Ինչպես ազատվել  այրոցից ( изжога) տնային  պայմաններում 

Ինչպես ազատվել  այրոցից ( изжога) տնային  պայմաններում 
Ինչ է այրոցը 
Գրեթե բոլորս գիտենք, թե ինչ է այրոցը: Այն  տհաճ զգացողություն է, որը տեղի է ունենում կրծքավանդակում՝ այրոցով, ցավով, հաճախ բերանում զգացվող տհաճ համով։ 
Այրոցն առաջանում է այն պատճառով, որ աղաթթուն, որն օգնում է մարսելու սնունդը, ստամոքսից անցնում է կերակրափող: Կերակրափողի պատերը շատ նուրբ են, դրանք հարմարեցված չեն այդպիսի ագրեսիվ նյութերի հետ շփման համար: Հետևաբար, լինում է ցավի և այրոցի զգացողություն: 
Ինչու է առաջանում այրոց 
Այրոցն ընկալվում է՝ որպես այրվելու,  ջերմության զգացողություն, որը տեղի է ունենում էպիգաստրալ շրջանում: Բայց դա միշտ չէ, որ մարսողական համակարգի խնդիր է: Կատարյալ առողջ մարդու մոտ այրոցը կարող է առաջանալ որոշակի հանգամանքներում, օրինակ՝ թթու արտադրությունը խթանող սնունդից  կամ կրծքավանդակի վրա ճնշումը մեծացնող ֆիզիկական ակտիվությունից հետո: Բայց պայմանով, որ այրոցը զգացվում է ոչ ավելի, քան ամսական 1-2 անգամ: Եթե այն լինում է շաբաթական 2 անգամ և ավելի հաճախ կամ շաբաթական 1 անգամ՝ տարվա ընթացքում, ապա անհրաժեշտ է բժշկի հետ խորհրդակցել։ 
Այրոցի դեմ պայքարի ամենատարածված խորհուրդները, միջոցներն ու առաջարկությունները: 
Կաթ 
Մի բաժակ կաթը խմելը հաճախ խորհուրդ է տրվում` այրոցը մարելու համար: Այն իսկապես օգնում է, քանի որ, առաջին հերթին, մեխանիկորեն թթու է լվանում կերակրափողի պատերից, երկրորդը՝ պարունակում է հակաբորբոքային բաղադրիչներ և սպիտակուցներ, որոնք օգնում են թթուն մաքրելու ստամոքսում: Բայց երբեմն կաթից հետո կարող են առաջանալ հակառակ էֆեկտներ` ավելացված այրոց, ուստի այս բաղադրատոմսը ոչ բոլորին է հարմար։ 
Սոդա 
Ջրի մեջ լուծված մի պտղունց սոդան օգնում է մարելու ստամոքսի թթվայնությունը: Բայց դրա ազդեցությունը կարճատև է։ 
Յոգուրտ՝ պրոբիոտիկներով 
Սա կարող է օգնել այրոցին` մի քանի հանգամանքների պատճառով: Նախ, այն պարունակում է հակաբորբոքային բաղադրիչներ, որոնք հանգստացնում են գրգռված կերակրափողը: Բացի այդ, մի բաժակ ըմպելի յոգուրտն ապահովում է սպիտակուցի մի մասը, որը մասամբ կմաքրի ստամոքսի թթուն, ինչը նշանակում է, որ այն ավելի քիչ կանցնի կերակրափող և կգրգռի այն: 
Մաստակ 
Տարիների ընթացքում մի քանի հրապարակումներ ցույց են տվել, որ ուտելուց հետո 20-30 րոպե առանց շաքարի մաստակ ծամելը կարող է նվազեցնել ստամոքսի թթվայնությունն ու այրոցը: Բայց կան նաև ապացույցներ, որ անանուխի մաստակը ինքնին կարող է հրահրել ստամոքսի թթվայնության բարձրացում և այրոցի խստություն: 
Ալոեի հյութ 
Ենթադրվում է, որ հալվեի թարմ տերևից քամած մի թեյի գդալ հյութը, որը խառնվում է կես բաժակ տաք ջրի հետ, կարող է օգնել այրոցը թեթևացնելուն: Բայց մենք չենք գտել գիտական ապացույցներ նման բաղադրատոմսի արդյունավետության մասին: 
Բանան 
Շատերը համոզված են, որ  կես բանանը կարող է օգնել այրոցին, քանի որ այն կարգավորում է մարսողությունը և մարում թթուն՝ ծածկելով կերակրափողի պատերը: Վիտամիններն ու  տարրերը օգնում են կարգավորելու մարսողական համակարգի տոնուսը, բարելավում են աղիների շարժունակությունը, բայց որևէ ապացույց չկա, որ դա օգնում է այրոցին: 
Անանուխի թեյ 
Չնայած անանուխը հայտնի է ստամոքսը հանգստացնելու և կծկումները թեթևացնելու հատկությամբ, բայց ապացույց չկա, որ անանուխի թեյը կօգնի ազատվելու այրոցից: Ավելին, շատ մարդիկ, ընդհակառակը, անանուխի կամ անանուխի այլ տեսակների թեյեր խմելուց հետո տառապում են այրոցից: Դա պայմանավորված է նրանով, որ անանուխը հանգստացնում է ստորին կերակրափողի մկանները, այն տեղը, որը բաժանում է կերակրափողը ստամոքսից: Եվ այդպիսով, թթուն էլ ավելի ակտիվորեն մտնում է կերակրափող: 
Կոճապղպեղ 
Այն ի վիճակի է կարգավորելու մարսողությունը և պայքարելու սրտխառնոցի դեմ, ինչպես նաև մասամբ ճնշելու այրոցը: Բայց կարևոր է օգտագործել ուտելուց հետո՝ թեյի կամ թուրմի տեսքով և առանց շաքարի:
 
Աղբյուրը
Բրնձի դիետա, արդյունավետություն, հակացուցումներ 

Բրնձի դիետա, արդյունավետություն, հակացուցումներ 

Ցանկացած դիետա, որը չի համաձայնեցվել բժշկի հետ, կարող է վնասել առողջությանը, նույնիսկ եթե այն հիմնված է օգտակար մթերքների վրա:

Ինչն է անհամատեղելի ալկոհոլի հետ

Ինչն է անհամատեղելի ալկոհոլի հետ

Որոշ նյութեր և արտադրանքներ ալկոհոլի հետ համատեղելու դեպքում կարող են հանգեցնել առողջական լուրջ խնդիրների և նույնիսկ մահվան:

Բրոկոլի ուտելու 8 պատճառ

Բրոկոլի ուտելու 8 պատճառ

Բրոկոլին պարունակում է բազմաթիվ վիտամիններ, հանքանյութեր, մանրաթելեր և հակաօքսիդիչներ:

Ինչու է մանդարինը օգտակար, 10 գիտական փաստ մանդարինի մասին

Ինչու է մանդարինը օգտակար, 10 գիտական փաստ մանդարինի մասին

Մանդարինը աճում է փոքր մշտադալար ծառի վրա: Հասունանում է նոյեմբեր-դեկտեմբեր ամիսներին, այնպես որ անգլալեզու երկրներում պտուղը կոչվում է «Սուրբ Ծննդյան նարինջ»: