Երեխայի սեռի պլանավորում. ինչպե՞ս

Երեխայի սեռի պլանավորում. ինչպե՞ս

Երեխայի սեռը կախված է ձվաբջջին բեղմնավորած սերմնաբջջի տեսակից: Ձվաբջջի բեղմնավորումը X քրոմոսոմ կրող սերմնաբջջով հանգեցնում է իգական սեռի սաղմի ձևավորմանը, Y քրոմոսոմով սերմնաբջիջը կձևավորի արական սեռի սաղմ: Տեսություններից մեկի համաձայն՝ տարբեր քրոմոսոմներ ունեցող սերմնաբջիջները տարբեր հատկություններ ունեն, և դրանց իմացությունը կարող է օգնել համեմատաբար բարենպաստ պայմաններ ստեղծել որոշակի սեռի երեխայի բեղմնավորման համար:

Սերմնաբջիջների ենթադրյալ հատկությունները

Y քրոմոսոմով սերմնաբջիջները, որոնք արական սեռ են ձևավորում, ավելի արագ են շարժվում և ավելի կարճ կյանք ունեն, քան X քրոմոսոմով սերմնաբջիջները: Վերջիններս պակաս շարժունակ են, սակայն ավելի երկար են պահում իրենց կենսունակությունը կնոջ օրգանիզմում՝ սպասելով ձվազատմանը: Իմանալով այս առանձնահատկությունները՝ կարող եք պլանավորել երեխայի սեռը, եթե հետևեք մի քանի կանոնների:

Եթե ցանկանում եք տղա ունենալ

• Սեռական հարաբերությունը պետք է լինի ձվազատման օրվան առավելագույնս մոտ (ձվազատման օրը): Օվուլացիան հնարավոր է հաստատել, օրինակ ՈՒՁՀ-ի օգնությամբ և այլն: Եթե հաշվի առնենք, որ Y քրոմոսոմով սերմնաբջիջներն ամենաարագն են շարժվում, ապա հավանականությունը, որ նրանք առաջինը կհասնեն ձվաբջջին և կբեղմնավորեն այն, մեծ է:

• Խուսափեք սեռական հարաբերությունից ձվազատումից 4-5 օր առաջ:

• Սեռական հարաբերության ընթացքում ներթափանցումը պետք է խորը լինի, ինչը կարճ կյանք ունեցող Y սերմնաբջիջներին առավելագույն չափով կմոտեցնի արգանդին՝ կրճատելով դեպի ձվաբջիջ տանող ճանապարհը:

• Տղամարդիկ պետք է խուսափեն գերտաքացումից: Տաք լոգանքի կամ հագուստի հետևանքով բարձրացած ջերմաստիճանը հանգեցնում է սերմնաբջիջների քանակի նվազմանը, սակայն ենթադրվում է, որ գերտաքացումը կործանարար է հատկապես Y սերմնաբջիջների համար:

• Լավ է, եթե սեռական հարաբերության ընթացքում կինն ավելի շուտ է օրգազմ ապրում, քան զուգընկերը (կամ միաժամանակ): Օրգազմի դեպքում հեշտոցում որոշակի արտազատուկ է գոյանում, որը նպաստում է Y սերմնաբջիջների գոյատևմանը:

Եթե ցանկանում եք աղջիկ ունենալ

• Սեռական հարաբերությունը նախատեսեք ձվազատումից 2-3 օր առաջ և խուսափեք մերձեցումից ձվազատման ընթացքում և դրանից 2 օր հետո: X սերմնաբջիջների գոյատևման հնարավորությունը 2 օրվա ընթացքում ձվաբջջին սպասելու հարցում շատ մեծ է:

• Սեռական հարաբերության ընթացքում ներթափանցումը պետք է խորը չլինի: Դա կերկարեցնի դեպի ձվաբջիջ տանող ուղին և հնարավորություն կտա դանդաղաշարժ, բայց երկարակյաց Xսերմնաբջիջներին հասնել ձվաբջջին մի քանի օր անց:

• Լավ է, եթե կինն օրգազմ չի ապրում: X սերմնաբջիջները կարող են ավելի երկար դիմանալ հեշտոցի ալկալային միջավայրում և ի տարբերություն Y սերմնաբջիջների, օրգազմի ընթացքում գոյացող արտազատուկի կարիքը չունեն գոյատևելու համար: Խորհուրդ չի տրվում դիմել այս մեթոդին, եթե բեղմնավորման հետ կապված խնդիրներ ունեք կամ անպտղություն է ախտորոշվել, քանի որ այն կարող է նշանակալիորեն երկարաձգել երեխայի պլանավորման շրջանը:

Ձվարանների խթանում և արհեստական բեղմնավորում

Ձվարանների խթանում և արհեստական բեղմնավորում

Ձվարանների խթանումն ու արհեստական բեղմնավորումը վերարտադրողական բժշկության հիմնական մեթոդներն են, որոնք ուղղված են այն զույգերին, ովքեր դժվարություններ ունեն բեղմնավորման հարցում:

Կանացի չզարգացող հղիություն. պատճառների, ախտորոշման և հաջողակ մայրության ուղիների խորը վերլուծություն

Կանացի չզարգացող հղիություն. պատճառների, ախտորոշման և հաջողակ մայրության ուղիների խորը վերլուծություն

Չզարգացող հղիությունը ցավոտ և բարդ խնդիր է, որի հետ բախվում են շատ կանայք։ Երեխայի կորուստը հղիության վաղ շրջանում կարող է հոգեբանական խորը վնասվածքներ թողնել և բազմաթիվ հարցեր առաջացնել

Կանացի անպտղություն. երբ երազանքը հետաձգվում է

Կանացի անպտղություն. երբ երազանքը հետաձգվում է

Անպտղությունը կնոջ համար ծանր հարված է, երբ թվում է, թե երազանքներից մեկը անհասանելի է դառնում

Ի՞նչ նպատակով է տեղադրվում հակաբեղմնավորիչ իմպլանտը

Ի՞նչ նպատակով է տեղադրվում հակաբեղմնավորիչ իմպլանտը

Հակաբեղմնավորման նպատակով տեղադրվում է իմպլանտը (AKA Nexplanon) լուցկու հատիկի չափ փոքրիկ, բարակ ձող է