Մագնիումի դերը հղիության ընթացքում

Մագնիումի դերը հղիության ընթացքում

Մագնիումը մեր օրգանիզմին խիստ անհրաժեշտ տարրերից է։ Այն ապահովում է նյարդային և սրտանոթային համակարգերի բնականոն աշխատանքը, օգնում է պաշտպանվել վարակներից, մեծ դեր ունի ոսկրային հյուսվածքի ձևավորման գործում։

Մագնիումը կարևոր դեր է խաղում նաև ներքին օրգանների աշխատանքի կարգավորման, արյան մակարդելիության հարցերում, առանց մագնիումի չեն յուրացվում կալցիումն ու B խմբի վիտամինները և այլն։

Կյանքի ժամանակակից ռիթմը, սթրեսներն ու ծանրաբեռնվածությունը, անառողջ սնունդը և այլ գործոններ նպաստում են օրգանիզմում մագնիումի պակասին։ Մագնիումի պակասն առանձնահատուկ զգացվում է հղիության շրջանում, քանի որ այն մասնակցում է փոքրիկի պրակտիկորեն բոլոր օրգանների կազմավորմանը և թույլ չի տալիս մոր օրգանիզմին վաղաժամ լույս աշխարհ բերել փոքրիկին։

Եթե հասուն մարդու օրգանիզմում մագնիումի օրական պահանջը 300-500մգ է, ապա հղիության դեպքում պահանջը մեծանում է 1.5 անգամ։

Մագնիումի պահանջի մեծացումը պայմանավորված է հղիության ընթացքում հորմոնային ֆոնի փոփոխությամբ, ֆիզիկական և հուզական լարվածությամբ։

Սննդամթերքներ, որոնք հարուստ են մագնիումով՝

  • դդմի սերմ (100 գրամում՝ 534 մգ),
  • քունջութի սերմ (100 գր՝ 351 մգ),
  • նուշ (100 գր՝ 304 մգ),
  • մայրի ծառի սերմ (100 գր՝ 234 մգ),
  • հնդկաձավար (100 գր՝ 258 մգ),
  • ծովակաղամբ (100 գր՝ 300 մգ),
  • սպանախ (100 գր՝ 87 մգ),
  • լոբի՝ (100գր՝ 63 մգ),
  • խուրմա (100 գր՝ 59 մգ)։

Հղի կանանց դեպքում մագնիումի պակասի հիմնական նշաններն են՝

  • արագ սրտխփոց,
  • մկանային սպազմ,
  • որովայնի հատվածի ցավ,
  • դյուրագրգռություն,
  • դեպրեսիվություն,
  • անքնություն,
  • թուլություն և հոգնածություն,
  • հաճախակի գլխապտույտ,
  • ցավ սրտի հատվածում և այլն։

Այդ ախտանշանների ի հայտ գալուն պես հարկավոր է խորհրդակցել հղիությունը վարող բժշկի հետ, համապատասխան հետազոտություններ անցկացնել և նշանակումներ ստանալ։

 

Աղբյուրը

Կոլրաբի․ օգտակար և վնասակար հատկությունները

Կոլրաբի․ օգտակար և վնասակար հատկությունները

Կոլրաբին պատկանում է կաղամբի ընտանիքին, անվանումը կարելի է թարգմանել որպես «կաղամբ-շաղգամ»

Հարց ու պատասխան նոր կորոնավիրուսային վարակի, հղիության, ծննդաբերության և կրծքով կերակրման վերաբերյալ

Հարց ու պատասխան նոր կորոնավիրուսային վարակի, հղիության, ծննդաբերության և կրծքով կերակրման վերաբերյալ

ՔՈՎԻԴ-19-ից խուսափելու համար հղիության ընթացքում կանայք պետք է ձեռնարկեն միևնույն նախազգուշական միջոցները, ինչ մյուս ....

Կորոնավիրուսը (COVID-19) հղիության ընթացքում

Կորոնավիրուսը (COVID-19) հղիության ընթացքում

Մանկաբարձների և գինեկոլոգների թագավորական քոլեջի փորձագետները եղած ապացույցների, փորձի և փորձագիտական խորհրդատվության հիման վրա հանձնարարականներ են մշակել հղի կանանց և նրանց հղիությունը վարող բժիշկների համար․․․

Օրեգանո․ օգտակար և վնասակար հատկությունները

Օրեգանո․ օգտակար և վնասակար հատկությունները

Դրական ազդեցություն է թողնում հատկապես կնոջ օրգանիզմի վրա, քանի որ կարգավորում է դաշտանային ցիկլը, մեղմում դաշտանային ցավը և կիրառվում է դաշտանի ուշացման դեպքում․․․