Բակտերիալ վագինոզ. ինչ հիվանդություն է, ինչպես է բուժվում

Բակտերիալ վագինոզ. ինչ հիվանդություն է, ինչպես է բուժվում

Կնոջ հեշտոցի միկրոֆլորան յուրահատուկ էկոհամակարգ է: Նորմայում այն 95-98% -ով կազմված է լակտոբակտերիաներից, որոնք պաշտպանական գործառույթ ունեն՝ առանձնացնում են կաթնաթթուն թթվային միջավայր ստեղծելու համար, խթանում են տեղային իմունիտետը և ճնշում հիվանդագին միկրոօրգանիզմների աճը:

Սակայն որոշակի պայմաններում այդ բնական հավասարակշռությունը խախտվում է` հեշտոցի թթվայնությունն իջնում է, և արդյունքում կտրուկ մեծանում է ախտածին բակտերիաների թիվը, ինչը սեռական օրգաններում հանգեցնում է «ձկան հոտով» անսովոր արտադրության և քորի: Նման իրավիճակն անվանվում է բակտերիալ վագինոզ կամ հեշտոցային դիսբիոս (դիսբակտերիոզ) և պահանջում որոշակի բուժում:

Բակտերալ վագինոզի պատճառները, ախտանիշներն ու ախտորոշումը

Կանանց 15-64% -ն ունի դիսբիոզ: Այն կարող է հանդիպել ինչպես երիտասարդ աղջիկների դեպքում, որոնք չեն ապրում սեռական կյանքով, այնպես էլ հասուն կանանց: Այսօր դրա հիմնական պատճառը դեռ պարզ չէ, սակայն մասնագետներն այն կապում են այնպիսի փաստերի հետ, ինչպիսիք են՝

  • հակամանրէային միջոցների օգտագործում,
  • փոքր կոնքի օրգանների բորբոքային հիվանդություններ
  • արգանդի վզիկի ֆոնային գործընթացներ (էնդոմետրիոզ, պսևդոէրոզիա, լեյկոպլակիա, էնդոցերվիցիտ և այլն),
  • հորմոնային խանգարումներ,
  • դաշտանային ցիկլ,
  • սեռական զուգընկերոջ փոխարինում,
  • սեռական օրգանների հիգիենայի խախտում,
  • բազմաբնույթ միջոցների օգտագործում (տամպոններ, ներարգանդային պարույրներ և այլն),
  • ցնցուղում,
  • օրալ բեղմնականխիչների օգտագործում,
  • բեղմնականխիչների օգտագործում (պահպանակներ, մոմիկներ, քսուքներ),
  • սթրեսներ, կլիմայական փոփոխություններ,
  • վիրաբուժական միջամտություն,
  • տեղային իմունիտետի անկում,
  • սխալ սննդակարգ,
  • աղիքային հիվանդություններ։

Բակտերիալ վագինոզը կարող է ընթանալ ինչպես առանց ախտանիշների, այնպես էլ կլինիկական դրսևորումներով: Ֆլորայի փոփոխության ժամանակ կանանց սկսում է անհանգստացնել տհաճ հոտով սպիտակ կամ գորշ գույնի արտադրությունը: Հազվադեպ կարող է առաջանալ քոր և խախտվել միզարտադրությունը: Այսուհանդերձ, որպես կանոն, սեռական օրգանների և հեշտոցի այտուցվածության կամ կարմրածության առկայություն չի նկատվում:

Որոշ կանայք նշում են միայն մեկ ախտանիշ, իսկ կանանց մեծ մասն ընդհանրապես որևէ նշան չի նկատում, ինչի հետևանքով հիվանդությունը կարող է տարիներով շարունակվել: Այս պատճառով բակտերիալ վագինոզն ավելի ճիշտ է որոշել ոչ թե հիմնվելով կլինիկական ախտանիշների և կանանց գանգատների վրա, այլ առաջնորդվել առաջին հերթին արտադրութան լաբորատոր հետազորության արդյունքներով:

Հեշտոցի դիսբիոզի (դիսբակտերիոզ) հայտնաբերման համար անցկացվում է՝

  • ամինոթեստ (արտադրության և քիմիական տարրերի փոխազդեցության դեպքում առաջանում է «նեխած ձկան» հոտ),
  • արտադրության թթվայնության գնահատում (рН>4,5 հաստատում է լակտոբակտերաների թվի նվազում),
  • ցանքսի մեթոդ (սնուցող միջավայրերի օգնությամբ բացահայտում են հարուցիչը),
  • գունավորված քսուքի միկրոսկոպիա (որոշում են դիսբիոսին բնորոշ «հիմնական բջիջների»` խիտ տեղակայված անաէրոբ մանրէներով` գարդներելլայով, բակտերիոդներով, ֆուզոբակտերիաներով, կլեբսիելներով և այլն, հեշտոցի էպիթելերի առկայությունը):

Ախտորոշման հաստատման համար անհրաժեշտ է չորս դիագնոստիկ մեթոդներից երեքի դրական արդյունք, բայց առավել կարևոր է քսուքի արդյունքը:

Բակտերիալ վագինոզի բուժումը

Բակտերալ վագինոզը սեռական ճանապարհով փոխանցվող հիվանդություն չէ, այդ պատճառով սեռական զուգընկերոջ բուժումն անհրաժեշտ է միայն այն դեպքում, երբ նրա մոտ առաջանում է ուրետրիտի ախտանիշ (միզելու կամ սերմնաժայթքման ժամանակ ծակոցներ): Իսկ ահա կնոջ վերարտադրողական առողջության համար համապատասխան թերապիան շատ կարևոր է:

Հիվանդության շարունակականությունը կարող է դառնալ արգանդի և հավելումների բորբոքային երևույթների պատճառ (էնդոմետրիտ, սալպիգիտ և այլն), ինչպես նաև հղիության և ծննդաբերության ժամանակ կարող է հանգեցնել բարդությունների (խորիոամնիոնիտ, վաղաժամ ծննդաբերություն, երեխայի ներարգանդային վարակում, պնևմոնիա և այլն):

Դիսբիոսի բուժումն ուղղված է հարուցիչների վերացմանը և հեշտոցի նորմալ միկրոբիոցենոզի վերականգնմանը: Այն ընդգրկում է համալիր բուժում, հակաբակտերիալ թերապիայի նշանակում, հակապրոտոզային, հակասնկային միջոցներ, իմունոմոդուլյատորներ, հեշտոցի նորմալ միկրոֆլորան վերականգնող դեղամիջոցներ, էուբիոտիկներ և այլն:

Հեշտոցի դիսբիոսի բուժման ժամանակ ուշադրություն են դարձնում կնոջ աղիքային միկրոբիոցենոզին, անհրաժեշտության դեպքում թերապիայի մեջ ընդգրկում են համապատասխան հավելումներ: Հղիության շրջանում բակտերիալ վագինոզի հայտնաբերման դեպքում բժիշկը նշանակում է գեստացիայի տվյալ փուլում թույլատրվող դեղամիջոցներով թերապիայի կուրս:

Բուժման արդյունավետությունը գնահատվում է հիվանդության ախտանիշների անհետացմամբ, ինչպես նաև լաբորատոր ցուցանիշների նորմալացմամբ: Հետազոտությունն անցկացվում է բուժման կուրսի ավարտից մեկ շաբաթ անց և ոչ ավելի վաղ:

Բակտերալ վագինոզի համալիր բուժումը 90% դեպքում տալիս է երկարատև դրական արդյունք: Բայց պետք է նաև հիշել, որ բակտերիալ վագինոզը կարող է կրկնվել: Հեշտոցի դիսբիոսի կանխման համար անհրաժեշտ է տարվա մեջ գոնե մեկ անգամ այցելել գինեկոլոգի և հնարավորինս վերացնել այն գործոնները, որոնք կարող են հանգեցնել հեշտոցի դիսբիոսի:

 Կեգելի վարժություններ տղամարդկանց համար, որոնք կբարելավեն  պոտենցիան և  սեքսի որակը 

 Կեգելի վարժություններ տղամարդկանց համար, որոնք կբարելավեն  պոտենցիան և  սեքսի որակը 

Ինչու են տղամարդկանց անհրաժեշտ  Կեգելի վարժությունները 

Ինչպե՞ս կրճատել դաշտանի տևողությունը կամ փոփոխել ցիկլը սկսելու օրը

Ինչպե՞ս կրճատել դաշտանի տևողությունը կամ փոփոխել ցիկլը սկսելու օրը

Կանանց մեծ մասը ցանկանում է, որ դաշտանը հնարավորինս արագ ավարտվի

Ինչպե՞ս առանց ցավի ազատվել կուսությունից  

Ինչպե՞ս առանց ցավի ազատվել կուսությունից  

Կուսության կորուստը ձեզ կարող է վախեցնել․ այս թեմայի վերաբերյալ կան շատ առասպելներ:

Սպիտակ արտադրություն կանանց մոտ. Ի՞նչ է դա

Սպիտակ արտադրություն կանանց մոտ. Ի՞նչ է դա

Սպիտակ խիտ արտադրությունը յուրաքանչյուր աղջկա ծանոթ երևույթ է: