Ինչպե՞ս են անառողջ աղիքները խանգարում մեզ նիհարելու

Աղիքների առողջությունը մեծապես կախված է միկրոբիոմից՝ օրգանիզմում բնակեցված այն մանրէների ամբողջականությունը, որոնք ներգրավված են սնունդը մարսելու և վիտամինների արտադրման գործում, ինչպես նաև մասնակցում են օրգանիզմի իմունային պատասխանի ստեղծմանը:

Այս մանրէների անբավարար քանակը հանգեցնում է ավելորդ քաշի առաջացման: Ահա՛ պատճառները.

• Ազդում է ախորժակի վրա։

Սովի զգացումը կարգավորվում է մի քանի հորմոններով՝ ներառյալ լեպտինը, գրելինը և պեպտիդը, իսկ նրանց թիվը մեծապես կախված է աղիքային մանրէներից:

• Կարգավորում է բորբոքման մակարդակը։

Օրգանիզմի քրոնիկ բորբոքումը հաճախ կապված է քաշի ավելացման հետ, իսկ այստեղ կարևոր դեր ունի աղիքային միկրոֆլորան:

• Ազդում է սթրեսի մակարդակի վրա։

Աղիքների վիճակը կարող է ազդել ուղեղի գործառույթի վրա՝ հորմոնների և պեպտիդների միջոցով, որոնք արտադրվում են աղիքների էնտերոէնդոկրին բջիջների կողմից։

Ինչպե՞ս բարելավել աղիքների աշխատանքը։

Աղիքների առողջ միկրոֆլորան պահպանելու համար հարկավոր է հետևել առողջ սննդակարգին։ Օգտագործել բավականաչափ մանրաթելեր։ Մեծահասակները պետք է օրական սպառեն 20 գ մանրաթել:

Մանրաթել պարունակող մթերքներից են՝

• հատիկավորներ՝ հնդկաձավար, վարսակ, եգիպտացորեն, գարի:

• Ամբողջական հացահատիկային արտադրանք։

• Սոյա, ոսպ, ոլոռ, լոբի, սիսեռ:

• Ճակնդեղ, սմբուկ, բրոկկոլի, բրյուսելյան կաղամբ:

• Մաղադանոս, սամիթ, համեմ:

• Ընկույզ, նուշ, գետնանուշ, կոկոս:

• Կտավատի և չիայի սերմեր:

• Խնձոր, տանձ, նարինջ:

• Ելակ, սև հաղարջ, ազնվամորի, ավոկադո:

Սննդակարգում ներառել հակաօքսիդիչներով հարուստ մթերքներ։

Հակաօքսիդիչները օրգանիզմն օքսիդացնող սթրեսից պաշտպանող նյութեր են, որոնք ուղղակիորեն կապված են աղիքային միկրոֆլորայի վիճակի հետ: Ֆլավոնոիդները դրական ազդեցություն ունեն աղիքների բակտերիաների վրա, օգնում են դիետայի ընթացքում խուսափելու նյութափոխանակության խանգարումից և դրա դադարեցումից հետո լրացուցիչ քաշ ձեռք չբերելու:

Ուտել ֆերմենտացված ապրանքներ։

Ֆերմենտացման արդյունքում յոգուրտում, կեֆիրում և նմանատիպ այլ արտադրանքներում առաջանում են լակտոբակտերիաներ, որոնք սինթեզում են վիտամիններ և հանքանյութեր, կենսաբանորեն ակտիվ ֆերմենտներ։

Օգտագործել Omega -3-ով հարուստ սնունդ։ Omega-3- ը մեծացնում է օգտակար բակտերիաների քանակը և նվազեցնում է օրգանիզմում առկա բորբոքումները, որոնք դրականորեն են ազդում միկրոբիոմի վրա:

Բացառել շաքարավազը և քաղցրացուցիչները։ Հետազոտությունները ցույց են տալիս, որ շաքարի սպառումը բացասաբար է ազդում աղիքային միկրոֆլորայի վրա։

 

 Աղբյուրը
 
Բաժանորդագրվեք նաև մեր․ Տելեգրամյան ալիքին , Ֆեսբուքյան էջին, Ինստագրամյան էջին , Յութուբյան ալիքին