Անկողնային ռեժիմը հղիության ընթացքում

Անկողնային ռեժիմը հղիության ընթացքում

Ակտիվ ապրելակերպ և հղիություն

Հաճախ այս երկու արտահայտություններն անհամատեղելի են դառնում: Քիչ չեն այն դեպքերը, երբ կինն ստիված է լինում հղիության 9 ամիսների ընթացքում պառկած մնալ և վեր կենալ միայն ծայրահեղ անհրաժեշտության դեպքում: Բնականաբար խոսքը ոչ թե հղի կանանց կամակորությունների կամ մանկաբարձ-գինեկոլոգի քմահաճույքի, այլ շատ հստակ բժշկական ցուցումների մասին է:

Հղիության ընդհատման սպառնալիք

Ցանկացած շարժման ժամանակ մկանները լարվում են, այդ թվում նաև որովայնի առաջնային պատի մկանները, ներորովայնային ճնշումն անկայուն է դառնում, որի հետևանքով արգանդի տոնուսը բարձրանում է: Իսկ դրան հաջորդում է շղթայական ռեակցիան՝ վաղ ժամկետում պտղաձուն առանձնանում է: Իսկ հղիության բարձր ժամկետում, օրինակ՝ ընկերքի վաղաժամ շերտազատում և այլն, որը կարող է ավարտվել վիժմամբ կամ վաղաժամ ծննդաբերությամբ: Հղիության ընդհատման սպառնալիքի դեպքում անկողնային ռեժիմը թույլ է տալիս պաշտպանել պտուղը մեխանիկական ազդեցություններից. որովայնային մկանների հանգիստ վիճակի շնորհիվ նրա վրա չեն ազդի տատանումները և վիբրացիան:

Ընկերքի առաջադրություն

Նույնիսկ շատ չնչին ֆիզիկական ծանրաբեռնվածությունը ընկերքի առաջադրման դեպքում կարող է հանգեցնել դրա շերտազատման, որի հետևանքով կարող է առաջանալ ապագա մայրիկի և պտղի առողջությանը վտանգ սպառնացող արյունահոսություն: Որքան մեծ է հղիության ժամկետը, այնքան շատ է շերտազատման հավանականությունը, այդ պատճառով բժիշկները երբեմն կրկնակի ապահովության համար նշանակում են անկողնային ռեժիմ:

Ընկերքի վաղաժամ շերտազատում

Ընկերքի վաղաժամ շերտազատման դեպքում շարժումների ակտիվության սահմանափակումը կարող է օգնել միայն, եթե նման բան տեղի է ունեցել ընկերքի փոքր հատվածում: Նվազեցված ֆիզիկական ծանրաբեռնվածությունը միայն բարձրացնում է արգանդի տոնուսը, որը շերտազատումը գործնականորեն անխուսափելի է դարձնում:

Գեստոզ

Այս վիճակը դիտվում է հղիության երկրորդ եռամսյակից սկսած և կապված է արյունատար անոթների նեղացման հետ, և որպես հետևանք՝ ջուր-աղային բալանսի և հղի կնոջ, երեխայի և ընկերքի արյան մատակարարման խախտման հետ: Բժիշկների մոտ ընդունված կարծիք է, որ հղի կնոջ հորիզոնական դիրքը բարելավում է երիկամների արյան շրջանառությունը, իջեցնում է զարկերակային ճնշումը և նվազեցնում է այտուցը: Արգանդ ընկերքային արյունային շրջանառությունը նույնպես որոշ չափով կարգավորվում է, և պտղին մատակարարվում է պահանջվող քանակությամբ թթվածին և այլ անհրաժեշտ նյութեր:

Պտղաջրերի արտահոսք

Այսպիսի բարդության դեպքում փորձում են հղիությունը հնարավորինս երկար պահպանել՝ նախքան պտղի՝ կենսունակ վիճակի հասնելը: Անկողնային ռեժիմը նման պարագայում խիստ անհրաժեշտություն է: Կինն ստիպված է կենսունակության բոլոր գործողություններն իրականացնել առանց անկողնուց վեր կենալու: Բուժումն իրականցվում է ստացիոնար պայմաններում, որպեսզի ապահովվի մոր և մանկան վիճակի մշտական վերահսկում: Անկողնային սպիտակեղենը և ներքնազգեստը փոխվում է ամեն օր՝ պտղի վարակման   կանխարգելման համար:

Սիմֆիզիտ

Հորմոնալ փոփոխությունների պատճառով որոշ հղի կանանց օրգանիզմում տեղի է ունենում ցայլահոդի չափից ավելի (պաթոլոգիական) փափկեցում: Սիմֆիզիտի բուժման գլխավոր պայմաններից մեկը մի քանի շաբաթվա անկողնային ռեժիմն է:

Անկողնային ռեժիմի տեսակները

Բժշկի նշանակումը լսելուց հետո կինը հաճախ տխրում է. ինքը գամվելու է անկողնուն, իսկ ամուսինն ու ընտանիքի մյուս անդամներն ազատ պտտվելու են իր շուրջ, այնինչ կան անկողնային ռեժիմի տեսակներ, որոնց մի մասը թվացյալի պես ցավալի չէ:

