Արգանդի խոռոչի պատերի քերում

Արգանդի խոռոչի պատերի քերում

Արգանդի խոռոչի պատերի քերումն արգանդի լորձաթաղանթի գործող շերտի գործիքային հեռացումն է հնարավոր ախտաբանական գոյացությունների հետ միասին: Միջամտությունն իրականացվում է ինչպես ախտորոշման, այնպես էլ բուժման նպատակով:

Ցուցումները

Արգանդի խոռոչի պատերի քերումը կատարվում է արգանդային արյունահոսությունների, արգանդի գործառույթի խանգարմամբ պայմանավորված արյունահոսությունների, էնդոմետրիումի գերաճների կամ նորագոյացությունների կասկածի, թերի վիժման, վիժումից կամ ծննդաբերությունից հետո մնացած ընկերքի պոլիպի ժամանակ:

Հակացուցումները

Արգանդի խոռոչի պատերի քերումը հակացուցված է սեռական օրգաններում հայտնաբերված սուր բորբոքումների ժամանակ, բացի այն դեպքերից, երբ արգանդի մարմնի պատերի քերումը կատարվում է բուժման նպատակով (օրինակ`ընկերքային հյուսվածքի հետ մեկտեղ առկա սուր էնդոմետրիտ):

Վիրահատության համար անհրաժեշտ պայմանները

Սեռական օրգաններում սուր բորբոքումների բացակայություն:

Անզգայացման եղանակը

Վիրահատությունն իրականացվում է ներերակային կամ հարվզիկային անզգայացմամբ:

Բարդությունները

Բարդությունների շարքում հարկ է նշել արգանդի ծակումը (պերֆորացիան), ներքին սեռական օրգանների բորբոքային հիվանդությունների սրացումը, ներարգանդային կպումների (սինեխիաների) գոյացումը:

Հետվիրահատական շրջանի վարման առանձնահատկությունները

Հետվիրահատական շրջանում անհրաժեշտ է նշանակել հակամանրէային բուժում: Հիվանդը վիրահատությունից հետո 1 ամիս պետք է ձեռնպահ մնա սեռական կյանքից:

Տեղեկություններ հիվանդի համար

Արգանդի խոռոչի պատերի քերումից հետո սեռական օրգաններում սուր բորբոքային երևույթների կամ քրոնիկական բորբոքման սրացման ի հայտ գալը ցուցում է բժշկին այցելելու համար:

 

Ինչպես պահպանել սովորական կենսակերպը, եթե ունեք անմիզապահություն

Ինչպես պահպանել սովորական կենսակերպը, եթե ունեք անմիզապահություն

Անմիզապահությունը դժվարացնում է առօրյա գործունեությունը, քանի որ բոլոր մտքերը կենտրոնացած են միայն այն բանի վրա, թե ինչպես չփչացնել հագուստը, որտեղ գտնել մոտակա զուգարանը և արդյոք կարելի է թույլ տալ լրացուցիչ բաժակ ջուր խմել։

Ինչ է լիպոման 

Ինչ է լիպոման 

Լիպոման ճարպային հյուսվածքի բարորակ գոյացություն է, որը տեղակայված է մաշկի և մկանների միջև

Դաշտանային ցավ․ պատճառները 

Դաշտանային ցավ․ պատճառները 

Շատ հաճախ ցավոտ դաշտանն առաջնային դիսմենորեան է, այսինքն՝ տհաճ զգացողություններ առաջանում են ոչ թե հիվանդությունների պատճառով, այլ ինքնուրույն

Ինչպես գործուն մնալ դաշտանային ցիկլի տարբեր փուլերում

Ինչպես գործուն մնալ դաշտանային ցիկլի տարբեր փուլերում

Դաշտանի ընթացքում, ինչպես նաև «սարսափելի» նախադաշտանային ժամանակահատվածում ինչ-որ բան անելը կարող է դժվար լինել, քանի որ առաջանում է ծանրության, հոգնածության զգացողություն և վատ տրամադրություն: