Ի՞նչ են տրանս ճարպերը և ինչպե՞ս են դրանք ազդում առողջության վրա 

Ի՞նչ են տրանս ճարպերը և որտեղի՞ց են դրանք առաջանում 

Խիստ «քիմիական» լեզվով՝ տրանս ճարպերը հագեցած ճարպաթթուներ են, որոնք հատուկ ձևափոխված են: Տրանս ճարպերը հայտնաբերվում են բնության մեջ, օրինակ՝  կովի, այծի, ոչխարի մսի և կաթնամթերքի մեջ: Բնական տրանս ճարպերը արտադրվում են մանրէների կողմից: Այս նյութերի պարունակությունը արտադրանքի մեջ չափազանց փոքր է, և դրանք գործնականում չեն ազդում առողջության վրա: Նույնը չի կարելի ասել արհեստական տրանս ճարպերի մասին: 

Ինչու են տրանս ճարպերը վնասակար 

1. Բարձրացնում են խոլեստերինի մակարդակը  

2. Բարձրացնում են սրտի կաթվածի և ինսուլտի ռիսկը 

3. Ամենայն հավանականությամբ, բարձրացնում են նաև շաքարախտի հավանականությունը 4. Հանգեցնում են բորբոքային գործընթացների զարգացմանը  

5. Հնարավոր է՝ կարող են քաղցկեղ առաջացնել 

Որտեղ են հայտնաբերվում տրանս ճարպերը 

Տրանս ճարպերը ճանաչվել են այնքան վնասակար, որ 2018 թվականին ԱՄՆ սննդի և դեղերի վարչությունը (FDA) վերջապես արգելեց դրանց ավելացումը սննդի մեջ, ուստի ամերիկացիները կարող են իրենց քիչ թե շատ պաշտպանված զգալ: Այնուամենայնիվ, նրանց, և առավել ևս՝ այլ երկրների բնակիչներին, խստորեն խորհուրդ է տրվում վերանայելու սննդակարգը  և հրաժարվելու հետևյալ ապրանքներից. 

• խանութում վաճառվող թխված ապրանքներ՝ տորթեր, ռուլետներ, կարկանդակներ 

• արագ սնունդ, ներառյալ բլիթ, տապակած կարտոֆիլի ֆրի, տապակած հավ ու ծովամթերք 

• խանութում վաճառվող ադիբուդի 

• սառեցված խմորեղեն, ներառյալ սառեցված պիցցա 

• առանց կաթնամթերքի կրեմային խառնուրդ՝ սուրճի համար 

• տորթի և խմորեղենի պատրաստի փայլեր 

Այս ցուցակը ամբողջական չէ։ Ստուգելու համար, թե որքանով է անվտանգ որոշակի ապրանքը, նայեք դրա պիտակին: Այն անպայման պարունակում է տրանս ճարպեր, եթե բաղադրիչների ցուցակը պարունակում է. 

• հիդրոգենացված յուղ 

• մասամբ հիդրոգենացված յուղ 

• մարգարին 

• բուսական յուղ 

 •ճաշ պատրաստելու յուղ 

Որքա՞ն տրանս ճարպեր կարող եք ուտել՝  առողջությունը չվնասելով 

Մարդու օրգանիզմը տրանս ճարպերի կարիք չունի: Դրանք ավելորդ են: Ըստ այդմ, իդեալական անվտանգ օրական չափաբաժինը 0 գրամ է, ուստի իդեալականին դժվար է հասնել: Փորձեք տրանս ճարպերը օգտագործել ձեր սննդակարգի ընդհանուր կալորիաների 1 %-ից ցածր քանակությամբ: Օրինակ, եթե օրական 2000 կալորիա եք ստանում, տրանս ճարպերից պետք է ստանաք ոչ ավելի, քան 20 կալորիա: Քաշով՝ ոչ ավելի, քան 2 գրամ: