Աղիների աշխատանքը ծննդաբերությունից հետո

Աղիների աշխատանքը ծննդաբերությունից հետո

Հղիության վերջին ժամկետներում աղիները սեղմված վիճակում են լինում, ինչն էականորեն բարդացնում է սննդի տեղափոխումը և դառնում հղիության ընթացքում փորկապության առաջացման պատճառ: Սովորաբար ծննդատանը հոգնա է արվում, որպեսզի ծննդաբերության ժամանակ ակամա կղազատում տեղի չունենա: Այդ պատճառով ծննդաբերության հաջորդ 1-2 օրը կնոջ աղիները չեն գործում:

Եթե ծննդաբերության ընթացքում առաջացել է հեշտոցի պատռվածք, կամ կատարվել է էպիզիոտոմիա (շեքի հյուսվածքների հատում), և կարեր է դրվել, նման դեպքում հաճախ առաջանում է սպաստիկ փորկապություն:

Ի՞նչ անել

Խորհուրդ չի տրվում երկար նստել: Անհրաժեշտ է սննդակարգում ներառել աղիների գալարակծկանքը (պերիստալտիկա) բարելավող մթերքներ: Անհրաժեշտության դեպքում բժիշկը կնշանակի սպազմոլիտիկ դեղորայք:

Ծննդաբերությանը հաջորդող առաջին օրերին կնոջ սննդակարգը պետք է բաղկացած լինի միայն հեղուկ սննդից՝ արգանակներ, հանքային (չգազավորված) ջուր: Այնուհետև հարկավոր է աստիճանաբար ավելացնել այլ մթերքներ՝ հատկապես բջջանյութով հարուստ:

Սկզբնական շրջանում սահմանափակեք հացը և հացազգիներից պատրատված մթերքները: Աղիների համար հատկապես օգտակար են թուզը, սալորը, ձիթապտղի և արևածաղկի ձեթը և այլն:

Կեսարյան հատումից հետո հաճախ հանդիպում է ատոնիկ փորկապությունը, ինչի պատճառը հիմնականում վիրահատությունից առաջ ներարկված դեղորայքն է, որն աղիների աշխատանքը դանդաղեցնող հատկություն ունի: Այդ դեպքում կիրառվում են աղիների աշխատանքը խթանող միջոցներ:

Ատոնիկ փորկապության մեղմ արտահայտում կարող է դիտվել նաև էպիդուրալ անզգայացումից հետո, թեպետ այն ընդհանուր առմամբ չի ազդում աղիների աշխատանքի վրա:

Սովորաբար ծննդաբերությունից հետո 7-10 օրերի ընթացքում մայրիկի օրգանիզմը վերականգնվում է, և հետծննդյան նմանատիպ երևույթներն աստիճանաբար վերանում են:

Բացի փորկապությունից, հնարավոր է դիտվի աղիների միկրոֆլորայի խանգարում, հազվադեպ՝ փորլուծություն: Անհրաժեշտության դեպքում բժիշկը կնշանակի բիֆիդոբակտերիաներով դեղամիջոցներ, որոնք կարգավորում են աղիների աշխատանքը:

Ե՞րբ է անհրաժեշտ այցելել ուրոլոգի, ինչպե՞ս խուսափել շագանակագեղձի ադենոմայի առաջացումից

Ե՞րբ է անհրաժեշտ այցելել ուրոլոգի, ինչպե՞ս խուսափել շագանակագեղձի ադենոմայի առաջացումից

Տղամարդն ուրոլոգիական առաջին զննումն անցնում է կյանքի առաջին ամիսներին, երբ մանկաբույժը զննում է իրականացնում՝ ամորձապարկի զարգացման պաթոլոգիաները բացառելու նպատակով։

Պոլիօրգանային անբավարարություն

Պոլիօրգանային անբավարարություն

Պոլիօրգանային անբավարարությունը մի քանի օրգանների գործունեության խախտման հետևանքն է: Տվյալ ձախողումները կարող են առաջանալ միաժամանակ կամ հաջորդաբար:

Ինչո՞ւ է իջնում թրոմբոցիտների քանակը և ի՞նչ անել

Ինչո՞ւ է իջնում թրոմբոցիտների քանակը և ի՞նչ անել

Թրոմբոցիտները արյան գնդիկներ են, որոնք ունակ են առաջացնելու խցանումներ կամ թրոմբներ

Ինչ անել, եթե երեխան ունի լեյկոզ

Ինչ անել, եթե երեխան ունի լեյկոզ

Այս հիվանդության դեպքում խաթարվում է արյան բջիջների հասունացման գործընթացը