Ծերացման 5 նշաններ. մարմնի մասեր, որոնք մատնում են ձեր տարիքը
7119
Անկախ խնամվածության աստիճանից՝ կան մարմնի որոշ մասեր, որոնք, այնուամենայնիվ, անմիջապես մատնում են կնոջ տարիքը: Այսօրվա նյութը մարմնի առավել խնդրահարույց մասերի մասին է:
Պարանոց
Պարանոցը մարմնի ամենահաճախ շարժվող մասերից մեկն է, ուստի ավելի շուտ է
կնճռոտվում, քան մարմնի մյուս մասերը: Եթե ցանկանում եք, որ ձեր պարանոցը
հնարավորինս երկար մնա հարթ, առաջին հերթին պետք է ուշադրություն դարձնեք ձեր կեցվածքին: Կարող եք նաև կատարել ուղղիչ, շտկող տարբեր պրոցեդուրաներ, ինչպիսիք են ֆիլերները, պլազմոլիֆթինգը և ուլտրաձայնային հղկումը:
Ձեռքեր
Ձեռքերի խնամքը հիմնականում սահմանափակվում է եղունգների լաք օգտագործելով, սակայն ձեռքերի մաշկը նույնպես շուտ ծերացողներից է: Այդ իսկ պատճառով անհրաժեշտ է մեծ ուշադրություն դարձնել ձեռքերի մաշկի խնամքին:
Նախ պետք է
պարբերաբար օգտագործել արևապաշտպան միջոցներ. երկրորդ՝ կենցաղային
աշխատանք կատարելիս անպայման կրել ձեռնոց, ինչպես նաև խոսափել մաքրող ագրեսիվ միջոցներից:
Աչքեր
Աչքերի շուրջ մաշկը շատ բարակ է և նուրբ: Այդ հատվածում խնամքը հարկավոր
է սկսել արդեն 20 տարեկանից: Մուգ շրջանակները վերացնելու համար
օգտագործեք արյան շրջանառության խթանիչներ` առավոտյան կոմպրեսներ, սառցե խորանարդներ կամ կոֆեինի պարունակությամբ միջոցներ:
Կուրծք
Կախված կուրծքը յուրաքանչյուր կնոջ համար «սարսափելի երազ» է: Կրծքագեղձերը կարող են թուլանալ, կախվել ոչ միայն տարիքի պատճառով, այլ նաև ծննդաբերությունից հետո կամ քաշ կորցնելու հետևանքով: Որպեսզի կրծքավանդակը երկար ժամանակ առաձգական պահեք, հարկավոր է պարբերաբար վարժություններ կատարել պեկտորային մկանների վրա,
իսկ ավելի արմատական փոփոխություն արձանագրելու համար կրծքի պլաստիկ վիրահատություն կատարել:
Դեմքի օվալ
45 տարեկանում «լողացող» դեմքը, ավաղ, արդեն անխուսափելի է: Որպեսզի տարիքային փոփոխությունների տհաճ հետևանքները կանխեք, անհրաժեշտ է կատարել դեմքի վարժություններ: Կարող եք օգտվել նաև էսթետիկ վիրաբուժության բազմաթիվ և բազմազան առաջարկներից:
