի պահանջում արգանդի պարանոցի լայնացում, 
  • չի պահանջում ցավազրկում, քանի որ պրակտիկորեն անցավ միջամտություն է, 
  • թույլ է տալիս հյուսվածք վերցնել արգանդի ցանկացած մասից։ 

Ե՞րբ է ցուցված միջամտությունը՝

  • արգանդի ներքին թաղանթի հետազոտում անպտղության դեպքում, 
  • էնդոմետրիոզի հայտնաբերում, 
  • առատ արյունահոսություն փոխարինիչ հորմոնաթերապիայի դեպքում, 
  • արյունահոսություն հորմոնային հակաբեղմնավորիչների օգտագործման դեպքում, 
  • արյունահոսություն 40-ն անց կանանց դեպքում, 
  • առատ արյունահոսություն մենոպաուզայի շրջանում, 
  • էնդոմետրիումի քաղցկեղի կասկած։ 

Հակացուցումներն են՝

  • սուր թարախային ցերվիցիտ, կոլպիտ
  • սեռական օրգանների ինֆեկցիոն-բորբոքային պրոցեսներ, 
  • հղիություն։ 

Ի՞նչ հետազոտություններ է հարկավոր կատարել ըստ ցուցման ասպիրացիոն բիոպսիայից առաջ՝

Ցանկալի է ասպիրացին բիոպսիայից առաջ բացառել ալկոհոլը, ֆիզիկական ծանրաբեռնվածությունը և տաք լոգանքը։

Շիզոֆրենիայի 10 վաղաժամ ախտանիշներ

Շիզոֆրենիայի 10 վաղաժամ ախտանիշներ

Շիզոֆրենիայով տառապող մարդիկ միշտ վստահ են լինում, որ իրենք առողջ են և հրաժարվում են այցելել բժշկի:

Կարելի՞ է արդյոք ամռանն իրականացնել մաշկի շերտազատում (պիլինգ)

Կարելի՞ է արդյոք ամռանն իրականացնել մաշկի շերտազատում (պիլինգ)

Պիլինգը միջամտություն է, որն ապահովում է վերնամաշկի շերտազատումը

Առաջին օգնության կանոններ, որոնք յուրաքանչյուրը պետք է իմանա

Առաջին օգնության կանոններ, որոնք յուրաքանչյուրը պետք է իմանա

Ի՞նչ անել նախքան օգնություն ցուցաբերելը

Ինչպե՞ս են անառողջ աղիքները խանգարում մեզ նիհարելու

Ինչպե՞ս են անառողջ աղիքները խանգարում մեզ նիհարելու

Այս մանրէների անբավարար քանակը հանգեցնում է ավելորդ քաշի առաջացման: