Փորկապությունը հղիության ընթացքում

Փորկապությունը հղիության ընթացքում

Հղիության ընթացքում աղիների աշխատանքի խանգարումները շատ տարածված երևույթ են, և կնոջն անհանգստացնում են հատկապես առաջին եռամսյակում: Աղիների աշխատանքը կարգավորելու համար կինը պետք է իմանա խանգարումների առաջացման պատճառները, հետևանքները և կանխարգելիչ միջոցները: Թեև հղիության հետ ուղեկցվող փորկապությունը վերանում է ծննդաբերությունից հետո, այնուամենայնիվ այն պահանջում է բուժում և հետագա կանխարգելում:

Փորկապության պատճառները

Հղիության ընթացքում աղիների խանգարումներն ունենում են առաջացման տարբեր պատճառներ.

  • Պրոգեստերոն հորմոնի մակարդակի բարձրացումը ամենատարածված պատճառներից է: Այն առաջացնում է աղիների աշխատանքի խանգարում, տոնուսի թուլացում, սնունդն աղիներով ավելի դանդաղ է ընթանում, կինն ունենում է որովայնի ստորին հատվածի ցավեր, ծանրության զգացում:
  • Ստամոքսաաղիքային տրակտի աշխատանքի վրա ազդեցություն է թողնում արգանդի մեծացումը: Երկրորդ եռամսյակից այն սկսում է ճնշել աղիները, որոնց աշխատանքը դանդաղում է և առաջանում է փորկապություն:
  • Փորկապության մյուս պատճառը նստակյաց կամ պասիվ ապրելակերպն է:
  • Երբեմն, գինեկոլոգների կողմից նշանակված դեղորայքը, որ պարունակում է երկաթ և կալցիում, հնարավոր է առաջացնի փորկապություն:
  • Փորկապության է հանգեցնում հեղուկի ընդունման սահմանափակումը, ինչին հղի կանայք գուցե դիմեն այտուցներից խուսափելու նպատակով:
  • Պատճառներից է բջջանյութով հարուստ սննդամթերքների անբավարար քանակությամբ ընդունումը:
  • Անկանոն հուզական վիճակը նույնպես հանգեցնում է փորկապության՝ անհանգստությունը, սթրեսը, տարատեսակ հարցերի շուրջ մտահոգությունները:

Այստեղ շատ կարևոր է ուշադրություն հատկացնել մի հանգամանքի վրա, որ գիտնականների կողմից ուսումնասիրվել և ապացուցվել է՝ արգանդի և աղիների փոխազդեցությունը: Սա կայանում է նրանում, որ եթե աղիներն ակտիվ են, ապա արգանդում հնարավոր է կծկումներ առաջանան, ինչը կհանգեցնի արգանդի տոնուսի բարձրացման և հղիության ընդհատման վտանգ կառաջանա:

Այսպիսով, հղիության ընթացքում առաջացած փորկապությունն ազդում է ինչպես մոր, այնպես էլ պտղի վրա:

Փորկապության դեպքում նյութափոխանակության արգասիքները դուրս չգալով պահպանվում են օրգանիզմում, աղիների պատերից ներծծվում են և կարող են ազդել պտղի վրա: Հաստ աղիքում փորկապության ընթացքում մոտ 36 թունավոր նյութեր են գտնվում:

Ապագա մայրիկի աղիների ոչ ճիշտ միկրոֆլորան պատճառ է հանդիսանում պտղի տվյալ օրգանի հիվադության: Փորափքանքը հանգեցնում է արգանդի տոնուսի բաձրացման: Փորկապության ընթացքում ծանրության զգացողությունն ու ցավն առաջացնում են մշտականան անհարմարություն, ինչին հղի կինը ստիպված է լինում դիմանալ: Սա էլ հագեցնում է սթրեսի և անհանգստության:

Փորկապության հետևանքները

Եթե հղիության ընթացքում փորկապությունը մշտական բնույթ է կրում, ապա հետևանքներից հնարավոր չի լինի խուսափել: Այն հանգեցնում է թութքի, ինչի բուժումը հղիության ընթացքում հեշտ չէ, կամ արգանդի տոնուսի բարձրացման, որը գուցե առաջացնի վիժում կամ վաղաժամ ծննդաբերություն: Չի կարելի թողնել փորկապությունն առանց բուժման, քանի որ դրա պատճառով ծննդաբերության ժամանակ կարող են առաջանալ թարախասեպտիկային բարդություններ, իսկ հետծննդայան շրջանում՝ էնդոմետրիտ:

Բուժումն ու կանխարգելումը

Փորկապության առաջացման հենց սկզբից հղի կինը պետք է տեղեկացնի իր հղիությունը վարող բժշկին, որպեսզի նա կարողանա համապատասխան բուժում նշանակել՝ կախված ժամկետներից: Ոչ ծանր դեպքերում, երբ այլ հիվանդություններ առկա չեն, բժիշկը խորհուրդ կտա կանխարգելիչ միջոցներ և առողջ սննդակարգ:

Կարդացեք՝ Հղիության ընթացքում սնվելու ուղեցույց:

Հղիության վաղ ժամկետներում փորկապության հիմնական պատճառը, ինչպես արդեն նշվել է՝ պրոգեստերոն հորմոնի բարձր մակարդակն է, և տոքսիկոզի պատճառով սնման խանգարումները, որոնց արդյունքում երբեմն ջրազրկում է առաջանում: Շատ կարևոր է, որ կինն այս դեպքում ինքնաբուժությամբ չզբաղվի և չդիմի լուծողական դեղամիջոցների, քանի որ վերջիններս կարող են դրդել վիժման, կամ առաջացնել պտղի զարգացման արատներ:

Բժիշկները խորհուրդ են տալիս շատ հեղուկ օգտագործել, որպեսզի կանխեն փորկապության առաջացումը: Նույնիսկ տոքսիկոզի դեպքում կարելի է առավոտյան մեկ բաժակ սառը ջուր խմել: Նաև խորհուրդ է տրվում շատ օգտագործել չրեղեն, որոնք պարունակում են մեծ քանակությամբ բջջանյութ:

Ավանդական բժշությունն առաջարկում է մի քանի միջոց փորկապության դեմ, որոնք թույլատրվում են նաև հղիության ընթացքում:

  • Պատրաստման համար անհրաժեշտ է մեկ բաժակ տաք կաթի վրա ավելացնել 10-15 գր. մեղր և խմել քնելուց առաջ:
  • Առաջարկվում է թեյերի մեջ ավելացնել խնձորի կամ կեռասի չիր:
  • Խմել մասուրի, երիցուկի ծաղիկների, ազնվամորու տերևների թուրմ: Այս խառնուրդից մեկ գդալ ավելացնել մեկ բաժակ եռացրած ջրին, թրմել 1.5 ժամ, օգտագործել կես բաժակից օրական երկու անգամ, ուտելուց հետո:

Հղիության երկրորդ և երրորդ եռամսյակում պտուղն արագորեն աճում և զարգանում է, արգանդի չափերը մեծանում են, այն սկսում է ճնշել աղիները: Շատերի դեպքում հենց այս ժամանակահատվածում է սկսում փորկապությունն անհանգստացնել: Եթե այն պարբերաբար է ի հայտ գալիս, ապա կարելի է պարզապես կանխարգելիչ միջոցների դիմել և հետևել սննդակարգին: Սա նշանակում է առողջ սնվել և խմել բավականաչափ հեղուկ օրվա ընթացքում (1.5-2 լ.): Սկսած երկրորդ եռամսյակից պարտադիր պետք է սննդակարգում ներառել բջջանյութով հարուստ մթերքներ՝ նուշ, վարսակաձավար, ցորենի թեփ:

Նաև օգտակար կլինեն հետևյալ խորհուրդները.

  1. Եթե իրավիճակը թույլ է տալիս և պտղին վտանգ չի սպառնում անհրաժեշտ է զբաղվել չափավոր ֆիզիկական ակտիվությամբ:
  2. Սնունդն ընդունել փոքր քանակությամբ, օրական առնվազն 5 անգամ, որոնց միջև ընդմիջումները պետք է լինեն 4 ժամից ոչ ավել:
  3. Սննդակարգից հեռացնել վնասակար մթերքները, չօգտագործել դոնդող, որն անգամ նպաստում է փորկապությանը:
  4. Խուսափել ալերգիա առաջացնող մթերքներից: Հետևել բժշկի խորհուրդներին, եթե նա նշանակել է անհատական սննդակարգ:

Եթե սննդակարգի փոփոխությունները չեն օգնում, բժիշկը նշանակում է դեղորայքային միջոցներ, թեև անհրաժեշտ է զգույշ լինել՝ ընդունել փոքր չափաբաժնով և խիստ անհրաժեշտության պարագայում միայն: Սովորաբար նշանակվում է դյուֆալակ կամ տրանզիպեգ, երբեմն էլ՝ գլիցերինային մոմիկներ: Իսկ ահա հոգնաների մասին պետք չէ մտաբերել քանի որ վտանգավոր են և հնարավոր է առաջացնեն վիժում կամ վաղաժամ ծննդաբերություն:

Հատկապես դժվար է ընթանում հղիության 38-րդ շաբաթը, երբ պտուղն արդեն պատրաստվում է ծննդաբերության և գլուխն իջնում է կոնքային հատված՝ սեղմելով ուղիղ աղին: Անհրաժեշտ է ճիշտ սնվել և կատարել հատուկ վարժություններ, իսկ ծանր դեպքերում դիմել բժշկի նշանակած դեղորայքի օգնությանը:

 


Նորածինների մոտ առկա որոշակի տարօրինակություններ, որոնք առաջին հայացքից կարող են վախեցնել անփորձ ծնողներին

Նորածինների մոտ առկա որոշակի տարօրինակություններ, որոնք առաջին հայացքից կարող են վախեցնել անփորձ ծնողներին

Ծնվելուց հետո առաջին չորս շաբաթվա ընթացքում երեխայի օրգանիզմը ներարգանդային կյանքից անցում է կատարում դեպի հետծննդյան շրջան

Ինչպե՞ս հեռացնել սպիները էպիզիոտոմիայից  (շեքահատում) և ծննդաբերական այլ վնսվածքներից հետո

Ինչպե՞ս հեռացնել սպիները էպիզիոտոմիայից (շեքահատում) և ծննդաբերական այլ վնսվածքներից հետո

Հետծննդաբերական նույնիսկ փոքր սպին կարող է վատթարացնել սեռական կյանքի որակը

Ի՞նչ է հարկավոր վերցնել Ձեզ հետ ծննդատուն գնալիս

Ի՞նչ է հարկավոր վերցնել Ձեզ հետ ծննդատուն գնալիս

Առանձին թղթապանակում հարկավոր է հավաքել բոլոր անհրաժեշտ փաստաթղթերը և դրանց կրկնօրինակները

Ճիշտ շնչառությունը ծննդաբերության ընթացքում

Ճիշտ շնչառությունը ծննդաբերության ընթացքում

Ծննդաբերության ընթացքում ճիշտ շնչառությունը հեշտացնում է կծկանքների ընթացքը և բարելավում է մայրիկի և երեխայի ինքնազգացողությունը: