«Գեղեցկացնող» 10 վտանգավոր խորհուրդներ համացանցից

«Գեղեցկացնող» 10 վտանգավոր խորհուրդներ համացանցից

 

Մեզանից յուրաքանչյուրն ունի  գեղեցկության իր գաղտնիքները: Դրանք
լսել ենք մեր մայրերից և տատիկներից, ընկերուհիներից, իսկ զգալի մասը կարդացել ենք  համացանցում: Այսօր մենք  կզրուցենք վերջինիս մասին: Իսկապես հոյակապ միտք է սառնարանի եղածով պատրաստել տարատեսակ դիմակներ, սակայն համացանցում եղած ոչ բոլոր «գեղեցկացնող»  խորհուրդներն են անվնաս: Ավելին, դրանց մի մասը կարող է լուրջ վնաս հասցնել գեղեցկությանն ու առողջությանը:

Կարող եք ընթերցել նաև՝  Ծերացման 5 նշաններ. մարմնի մասեր, որոնք մատնում են ձեր տարիքը

Ներկայացնում ենք ամենահայտնի տասնյակը

Խոնավացնող քսուքի  փոխարեն օգտագործեք կոկոսի յուղ
Կարելի է կոկոսի յուղ քսել չոր մաշկին և մազերին՝ լվանալուց հետո՝ խոնավ վիճակում: Սակայնայս պրոցեդուրան պետք է կատարել շատ նուրբ, քանի որ այն կարող է խցանել ձեր մաշկի ծակոտիները և նպաստել ակնեի առաջացմանը:

Կիտրոնի կամ լայմի հյութով պատրաստված սկրաբ
Դեմքի մաշկը չափազանց նուրբ է, հետևաբար կիտրոնի կամ լայմի հյութը կարող է քայքայել այն: Բացի այդ, արևի տակ դրանք առաջացնում են քիմիական ռեակցիաներ, այնուհետև այրվածքներ, ցան և հիպերպիգմենտացիա:

Մաշկը չորացրեք շաքարով, աղով կամ խմորի սոդայով
Ինչպես կոկոսի յուղը, այնպես էլ շաքարավազը, աղը և խմորի սոդան կարելի է օգտագործել մարմնի, բայց ոչ դեմքի համար: Դրանց հատիկները չափազանց մեծ են և ունեն սուր եզրեր, այնպես որ հեշտությամբ կարող են վնասել մաշկը:

Պզուկները բուժեք ատամի մածուկով
Այո, հավանական է, որ ատամի մածուկում եղած սոդայի և ջրածնի պերօքսիդի շնորհիվ ձեր պզուկները կչորանան: Բայց կա նաև մեծ հավանականություն, որ
մաշկը կդառնա ավելի կարմիր, գրգռված: Եկեք անկեղծ լինենք․ դեմքի մաշկ և
ատամի մածուկ համադրությունը  լավագույններից չէ:

Մաշկը ձգելու համար օգտագործեք ձվի սպիտակուց
Այս «բաղադրատոմսը» օգտագործվել է դեռևս մեր տատիկների կողմից, այնպես որ եկեք թողնենք այն անցյալում: Հում ձուն պարունակում է Salmonella բակտերիաների մի փունջ, ինչը կարող է առաջացնել սուր վարակիչ հիվանդություն:

Օգտագործեք մանկական քսուքներ
Գուցե մանկական քսուքները խոնավացնում և սնուցում են մանկական մաշկը,
սակայն դրանք ունեն մի շարք բաղադրիչներ, որոնք պետք չեն հասուն մաշկին:
Օրինակ՝ հանքային յուղերը, պարաֆինը և սինթետիկ մոմը, որոնք միայն
կավելացնեն մաշկի հետ կապված խնդիրները:

Մշակեք դեմքը դեզոդորանտով
Այս մեթոդը միանգամայն անօգուտ է և տարօրինակ:
Դեզոդորանտի խտությունը կարող է խցանել մաշկի ծակոտիները և առաջացնել ցան:

Հեռացրեք դեմքի սև կետերը սոսինձով
Սոսինձը կարող է առաջացնել մաշկի գրգռվածություն: Բացի այդ, այս մեթոդով
դուք կարող եք հեռացնել միայն մաշկի արտաքին շերտը, իսկ սև կետերը կմնան
իրենց տեղում:

Դեմքի յուղոտ փայլը հեռացրեք  սպիրտային տոնիկով
Ճարպի հետ մեկտեղ ալկոհոլը մաշկից  դուրս կբերի ամբողջ խոնավությունը և
կդարձնի այն չոր:

Օգտագործեք մազերի լաքը որպես դիմահարդարման միջոց
Ավելի լավ կլինի, որ մազերի լաքը շարունակի միայն ամրացնել մազերը, քանի որ որպես դիմահարդարման միջոց կիրառելու դեպքում դեմքի մաշկը կդառնա
գրգռված, չոր և կեղևոտ։ Հետագա խնդիրներից խուսափելու համար մի՛ օգտագործեք այնպիսի միջոցներ, որոնք նախատեսված չեն դեմքի մաշկի համար:

Աղբյուրը


 

Ինչո՞ւ է առաջանում միզարձակման կարիք օրգազմից անմիջապես առաջ

Ինչո՞ւ է առաջանում միզարձակման կարիք օրգազմից անմիջապես առաջ

Պատահում է, որ սեռական հարաբերությունից առաջ մոռանում եք զուգարան գնալ, և հարաբերության ընթացքում միզելու ցանկություն է առաջանում:

Մազահեռացման հնարքներ  տնային պայմաններում

Մազահեռացման հնարքներ տնային պայմաններում

Գոյություն ունեն մազահեռացման մի շարք տարբերակներ, և գրեթե ամեն ոք ունի իր նախընտրած ձևը։ Ահա՛ մի շարք օգտակար մանրուքներ, որոնք մազահեռացումը կդարձնեն առավել հարթ և անվտանգ։

Ամառ, արև ... դիմակ. շոգ եղանակին պաշտպանիչ դիմակներ դնելու 5 կանոն

Ամառ, արև ... դիմակ. շոգ եղանակին պաշտպանիչ դիմակներ դնելու 5 կանոն

Հայաստանում շոգ ամառ է, և դիմակներ դնելը դարձել է առավել ծանր: Ինչպես հոգ տանեք առողջության մասին, որպեսզի  մյուս կողմից էլ վնաս չհասցնեք  ձեր շնչառությա՞նը:

Ծերացման 5 նշաններ. մարմնի մասեր, որոնք մատնում են ձեր տարիքը

Ծերացման 5 նշաններ. մարմնի մասեր, որոնք մատնում են ձեր տարիքը

Անկախ խնամվածության աստիճանից՝ կան մարմնի որոշ մասեր, որոնք, այնուամենայնիվ, անմիջապես մատնում են կնոջ տարիքը: