Ինչ անել, եթե դաշտանը ուշանում է, իսկ հղիություն չկա

Որպեսզի կարողանանք հասկանալ դա, կարևոր է պատկերացնել, թե ինչպե՞ս է աշխատում դաշտանային ցիկլը։

Երբ կնոջ օրգանիզմում տեղի է ունենում օվուլացիա, արգանդը սկսում է պատրաստվել բեղմնավորված ձվաբջջի ընդունմանը՝ ստեղծելով այնպիսի պայմաններ, որոնք հարմար են դրա բաժանմանն ու զարգացմանը։Հորմոնների (հիմնականում էստրոգեն և պրոգեստերոն) ազդեցությամբ արգանդի լորձաթաղանթը՝ էնդոմետրիումը, սկսում է թանձրանալ, փափկել և դառնալ ավելի թափանցիկ, որպեսզի ձվաբջիջը կարողանա ամրանալ և ստանալ անհրաժեշտ սնունդ։Եթե ձվաբջիջը բեղմնավորվում է, այն իջնում է արգանդ և ամրանում արդեն պատրաստ էնդոմետրիումի մեջ՝ սկսվում է հղիությունը։

Եթե բեղմնավորում տեղի չի ունենում, ձվաբջիջը քայքայվում է։ Էնդոմետրիումի հաստացած շերտն այլևս անհրաժեշտ չէ, և օրգանիզմը սկսում է նրանից ազատվել։ Նախ պրոգեստերոնի մակարդակը կտրուկ ընկնում է, որի շնորհիվ է պահպանվում լորձաթաղանթի սնուցումը։ Պարունակվող սննդանյութերի պակասից էնդոմետրիումը ատրոֆացվում է։ Նրան արգանդի հետ կապող անոթները բարակում և պատռվում են։ Այդ ընթացքում սկսվում է արյունահոսություն, որի ընթացքում արգանդից դուրս է մղվում այլևս անհրաժեշտ չեղած լորձաթաղանթը։Միաժամանակ էստրոգենի մակարդակն աճում է՝ առաջացնելով արգանդի կծկումներ, որոնք օգնում են դուրս բերել այդ շերտը։

Հաշվի առնելով վերը նշվածը՝ կարելի է ասել, որ դաշտանը հնարավոր է «հրահրել» երկու եղանակով․

 1. Հորմոնալ ճանապարհով՝ ընդունելով համապատասխան դեղամիջոցներ, որոնք հորմոնային ֆոնի փոփոխությամբ կստիպեն լորձաթաղանթը մերժվել։ Այս տարբերակը նպատակահարմար է, երբ օրինակ նախապատրաստվում եք կարևոր իրադարձության և ժամանակ ունեք՝ մի քանի շաբաթ կամ ամիս։

 2. Ոչ հորմոնալ մեթոդով՝ ստեղծելով պայմաններ, որոնց արդյունքում կպատռվեն էնդոմետրիումն արգանդի պատերին միացնող անոթները։ Բայց պետք է հաշվի առնել, որ այս մեթոդը կարող է վտանգավոր լինել․ հանկարծակի առաջացած արյունահոսությունը կարող է վնասել խոշոր անոթները կամ էլ հրահրել ուժեղ արգանդային արյունահոսություն։ Առավել ևս՝ եթե հղիություն ունենալու հավանականություն կա։

Ինչպե՞ս կարելի է առաջացնել դաշտանը ոչ հորմոնալ միջոցներով

Նախ և առաջ՝ կրկնենք ամենակարևորը. եթե հղիության թեստը ցույց է տվել երկու գիծ, պարտադիր դիմեք գինեկոլոգի։ Բժիշկը ձեզ խորհուրդ կտա՝ ինչպես շարունակել, որպեսզի չվնասեք ձեր առողջությանը։

Եթե հղիություն չկա, բայց դաշտանը ուշանում է, մի խուճապեք։ Բացի հիվանդություններից, գոյություն ունեն տասնյակ այլ պատճառներ, որոնք կարող են դաշտանը ուշացնել։ Դրանց թվում են՝ սթրեսը, կլիմայի փոփոխությունը, խիստ սննդակարգը, հոգնածությունը, ֆիզիկական գերծանրաբեռնվածությունը։ Այս բոլոր գործոնները ազդում են հորմոնալ հավասարակշռության վրա և կարող են ժամանակավոր հետաձգել դաշտանը։ Այդ պատճառով երբեմն լավագույն լուծումը սպասելն է. մի քանի օրից դաշտանը կարող է սկսվել ինքնուրույն։

Բայց եթե հղիություն չկա, իսկ ժամանակը սուղ է, կարելի է փորձել արագացնել գործընթացը։ Ստորև ներկայացնում ենք մի քանի մեթոդ, որոնց վերաբերյալ գոյություն ունեն որոշ գիտական տվյալներ, սակայն պետք է նշել, որ դրանք ապացուցողական չեն և գինեկոլոգների կողմից պաշտոնապես չեն խորհուրդ տրվում։

1. Խմեք կոճապղպեղով կամ մաղադանոսով թեյ 

Վերցրեք մի փոքր կտոր մաքրված ու մանր կտրատված կոճապղպեղի արմատ, եռացրեք մեկ բաժակ ջրում 5–7 րոպե։ Այնուհետև քամեք ու ցանկության դեպքում ավելացրեք մեղր կամ շաքար։Նման տեսակի խոտաբույսային խմիչքները համարվում են արյունաշրջանառությունը ակտիվացնող և կարող են նպաստել արգանդի կծկումներին՝ ինչն անուղղակիորեն կարող է մոտեցնել դաշտանը։