Մուլտիֆոլիկուլյար ձվարաններ

Մուլտիֆոլիկուլյար ձվարաններ

«Մուլտիֆոլիկուլյար ձվարաններ» ախտորոշումը բազմաթիվ հարցերի տեղիք է տալիս կանանց:

Ի՞նչ է դա: Որտեղի՞ց է առաջացել: Ինչպե՞ս կանդրադառնա առողջության վրա: Առաջին հերթին հարկավոր է հստակեցնել, որ ձվարանների մուլտիֆոլիկուլյարությունը հիվանդություն չէ: Այն վիճակ է, որի պարագայում ֆոլիկուլների քանակը ձվարաններում գերազանցում է նորման: Համանման երևույթը պոլիկիստոզն է:

Ինչպես հայտնի է, ձվարանները կնոջ զույգ օրգաններ են, որոնք հորմոններ են արտադրում և պատասխանատու են վերարտադրողական ֆունկցիայի համար: Ձվարաններում անհրաժեշտ քանակությամբ ֆոլիկուլներ կան, և յուրաքանչյուր ցիկլի ընթացքում դրանցից հասունանում է միջինում 4-7-ը, որոնցից, սակայն, միայն մեկն է գերիշխում՝ կանխելով մյուսների զարգացումը: Գերիշխող ֆոլիկուլում հասունանում է ձվաբջիջը և որոշակի ժամանակում ֆոլիկուլի արտաքին թաղանթը բացվում է՝ ձվաբջջին դուրս թողնելով, այսինքն ձվազատում է կատարվում: Այնուհետև գերիշխող ֆոլիկուլի թաղանթը և մնացյալ ֆոլիկուլները «ներծծվում են»՝ տեղ ազատելով նոր խմբաքանակի հասունացման համար:

Մուլտիֆոլիկուլյարությունը հնարավոր է հայտնաբերել միայն ՈւՁՀ-ի միջոցով և ենթադրում է ձվարաններում նորմայից բարձր քանակով ֆոլիկուլներ՝ մոտ 8-10 և ավել:

Պատճառները

Մուլտիֆոլիկուլյարությունը հաճախ գենետիկորեն է պայմանավորված լինում: Այն կարող է բխել լյուտեինացնող հորմոնի մակարդակի նվազումից: Հաճախ նվազման պատճառ է դառնում քաշի կտրուկ նվազումը: Այս վիճակը կարող է ոչ մի կերպ չարտահայտվել նախանշաններով, սակայն երբեմն կնոջն անհանգստացնում է դաշտանային ցիկլի խանգարումը (անկանոնություն, հազվադեպ սկսվող դաշտան), բացակայությունը (6 և ավել ամիս): Այդ ամենը կարող է ապագայում հանգեցնել անպտղության: Դա պայմանավորված այն բանով, որ մուլտիֆոլիկուլյարության դեքում ձվազատում չի կատարվում, և հորմոնների մակարդակը փոփոխվում է: Այդուհանդերձ ձվարանների մուլտիֆոլիկուլյարությունը կարելի է նորմա համարել, քանի որ այդ վիճակը կարող է պայմանավորված լինել նաև կնոջ տարիքով և այլ գործոններով:

Բուժումը

Սովորաբար մուլտիֆոլիկուլյար ձվարանները բուժման կարիք չեն ունենում: Բայց հաճախ այս վիճակն ուղեկցվում է հորմոնների անհավասարակշռությամբ, այդ պատճառով էլ հիմնվելով հետազոտության արդյունքների վրա՝ բժիշկը կարող է հորմոնային դեղեր նշանակել կնոջը:

Ձվարանների մուլտիֆոլիկուլյարությունը ախտաբանական չէ, այն պարզապես օրգանների վիճակ է, ուստի ընդհանուր առմամբ չի անդրադառնում հղիանալու կարողության վրա, բայց կարող է երկարաձգել բեղմնավորման ընթացքը, քանի որ խանգարվում է դաշտանային ցիկլը և հետևաբար բարդանում է ձվազատմանը հետևելը: Հենց այս պատճառով էլ կանանց խորհուրդ է տրվում պարբերաբար ՈւՁՀ անցնել, հատկապես հղիությանը նախապատրաստվելիս:

 

Աղբյուրը

Ինչպես պահպանել սովորական կենսակերպը, եթե ունեք անմիզապահություն

Ինչպես պահպանել սովորական կենսակերպը, եթե ունեք անմիզապահություն

Անմիզապահությունը դժվարացնում է առօրյա գործունեությունը, քանի որ բոլոր մտքերը կենտրոնացած են միայն այն բանի վրա, թե ինչպես չփչացնել հագուստը, որտեղ գտնել մոտակա զուգարանը և արդյոք կարելի է թույլ տալ լրացուցիչ բաժակ ջուր խմել։

Ինչ է լիպոման 

Ինչ է լիպոման 

Լիպոման ճարպային հյուսվածքի բարորակ գոյացություն է, որը տեղակայված է մաշկի և մկանների միջև

Դաշտանային ցավ․ պատճառները 

Դաշտանային ցավ․ պատճառները 

Շատ հաճախ ցավոտ դաշտանն առաջնային դիսմենորեան է, այսինքն՝ տհաճ զգացողություններ առաջանում են ոչ թե հիվանդությունների պատճառով, այլ ինքնուրույն

Ինչպես գործուն մնալ դաշտանային ցիկլի տարբեր փուլերում

Ինչպես գործուն մնալ դաշտանային ցիկլի տարբեր փուլերում

Դաշտանի ընթացքում, ինչպես նաև «սարսափելի» նախադաշտանային ժամանակահատվածում ինչ-որ բան անելը կարող է դժվար լինել, քանի որ առաջանում է ծանրության, հոգնածության զգացողություն և վատ տրամադրություն: