Կարելի՞ է հղիության ընթացքում հոգնա անել
15670
Փորկապությունը հղիության ընթացքում հաճախ հանդիպող խնդիր է։ Առաջին եռամսյակում աղիների գալարակծկանքի խանգարման պատճառը պրոգեստերոնի բարձրացումն է, իսկ երկրորդ կեսում՝ որովայնի հատվածում ազատ տարածության քչացումը արգանդի արագ մեծացման պատճառով։ Այս է պատճառը, որ հղի կանայք հաճախ են հարցնում՝ կարելի՞ է հոգնա անել հղիության ընթացքում։
Կարդացեք՝ Փորկապությունը հղիության ընթացքում
Հոգնայի անհրաժեշտությունը
Հոգնան լինում է մաքրող և բուժական։ Հղի կանայք հաճախ փորձում են հոգնայի միջոցով լուծել փորկապության խնդիրը, բայց սխալ է։ Հոգնան բացարձակապես անվտանգ գործողություն չէ հղիության ընթացքում։ Ջրի միջոցով աղիների լայնացումը և վերջիններիս գալարակծկանքի ուժգնացումը կարող է բացասաբար անդրադառնալ արգանդի վրա՝ առաջացնելով դրա հիպերտոնուս։
Եթե խոսքը ծննդաբերությունից առաջ կատարվող մաքրող հոգնայի մասին է, ապա այն պետք է անցկացվի նախածննդաբերական փուլում մանկաբարձ-գինեկոլոգի հետ խորհրդակցելուց հետո միայն։
Կարդացեք՝ Փորկապությունը ծննդաբերությունից հետո
Ինչպե՞ս լուծել փորկապության խնդիրն առանց հոգնայի
Պետք է հաշվի առնել, որ հոգնան չի բուժում փորկապությունը, միայն օգնում է ժամանակավորապես թեթևացնել վիճակը։ Այդ պատճառով էլ հղիության ընթացքում փորկապության հակվածության դեպքում հարկավոր է ավելի շատ շարժվել, ուտել բջջանք պարունակող մթերքներ, բավականաչափ ջուր խմել (օրական 1.5-2.0լ)։ Հնարավոր է օկտագործել գլիցերինի մոմիկներ և այլն:
