Վիտամին C․ դերն օրգանիզմում

Վիտամին C․ դերն օրգանիզմում

Վիտամին C-ն՝ ասկորբինաթթուն, մարդուն անհրաժեշտ ամենակարևոր վիտամիններից մեկն է և ազդում է բոլոր օրգան-համակարգերի վրա։

Դերն օրգանիզմում

Ամրացնում է օրգանիզմի դիմադրողական համակարգը։ Մասնակցում է արյունաստեղծման պրոցեսին և անհրաժեշտ է սրտանոթային համակարգի բնականոն աշխատանքի համար։ Օգնում է կարգավորել էնդոկրին համակարգի աշխատանքը։ Ասկորբինաթթուն հզորագույն հակաօքսիդանտ է։ Խիստ կարևոր է ուղեղի արագ աշխատանքի, ուշադրության կենտրոնացման և ստեղծագործական մտածողության համար։

Մասնակցում է շարակցական հյուսվածքի սինթեզին։ Վիտամին C-ի քանակից է կախված ոսկորների, ատամների, հոդերի ու ջլերի վիճակը։ Բարենպաստ ազդեցություն է ունենում մաշկի վրա, կանխում է կնճիռների առաջացումը։ Օրգանիզմը պաշտպանում է վաղաժամ ծերացումից։

Օրգանիզմի օրական պահանջը

Հասուն մարդու օրգանիզմի օրական պահանջը 90-100 մգ է։ Այդ ավելի շատ է, քան մյուս վիտամինների դեպքում։ Ընդ որում՝ ասկորբինաթթվի ներթափանցումն օրգանիզմ հարկավոր է ամեն օր և կանոնավոր լինի։ Վիտամինի պահանջն ավելանում է հղիության, կրծքով կերակրման ընթացքում, ինչպես նաև սթրեսային իրավիճակներում, ֆիզիկական և մտավոր ծանրաբեռնվածության և որոշ հիվանդությունների դեպքում։

Վիտամին C պարունակող սննդամթերքներ

Ասկորբինաթթվով են հարուստ բուսական ծագման բազմաթիվ մթերքներ։ Առաջատարներն են՝ մասուր, սև հաղարջ, կտավատ, մոշ, խնձոր, կիվի, բուլղարական տաքդեղ, բրյուսելյան կաղամբ, մաղադանոս, ցիտրուսային մրգեր և այլն։

Վիտամինի անբավարարություն

Օրգանիզմում վիտամին C-ի անբավարարություն կարող է առաջանալ ինչպես սննդի միջոցով այն բավականաչափ չստանալուց, այնպես էլ ալկոհոլ, ծխախոտ, որոշ դեղամիջոցներ օգտագործելուց, ֆիզիկական և մտավոր ծանր աշխատանքի, սթրեսի և այլ պատճառներով։

Վիտամինի պակասը կարող է արտահայտվել գունատությամբ, աշխատունակության անկմամբ, հաճախակի հիվանդացությամբ, մազերի ու եղունգների որակի վատացմամբ, լնդերի արյունահոսությամբ և այլ նշաններով։

Վիտամինի ավելցուկ

Ասկորբինաթթվով հարուստ մթերքներ ուտելուց դժվար է վիտամինի ավելցուկ ունենալը։ Այդ հնարավոր է վիտամին C-ի մեծ դեղաչափ օգտագործելու դեպքում (դեղամիջոցների ու կենսաբանորեն ակտիվ հավելանյութերի տեսքով)։ Արտահայտվում է քնի խանգարմամբ, գլխացավով, բարձր ճնշմամբ, անհանգիստ վիճակով, ստամոքսի խանգարմամբ և այլ նշաններով։

Կոլրաբի․ օգտակար և վնասակար հատկությունները

Կոլրաբի․ օգտակար և վնասակար հատկությունները

Կոլրաբին պատկանում է կաղամբի ընտանիքին, անվանումը կարելի է թարգմանել որպես «կաղամբ-շաղգամ»

Օրեգանո․ օգտակար և վնասակար հատկությունները

Օրեգանո․ օգտակար և վնասակար հատկությունները

Դրական ազդեցություն է թողնում հատկապես կնոջ օրգանիզմի վրա, քանի որ կարգավորում է դաշտանային ցիկլը, մեղմում դաշտանային ցավը և կիրառվում է դաշտանի ուշացման դեպքում․․․

Բարձրացնում ենք իմունիտետը, որպեսզի պաշտպանվենք վարակներից

Բարձրացնում ենք իմունիտետը, որպեսզի պաշտպանվենք վարակներից

Սթրեսը, քրոնիկ հոգնածությունը, առողջարար սննդի ու առհասարակ օրգանիզմին անհրաժեշտ սննդանյութերի պակասը դառնում են իմունիտետի անկման հիմնական պատճառ․․․․

Մթերքներ, որոնք ցանկալի չէ ուտել հղիության ընթացքում

Մթերքներ, որոնք ցանկալի չէ ուտել հղիության ընթացքում

Հղիությունը յուրահատուկ շրջան է օրգանիզմի համար, և ցանկանաք, թե ոչ, պետք է հրաժարվեք որոշ ուտելիքներից կամ էլ գոնե սահմանափակեք դրանց քանակը, որպեսզի չվնասեք ինչպես ձեզ, այնպես էլ երեխային․․․