Անկողնային ռեժիմ՝ խիստ, ամբողջական անշարժացում, կագնել և նստել չի թույլատրվում:
Ընդլայնված՝ թույլ է տրվում նստել անկողնու վրա ոչ երկարատև, 5-40 րոպե, օրական մի քանի անգամ:
Հիվանդասենյակային՝ կարելի է նստած անցկացնել օրվա կեսը և նույնիսկ թույլատրվում է կարճատև դանդաղ զբոսանք՝ 100-150 մ. (օրինակ մինչև զուգարան):
Ազատ՝ նախորդ ռեժիմի նման է՝ ավելացված զբոսանքի տևողությամբ և աստիճաններից օգտվելու թույլտվությամբ: Այնուամենայնիվ խորհուրդ է տրվում հանգստանալ յուրաքանչյուր 200 մետրից հետո:
Մեղմ՝ այս տեսակը համապատասխանում է ազատ ռեժիմին և թույլատրվում է մինչև 3 կմ զբոսանք՝ հանգստանալով յուրաքանչյուր 30 ր.: Մեղմ-մարզող կամ մարզող ռեժիմները ցուցվում են գրեթե լիովին առողջ կանանց և կրում են ֆիզիկական ակտիվության շատ քիչ սահմանափակումներ:

Ինչպես տեսնում եք, ձևերը տարբեր են, բացի այդ հետազոտությունների և առողջական վիճակի բարելավումից, բոլոր վտանգավոր ախտանշանների վերացումից հետո բժիշկը կարող է դադարեցնել անկողնային ռեժիմը:

Ինպե՞ս է պետք պառկել անկողնային ռեժիմի ընթացքում

Հղիության ժամկետներից կախված՝ պառկելու դիրքը կարող է փոփոխվել: Հղիության սկզբում, երբ արգանդի չափերը դեռ մեծ չեն և դուրս չեն գալիս փոքր կոնքի սահմաններից, թույլատրվում է պառկել ցանկացած դիրքով՝ այդ թվում նաև որովայնի վրա: Արգանդի մեծացմանը զուգընթաց (մոտավորապես մինչև 28 շաբաթ) կարելի է պառկել կողքի կամ մեջքի վրա: Ավելի ուշ պետք է բացառել մեջքի վրա պառկելը, քանի որ մեծացող արգանդը ճնշում է ստորին սիներակը, որը մարմնի ներքևի հատվածից հավաքում է երակային արյունը՝ դեպի սիրտ ճանապարհին: Այդ պատճառով, 28-29 շաբաթներից սկսած մնում է միայն կողքի պառկած դիրքը:

Նախընտրելի է պառկել ձախ կողքի վրա, քանի որ այս դիրքում արգանդը լավ է մատակարարվում արյունով, սակայն պտտվել կարելի է և նույնիսկ անհրաժեշտ է: Պետք է նշել, որ անկողնային ռեժիմը (հատկապես խիստ ռեժիմը) այնպես, ինչպես ֆիզիկական ակտիվությունը, հղի կնոջ համար կարող է բարդություններ առաջացնել: Դրա հետևանքով կարող են առաջանալ հոդերի անշարժություն (կոնտրակտուրա), մկանների ատրոֆիա (ապաճում), ոսկրերում կալցիումի պակասի հետևանքով առաջացած օստեոպորոզ, որոնք պահանջում են բժշկական միջամտություն: Նմանատիպ բարդություններից խուսափելու համար կինը պետք է կիրառի անկողնային հիվանդների համար նախատեսված հատուկ վարժությունների համալիր, հետևի սննդին և բժշկի թույլտվությամբ աստիճանաբար ավելացնի ֆիզիկական ծանրաբեռնվածությունը:

Եթե ուշադիր հետևեք բժիշկների բոլոր խորհուրդներին և ցուցումներին, ապա այս ծանր հղիությանը կհաջորդի հաջող ծննդաբերությունը և երջանիկ մայրությունը:

Հարց ու պատասխան նոր կորոնավիրուսային վարակի, հղիության, ծննդաբերության և կրծքով կերակրման վերաբերյալ

Հարց ու պատասխան նոր կորոնավիրուսային վարակի, հղիության, ծննդաբերության և կրծքով կերակրման վերաբերյալ

ՔՈՎԻԴ-19-ից խուսափելու համար հղիության ընթացքում կանայք պետք է ձեռնարկեն միևնույն նախազգուշական միջոցները, ինչ մյուս ....

Ալկոհոլը կրծքով կերակրման ընթացքում

Ալկոհոլը կրծքով կերակրման ընթացքում

Լակտացիայի շրջանում ալկոհոլի օգտագործումը քիչ ուսումնասիրված հարց է։ Մայրիկները հաճախ են լսում հակասական խորհուրդներ, թե ինչպես է ազդում ալկոհոլը երեխայի վրա․․․

Ցիստիտը հղիության ընթացքում

Ցիստիտը հղիության ընթացքում

Հղիության ընթացքում ցիստիտի դեպքում դեղամիջոցների և անգամ որոշ խոտաբույսերի ընդունումն արգելվում է, քանի որ ոչ բոլորն են բարենպաստ ազդեցություն թողնում երեխայի առողջության վրա․․․

Մագնիումի դերը հղիության ընթացքում

Մագնիումի դերը հղիության ընթացքում

Մագնիումի պակասն առանձնահատուկ զգացվում է հղիության շրջանում, քանի որ այն մասնակցում է փոքրիկի պրակտիկորեն բոլոր օրգանների կազմավորմանը և․․․․