Ինչո՞ւ և որքա՞ն ուտել հացահատիկի թեփ

Թեփը ստանալու համար մանրացնում են հացահատիկը։ Այն ներառում է վիտամիններ՝ PP, B1, B2, E, երկաթ, մագնեզիում, ցինկ, կալիում և այլ օգտակար հանքային տարրեր:

Բայց ամենակարևորը՝ հացահատիկի թեփը պարունակում է հսկայական քանակությամբ մանրաթելեր, ածխաջրեր ու սպիտակուցներ:

Ինչպե՞ս է հացահատիկի թեփն ազդում մեր օրգանիզմի վրա

Թեփը պարունակում է սննդային մանրաթելեր, որոնք կլանում են ավելցուկային ջուրը, տոքսինները, ճարպերը, ծանր մետաղները և խթանում են մարսված սննդի շարժը աղիքային տրակտով: Արդյունքում մարսողական համակարգը բարելավվում է: Թեփը հաճախ ցուցվում է լեղու լճացման, աղիքային վատ շարժունակության և փորկապության դեպքում: Մանրաթելերը աղիքներում ապրող օգտակար մանրէների սիրած «սնունդն» են: Ներծծելով այն՝ դրանք արտադրում են B վիտամիններ, որոնք անփոխարինելի են նյարդային համակարգի, նյութափոխանակության և դիմադրողականության համար:
Օգտակար միկրոֆլորայի աճի հետ բարելավվում է նաև մաշկի, եղունգների ու մազերի վիճակը:

Որքա՞ն թեփ է կարելի ուտել օրական
Խորհուրդ է տրվում օրական ուտել առավելագույնը 30 գ հացահատիկի թեփ, այսինքն մոտավորապես 2 ճաշի գդալ: Սկսեք 1 կամ 2 թեյի գդալից առաջին շաբաթվա ընթացքում և աստիճանաբար բարձրացրեք չափաբաժինը: Մի մոռացեք խմել օրական 2 լիտր մաքուր ջուր, քանի որ թեփը չոր արտադրանք է:

Ի՞նչ կլինի, եթե չարաշահեք թեփի օգտագործումը
Սա կարող է հանգեցնել տարբեր մարսողական խնդիրների, փորափքանքի, նույնիսկ քրոնիկ հիվանդությունների սրացման: Եթե դեղամիջոցներ եք ընդունում, ապա առնվազն 6 ժամ պետք է կազմի դեղորայքի ընդունման և հացահատիկի թեփի օգտագործման միջև ընկած ժամանակահատվածը:

 
 Աղբյուրը
 
Բաժանորդագրվեք նաև մեր․ Տելեգրամյան ալիքին , Ֆեսբուքյան էջին, Ինստագրամյան էջին, Յութուբյան ալիքին