Եթե դաշտանից առաջ հեշտոցում քոր եք զգում

Եթե դաշտանից առաջ հեշտոցում քոր եք զգում

Հեշտոցի քորը հաճախ ուղեկցվում է արտաքին սեռական օրգանների քորով, որը երբեմն քողարկվում է հեշտոցում տհաճ զգացողություններով:

Ո՞րն է քորի առաջացման պատճառը, ի՞նչ անել 

Անհարմարության զգացումն առաջանում է ինչպես գինեկոլոգիական խնդիրների՝

- վուլվովագինիտի,
- կոլպիտի,
- վագինիտի,
- կանդիլոմաների,
- սեռական օրգանների հերպեսի,
- արգանդի վզիկի և հեշտոցի ուռուցքների առկայության, այնպես էլ միզասեռական համակարգի հիվանդությունների դեպքում՝

- թութք,
- պրոկտիտ (ուղիղ աղիքի լորձաթաղանթի բորբոքում),
- միզուղիների վարակներ,
- շաքարային դիաբետ,
- խպիպ,
- երիկամների քրոնիկ անբավարարություն,
- լյարդի հիվանդություններ,
- մաշկային հիվանդություններ:

Եթե չի հաջողվում բացահայտել բուն պատճառները, ապա հնարավոր է, որ քորն առաջացած լինի սեռական հարաբերության ընթացքում հեշտոցի լորձաթաղանթի վնասվածքների հետևանքով, կարող է առաջանալ նաև տարատեսակ բեղմնականխիչ հաբերի օգտագործման պատճառով և այլն:

Հեշտոցի և սեռական շուրթերի մաշկը քորելու արդյունքում հնարավոր է, որ քերծվածքներ առաջանան, ինչը քողարկում է կլինիկական դրսևորումները, քանի որ միանում է նաև երկրորդային վարակը:

Ինչ է պետք անել

Այս ախտանշանը միշտ ուղեկցվում է ախտաբանական արտադրությամբ: Անհրաժեշտ է դիմել գինեկոլոգի և հետազոտության համար քսուք հանձնել, ինչպես նաև զննել մաշկի և լորձաթաղանթի արտաքին փոփոխությունները:

Եթե քորի զգացումն ուժեղանում է քնելուց առաջ և ծագում է հագուստը հանելիս, բայց միևնույն ժամանակ չի անհանգստացնում քնած ժամանակ, ապա ավելի հավանական է, որ պատճառը հոգեբանական է: Եթե պատճառները միզասեռական վարակներն են, ապա քորը շարունակական բնույթ կկրի: Հաճախ էլ դաշտանից առաջ զգացվող քորը նորմալ ֆիզիոլոգիական պրոցեսների ուղեկիցն է: Որոշ կանայք անհարմարություն առաջացնող քոր են զգում ձվազատումից մի քանի օր առաջ, շատերն էլ՝ դաշտանից մեկ շաբաթ առաջ:

Եթե որովայնի ստորին հատվածում ցավ եք զգում, որն ուղեկցվում է քորով և արտադրությամբ, ապա հնարավոր է, որ փոքր կոնքի օրգանների բորբոքում կա: Հեշտոցում քորը և անսպասելի արյունային արտադրությունը վկայում են քայքայիչ գործընթացների մասին, որոնք առաջանում են մի շարք վարակների արդյունքում:

Հեշտոցի և սեռական շուրթերի քորը, եթե զուգակցվում է մարմնի այլ հատվածների մաշկի քորով, կարող է շաքարային դիաբետի, մաշկային, երիկամների և լյարդի հիվանդությունների նշան լինել: Եթե քորին գումարվում են նաև փորկապության, փքվածության, մետեորիզմի (մարսողական գազեր) գանգատները, ապա դա վկայում է աղիքային խնդիրների մասին:

Բուժումը ենթադրում է քորի պատճառների բացահայտում, ախտորոշում և համապատասխան, համալիր բուժում:

Երիտասարդության գաղտնիքը հորմոնների ներդաշնակությունն է

Երիտասարդության գաղտնիքը հորմոնների ներդաշնակությունն է

Երբ հորմոնալ համակարգի հետ կապված խնդիրներ են առաջանում, չափազանց դժվար է դառնում վերլուծել և վերահսկել սեփական զգացմունքներն ու հույզերը

Ինչպե՞ս կարող է հոդատապն (պոդագրա) ազդել ձեր կյանքի որակի վրա, և ինչպե՞ս խուսափել դրանից

Ինչպե՞ս կարող է հոդատապն (պոդագրա) ազդել ձեր կյանքի որակի վրա, և ինչպե՞ս խուսափել դրանից

Հոդատապը հիվանդություն է, որը զարգանում է պուրինի նյութափոխանակության խանգարման հետևանքով, ինչի արդյունքում հիմնականում հոդերում առաջանում են միզաթթվի բյուրեղներ

Ինչպե՞ս սովորել կենտրոնանալ սեքսի վրա

Ինչպե՞ս սովորել կենտրոնանալ սեքսի վրա

Ժամանակակից աշխարհում կան չափազանց շեղող գործոններ՝ երկար ժամանակ ինչ-որ բանի վրա կենտրոնանալու համար, այդ թվում նաև սեքսի

Ինտիմ հատվածի բիոռեվիտալիզացիա

Ինտիմ հատվածի բիոռեվիտալիզացիա

Ժամանակի ընթացքում մարմնի հյուսվածքները ենթարկվում են տարիքային փոփոխությունների՝ նվազում է առաձգականությունը, առաջանում է մաշկի և լորձաթաղանթների չորություն: