Արմավի օգտակար և վնասակար հատկությունները, 8 գիտական փաստ

Արմավը արմավենու պտուղն է, աճում է արևադարձային տարածքներում: Կախված բազմազանությունից՝ փոքր չափի թարմ պտուղները տարբերվում են գույնով՝ դեղինից ու կարմիրից մինչև մուգ շագանակագույն: Վաճառվում է հիմնականում չրի տեսքով։ Որքան հարթ է արմավի մաշկը, այնքան թարմ է պտուղը: Արմավը երբեմն պատում են օշարակով, բայց նույնիսկ առանց շաքար ավելացնելու էլ այն ունի համեղ կարամելային համ:
Օգտակար հատկությունները
100 գ պտուղը պարունակում է.
• 277 կկալ
• մանրաթել՝ 7 գ
• սպիտակուց՝ 2 գ
• ածխաջրեր՝ 75 գ
Վիտամինների պարունակությունը՝ ըստ օրվա անհրաժեշտ չափաբաժնի.
• վիտամին K՝ 5 %
• վիտամին B6՝ 12 %
• վիտամին C՝ 1 %
• մանգան՝ 15 %
• կալիում՝ 20 %
•մագնեզիում՝ 14 %
• պղինձ՝ 18 %
• երկաթ՝ 5 %:

Արմավը հարուստ է հակաօքսիդիչներով
Սննդի մեջ հակաօքսիդիչները օգնում են նվազեցնելու բազմաթիվ վտանգավոր հիվանդությունների զարգացման ռիսկը: Նրանք պաշտպանում են բջիջները ազատ ռադիկալներից, որոնք հրահրում են վնասակար օքսիդատիվ ռեակցիաներ: Արմավը պարունակում է ամենամեծ քանակությամբ հակաօքսիդիչները՝ համեմատած նման այլ պտուղների` սալոր և թուզ: Արմավենու պտուղները հարուստ են ֆլավոնոիդներով և ֆենոլաթթվով, որոնք նվազեցնում են բորբոքումները, ինչպես նաև կարոտենոիդները, որոնք առողջ են սրտի համար:
Արմավը պարունակում է բազմաթիվ մանրաթելեր
Մի ուսումնասիրություն հաստատեց, որ նրանք, ովքեր օրական յոթ հատ արմավ են կերել, զգալիորեն բարելավել են մարսողական գործընթացը․ դրան նպաստում է մանրաթելը՝ կանխելով արյան շաքարի մակարդակի կտրուկ բարձրացումը:
Արմավն օգնում է պահպանելու ուղեղի առողջությունը
Փորձերը հաստատել են, որ արմավը նվազեցնում է արյան բորբոքումների ցուցիչները, ինչպիսիք են Interlesukin 6 (IL-6), որը գտնվում է ուղեղում: Այն կարող է հրահրել նեյրոդեգեներատիվ հիվանդություններ, ներառյալ Ալցհայմերի հիվանդությունը: Բացի այդ, արմավը նվազեցնում է բետա-ամիլոիդ սպիտակուցների գործունեությունը:
Արմավը՝ որպես քաղցրացուցիչ
Քաղցր մրգերի մեջ կա շատ ֆրուկտոզա, ուստի դրանք կարող են փոխարինվել սովորական սպիտակ շաքարով: Արմավից պատրաստում են մածուկ՝ խառնելով այն ջրի մեջ: Չնայած դրանք հարուստ են մանրաթելերով և սննդանյութերով՝ ունեն բավականին բարձր կալորիա, ուստի ավելի լավ է դրանք օգտագործել չափավոր:
Արմավն օգնում է պահպանելու ոսկորների առողջությունը
Արմավը պարունակում է մի քանի օգտակար հանքանյութեր, ներառյալ մագնեզիում, կալիում և կալցիում: Այս նյութերը կանխում են ոսկրային հյուսվածքների հիվանդությունները, ներառյալ օստեոպորոզը:

Արմավը կանխում է վարակները
Այսօր գրեթե բոլոր մանրէաբանական վարակները բուժվում են հակաբիոտիկների միջոցով: Սա թանկ մեթոդ է, որն ունի մի շարք կողմնակի բարդություններ: Հակաբիոտիկների փոխարինումը բնական արտադրանքներով կարող է լինել ողջամիտ լուծում:
Արմավենու տերևների քաղվածքների միջոցով անցկացված ուսումնասիրության ընթացքում պարզվել է, որ այն ակտիվ դիմադրություն ունի բազմաթիվ վնասակար մանրէների նկատմամբ:
Արմավը նպաստում է բնական ճանապարհով ծննդաբերությանը
Մեկ ուսումնասիրության ընթացքում, որին մասնակցել է 69 կին, ենթադրյալ ծննդաբերությունից չորս շաբաթ առաջ սկսել են ուտել օրական 4 արմավ: Համեմատությամբ այն կանանց, որոնց սննդակարգում չի եղել արմավը, այս կանանց 20 %-ն ավելի արագ է ծննդաբերել, քանի որ արմավը նպաստում է արգանդի վզիկի լայնացմանը և նվազեցնում է ծննդաբերության արհեստական խթանման անհրաժեշտությունը:
Արմավը հեշտ է ներառել սննդակարգում
Ի տարբերություն երկարաժամկետ պատրաստվող և լրացուցիչ բաղադրիչներ պահանջող մթերքների՝ արմավը պատրաստի օգտակար խորտիկ է: Բացի այդ, այն կարող է օգտագործվել մածուցիկ ուտեստներ ստանալու համար, օրինակ, աղանդերի պատրաստման համար այն կարող է համադրվել ընկույզների և սերմերի հետ: Քաղցր արմավները` սոուսների և օշարակների հիմք են ծառայում: Օգտակար է արմավն ուտել նախաճաշին, որպեսզի մանրաթելը երկար ժամանակ հագեցնի օրգանիզմը: Բարձր կալորիականության շնորհիվ՝ արմավը հիանալի խորտիկ է, որն ապահովում է մեծ քանակությամբ էներգիայով, նախքան մարզվելը:

Արմավի վնասակար հատկությունները
Չնայած բոլոր դրական հատկություններին՝ որոշ դեպքերում արժե նվազեցնել արմավի օգտագործման քանակը: Այսպիսով, բժիշկները խորհուրդ չեն տալիս արմավ ուտել գրգռված աղիքների համախտանիշ ունեցող մարդկանց: Քանի որ արմավը ծառայում է որպես ֆրուկտոզայի աղբյուր, այն կարող է առաջացնել փորափքանք և ստամոքսի խանգարում: Շատ մթերքների նման՝ արմավը նույնպես կարող է լինել ալերգիկ. այնպես որ, եթե պլանավորում եք առաջին անգամ փորձել այն, խորհրդակցեք ձեր բժշկի հետ և սկսեք մեկ պտուղ ուտելուց: Դրանք պարունակում են շաքարային ալկոհոլ՝ սորբիտ, որը կարող է առաջացնել փորլուծություն: Հետևաբար, եթե աղիքների հետ կապված խնդիրներ կան, ավելի լավ է շատ հաճախ չուտել արմավ և չօգտագործել արմավից պատրաստված օշարակներ:
 
 
 Աղբյուրը
 
 Բաժանորդագրվեք նաև մեր․ Տելեգրամյան ալիքին , Ֆեսբուքյան էջին, Ինստագրամյան էջին , Յութուբյան ալիքին