Արգանդի լորձաթաղանթի պայպել-բիոպսիան անպղության և այլ խնդիրների ժամանակ

Արգանդի լորձաթաղանթի պայպել-բիոպսիան անպղության և այլ խնդիրների ժամանակ

Արգանդի լորձաթաղանթի տարատեսակ վիճակների ախտորոշման նպատակով վերցվում են հյուսվածքի մանր կտորներ և ենթարկվում հիստոլոգիական հետազոտման: Այս մեթոդով ախտորոշվում են արգանդի լորձաթաղանթի հիպերպլաստիկ պրոցեսները՝ լորձաթաղանթի գերաճն և հաստացումը, ինչպես նաև օնկոլոգիական հիվանդությունները՝ արգանդի լորձաթաղանթի կարցինոմա և այլն: Բացի այդ արգանդի լորձաթաղանթի հետազոտության անհրաժեշտություն է առաջանում լյուտեինային փուլի ուսումնասիրման, հորմոնաթերապիայի մոնիտորինգի, ինչպես նաև արգանդի ախտաբանական արնահոսությունների ուսումնասիրման, մանրէաբանական հետազոտությունների և այլնի ժամանակ: 

Դասական բիոպսիայի անցկացման համար հարկ է լինում լայնացնել արգանդի վզիկը: Վերջինս ցավոտ է և կարող է բարդությունների հանգեցնել: Այդ պատճառով էլ գոյություն ունեն որոշակի սահմանափակումներ: Այդուհանդերձ բժշկության զարգացման ժամանակակից փուլում ի հայտ է եկել մի մեթոդ, որը հնարավորություն է տալիս խուսափել բազմաթիվ խնդիրներից:

Գործիքը, որն անվանվել է այն ստեղծողի անունով՝ Պայպել, փոքրիկ, ճկուն պլաստմասե խողովակ է՝ 3 մմ տրամագծով և ծայրի հատվածում երկու կողմից անցքերով: Խողովակի նեսում մխոց կա, ինչպես ներարկիչինը: Բժիշկը, պայպելը մտցնելով արգանդի խոռոչ, կիսով չափ դուրս է քաշում մխոցը՝ գլանում ստեղծելով բացասական ճնշում: Արդյունքում գլանի մեջ է ներծծվում արգանդի լորձաթաղանթի հյուսվածքներից: Պետք է նշել, որ գլանի մեջ են հայտնվում արգանդի խոռոչի գեղձերի ոչ միայն մակերեսային բջիջները, այլև լորձաթաղանթի հյուսվածքներից, որոնք անհրաժեշտ են հիվանդության բնույթը որոշելու նպատակով: Այնուհետև գործիքը հանում են արգանդից և վերցված նմուշն ուղարկում են լաբորատորիա: Ամբողջ պրոցեդուրան տևում է առավելագույնը 30 վայրկյան:

Քանի որ խողովակի տրամագիծն ընդամենը 2 կամ 3, կամ 4, կամ 5մմ է (կախված մոդելից), արգանդի վզիկի լայնացման անհրաժեշտություն չի զգացվում: Հարկ չի լինում նաև անզգայացնելու: Բացի այդ պայպելը մեկանգամյա օգտագործման սարք է, որը նախքան օգտագործելը գտնվում է մանրէազերծ փաթեթավորման մեջ, ինչը բացառում է վարակման գործոնը: Պայպել-բիոպսիան նաև ավելի էժան է, քան սովորական բիոպսիան:

Ցուցումները նույնն են, ինչ սովորական բիոպսիայինը.

  • արգանդի լորձաթաղանթի (էնդոմետրիումի) վիճակի հետազոտում անպտղության ժամանակ,
  • հորմոնային բուժման ընթացքում արյունահոսություններ,
  • հորմոնային հակաբեղմնավորիչների օգտագործման հետ կապված արյունահոսություններ, 40 տարեկանից բարձր կանանց առատ արյունահոսություններ,
  • նախակլիմակտերիկ շրջանում առատ արյունահոսություններ (արգանդի լորձաթաղանթի քաղցկեղի կասկած),
  • մենոպաուզայի շրջանում արյունահոսություններ,
  • որպես գինեկոլոգիական, էնդոկրինոլոգիական համալիր հետազոտությունների մաս:

Բացի այս ամենից, պայպել-բիոպսիան, ի տարբերություն սովորական բիոպսիայի, ունի մի շարք առավելություններ այն դեպքերում, երբ այցելուն կանգնած է էնդոմետրիոզի, քաղցկեղի բջիջների տարածման վտանգի առջև, ինչպես նաև մի շարք հիվանդությունների դեպքում (օրինակ շաքարային դիաբետ):

Պայպել-բիոպսիան հնարավորություն է տալիս հետազոտությունն անցկացնել գրեթե անցավ և առանց բարդությունների, ինչը հատկապես կարևոր է, եթե հիվանդության առանձնահատկությունները պահանջում են լորձաթաղանթից պարբերաբար նմուշ վերցնել և հետազոտել, օրինակ հորմոնային և հիպերպլաստիկ պրոցեսներով պայմանավորված անպտղության դեպքում:

Մի շարք վերարտադրողաբաններ (ռեպրոդուկտոլոգներ) պայպել-բիոպսիան ընդգրկում են այն պարտադիր հետազոտությունների ցանկում, որոնք անցկացվում են բեղմնավորումից առաջ և չզարգացող հղիության հետազոտությունների ընթացքում:

T3 ընդհանուր․ ինչի՞ մասին են վկայում ցածր և բարձր ցուցանիշները

T3 ընդհանուր․ ինչի՞ մասին են վկայում ցածր և բարձր ցուցանիշները

Վահանաձև գեղձի խտությունը և դրանց կենսաբանական ազդեցության աստիճանը կարգավորվում է հիպոթալամոհիպոֆիզարթիրեոիդիտային համակարգի կողմից...

T3 ազատ․  ինչի՞ մասին են վկայում ցածր և բարձր ցուցանիշները

T3 ազատ․ ինչի՞ մասին են վկայում ցածր և բարձր ցուցանիշները

Քանի որ գրեթե բոլոր օրգան համակարգերում առկա են թիրեոիդային հորմոնների նկատմամբ ռեցեպտերներ...

Կոլրաբի․ օգտակար և վնասակար հատկությունները

Կոլրաբի․ օգտակար և վնասակար հատկությունները

Կոլրաբին պատկանում է կաղամբի ընտանիքին, անվանումը կարելի է թարգմանել որպես «կաղամբ-շաղգամ»

Ե՞րբ COVID-19-ը կարող է ավարտել իր կենսաբանական ցիկլը

Ե՞րբ COVID-19-ը կարող է ավարտել իր կենսաբանական ցիկլը

Այսօր աշխարհում ընթանում է պատերազմ երկու կենսաբանական տեսակների միջև՝ վիրուսի և մարդու։ Բնության մեջ գոյություն ունեն մի քանի միլիոն...