Ինչ խնդիր է վուլվովագինիտը

Ինչ խնդիր է վուլվովագինիտը

Վուլվովագինիտը հեշտոցի և արտաքին սեռական օրգանների բորբոքումն է:

Վուլվովագինիտի առաջացմանը նպաստող գործոններն են.

• աղիքների և միզային համակարգի դիսբիոզը,
• հորմոնների երկարատև կիրառումը,
• սեռական ուղիների օդափոխության խանգարումները,
• հեշտոցային խցուկների հաճախակի գործածումը (մանրէների բազմացման համար սննդային միջավայր են ստեղծում, խոչընդոտում են թթվածնի ներթափանցմանը),
• հիգիենան չպահպանելը,
• օրգանիզմի հաճախակի մրսածությունը,
• սեռական օրգանների չափազանցված խնամքը (օճառով հաճախակի լվացումները, ներլվացումները հեռացնում են օգտակար մանրէները),
• ձվարանների գործառույթի խանգարումները:

Դրսևորումները

Վուլվովագինիտով կանայք սովորաբար գանգատվում են սեռական օրգաններից երկարատև (երբեմն ամիսներ տևող), հաճախ գարշահոտ, առատ արտադրությունից, որը շատանում է սեռական հարաբերությունից և/կամ դաշտանի ժամանակ: Անհանգստացնում է նաև քորը, արտաքին սեռական օրգանների շրջանում և/կամ հեշտոցում անհարմարության զգացումը, միզարձակության խանգարումները, հազվադեպ` որովայնի ստորին մասերի ցավերը:

Ախտորոշումը

Ախտորոշում է գինեկոլոգը: Կատարվում է սեռական օրգանների  ցանքս, քսուքի հետազոտություն: Ինքնատիպ վարակների (խլամիդիա, միկոպլազմա և այլն) հայտնաբերման նպատակով կատարվում է իմունաֆլուորոսցենտային և իմունաֆերմենտային հետազոտություն: Լորձաթաղանթի վիճակը պարզելու համար օգտվում են լրացուցիչ գործիքային եղանակներից (կոլպոսկոպիա և այլն):

Բուժումը

Վուլվովագինիտի բուժումը համալիր է: Կիրառվում են հակաբիոտիկներ, հակապրոտոզոային պատրաստուկներ, իմունախթանիչներ, հեպատոպրոտեկտորներ, պոլիվիտամիններ, հակասնկային միջոցներ, էուբիոտիկներ, տեղային բուժում, վերականգնում են հեշտոցի բնականոն մանրէային վիճակը: Բուժումը միջին հաշվով տևում է 10 օր: Բուժումն ավարելուց 2-3 շաբաթ անց ապաքինման վերահսկողության նպատակով նշանակվում է ստուգիչ հետազոտություն:

Լուծել թրոմբը (արյան մակարդուկներ)․ ո՞ր մթերքներն են բարելավում արյան որակը

Լուծել թրոմբը (արյան մակարդուկներ)․ ո՞ր մթերքներն են բարելավում արյան որակը

Եթե ունես խնդիրներ արյան հետ կապված՝ ուրեմն առողջ չես։ Մի խոսքով՝ արյունը չափազանց կարևոր է։

7 փաստ կուսաթաղանթի մասին

7 փաստ կուսաթաղանթի մասին

Ոմանք կուսաթաղանթը դիտում են որպես իրական պատնեշ՝ հեշտոց առնանդամով մուտք գործելու համար, որը պետք է անպայման պատռել առաջին հարաբերության ժամանակ։

Առաջին դաշտան․ ի՞նչ, որտե՞ղ, ե՞րբ, ինչպե՞ս․․․

Առաջին դաշտան․ ի՞նչ, որտե՞ղ, ե՞րբ, ինչպե՞ս․․․

Քո առաջին դաշտանը․ի՞նչ է անհրաժեշտ իմանալ

Սկլերոզային քարաքոս (Склерозирующий лишай)

Սկլերոզային քարաքոս (Склерозирующий лишай)

Սկլերոզային քարաքոսը(склерозирующий лишай) քրոնիկ մաշկային հիվանդություն է