Ինչու է սև շոկոլադն օգտակար  առողջության համար 

 

 

Սև շոկոլադը հակաօքսիդիչների և հանքանյութերի հիանալի աղբյուր է, որոնք բոլորը պետք է ներառեն իրենց սննդակարգում: Դրանք օգտակար են օրգանիզմի համար, ինչպես նաև բազմազան են դարձնում  ձեր սննդակարգը: 

• Օգնում է ընկճախտի (դեպրեսիա) ժամանակ 

Շոկոլադը պարունակում է տարբեր նյութեր, որոնք ազդում են տրամադրության վրա` թեոբրոմին, անանդամիդ և ֆենիլէթիլամին: Նրանք էներգիա են հաղորդում և իջեցնում արյան ճնշումը: 

• Պաշտպանում է սրտանոթային հիվանդություններից 

Կակաոյի կանոնավոր օգտագործումը օգնում է պայքարելու սրտանոթային համակարգի հիվանդությունների դեմ: Դրա մասին վկայում է 2006 թ.-ի ուսումնասիրությունը, որի ընթացքում 470 մասնակից օրական օգտագործում էր տարբեր քանակությամբ կակաո: Գիտնականները պարզել են, որ կակաոն իրականում նվազեցնում է սրտանոթային հիվանդությունների ռիսկը: 

• Կարող է օգնել պայքարելու շաքարախտի դեմ 

Շոկոլադը բարելավում է էնդոթելիումի (արյան անոթների ներքին շերտը կազմող բջիջները) գործառույթը և բարձրացնում ինսուլինի զգայունությունը: Էնդոթելիումը շատ կարևոր է զարկերակների առողջության համար, և ինսուլինի զգայունությունը սովորաբար որոշում է շաքարախտի զարգացման ռիսկը: Իհարկե, շաքարախտից պաշտպանվելու համար հարկավոր է ուտել քիչ քանակությամբ շաքարով մուգ շոկոլադ: 

• Ազդում է խոլեստերինի վրա 

Շոկոլադը կանխում է LDL խոլեստերինի օքսիդացումը, որն աթերոսկլերոզի պատճառներից մեկն է: Երբ խոլեստերինը օքսիդանում է, ցածր խտության լիպոպրոտեինները (LDL) արձագանքում են մարմնում: Դրանք վնասում են զարկերակները և ներքին օրգանները: 

Հակաօքսիդիչները, որոնցով հարուստ է շոկոլադը, համարվում են LDL-ի (ցածր խտության լիպոպրոտեիններ) դեմ պայքարի  ակտիվ  միջոց: