Վիտամիններ օրգանիզմի դիմադրողականության համար

Վիտամիններ օրգանիզմի դիմադրողականության համար

Ի՞նչ մթերքներ օգտագործել սննդում իմունիտետն ամրացնելու և տարաբնույթ հիվադությունները կանխելու համար։

Իմունային համակարգն ամրացնող բոլոր վիտամիններն ըստ էության հակաօքսիդանտներ են։ Օգնում են դիմադրել ազատ ռադիկալներին, մոլեկուլներին, որոնք ձևավորվում են միջավայրի ախտոտվածության, ուլտրամանուշակագույն ճառագայթների ազդեցության, քիմիական վնասակար նյութերի ազդեցության հետևանքով։

Վիտամին A (ռետինոլ)

Հզորագույն հակաօքսիդանտ է, անրաժեշտ է մաշկի երիտասարդության, լավ տեսողության և նյարդային ամուր համակարգի համար։ Ամենակարևորը՝ բարձրացնում է լորձաթաղանթների դիմադրողականությունը՝ խոչընդոտելով օդակաթիլային ճանապարհով վարակների ներթափանցմանը։

Ռետինոլի լավագույն աղբյուրներն են՝ ձկան յուղը, սերուցքային կարագը, ձվի դեղնուցը, սերուցքը և անարատ կաթը։

B խմբի վիտամիններ

Այդ վիտամինները հակաօքսիդանտներ չեն և անուղղակիորեն են ազդում իմունային համակարգի վրա։ Սակայն B2 և B5 վիտամինները մասնակցում են վարակները և քաղցկեղային բջիջները ոչնչացնող հակամարմինների սինթեզին, ինչպես նաև բորբոքային ռեակցիայից հետո արյունը մաքրող օժանդակ բջիջների արտադրմանը։ B9 վիտամինն ապահովում է ողնուղեղի աշխատանքը, որը յուրահատուկ գործարան է իմունային համակարգի բոլոր բջիջների համար։ B1 վիտամինի պակասը հանգեցնում է մկանային թուլության, արագ հոգնելիության, դյուրագրգռության և ախորժակի կորստի։

Վիտամին B-ի աղբյուր են՝ բրոկոլին, կանաչեղենը, լյարդը, ձուկն ու ընկուզեղենը և այլն։

Վիտամին C

Ասկորբինաթթուն ամենահայտնի հակաօքսիդանտն է, հակաբորբոքային ազդեցությունն ապացուցված է։ Այն արագացնում է օրգանիզմում վերականգնողական պրոցեսները, մեծացնում վարակների հանդեպ կայունությունը։ Քչերը գիտեն, որ մեր օրգանիզմն ընդունակ չէ պաշարել վիտամին C, այդ պատճառով էլ վիտամին C պարունակող մթերքները (ցիտրուսային մրգեր, մասուր, բրոկոլի ևայլն) ցանկալի է ուտել ամեն օր և հում վիճակում․ չէ՞ որ վիտամին C-ն կորցնում էիր ազդեցությունը, քայքայվում է բարձր ջերմամշակման ենթարկվելիս։

Վիտամին E

Բացի հակաօքսիդանտային ազդեցությունից, վիտամին E-ն լավացնում է արյան շրջանառությունը, արագացնում է հյուսվածքների ռեգեներացիան և դանդաղեցնում է ծերացման պրոցեսը։ Այդ է պատճառը, որ կոսմետիկա արտադրող ընկերություններն իրենց հակատարիքային քսուքներում պարտադիր վիտամին E են ներառում։

Վիտամին E-ի աղբյուր են առաջին հերթին բուսական յուղերը։ Ուստի ցանկալի է աղցանի վրա ոչ թե մայոնեզ կամ թթվասեր ավելացնել, այլ ձիթապտղի կամ արևածաղկի ձեթ։

Զարթխումից (похмелье) ազատվելու յոթ միջոց

Զարթխումից (похмелье) ազատվելու յոթ միջոց

Ամեն հաճույք իր գինն ունի: Եթե ընկերների հետ երեկույթի ժամանակ  կորցնում եք զգոնությունը և շատ եք խմում, ապա առավոտյան կարող եք  զղջալ նախորդ օրվա  զվարճանքի համար:

Որքա՞ն գազավորված ըմպելիք կարելի է խմել՝ առանց օրգանիզմին վնաս հասցնելու

Որքա՞ն գազավորված ըմպելիք կարելի է խմել՝ առանց օրգանիզմին վնաս հասցնելու

Որքա՞ն գազավորված ըմպելիք կարելի է խմել՝ առանց օրգանիզմին վնաս հասցնելու

Տնական դոնդող. առողջարա՞ր է, թե՞ ոչ

Տնական դոնդող. առողջարա՞ր է, թե՞ ոչ

Այս քաղցրավենիքով տարվելն այնքա՜ն հեշտ է․ մեկ չափաբաժինը սովորաբար առաջացնում է միաժամանակ և՛ հաճույքի,  և՛  մեղքի զգացում։

Ի՞նչ է տեղի ունենում մեր օրգանիզմում, երբ համեմ ենք ուտում

Ի՞նչ է տեղի ունենում մեր օրգանիզմում, երբ համեմ ենք ուտում

Տարբեր ուտեստներ պատրաստելիս մենք հաճախ օգտագործում ենք գինձ` անուշահոտ մանր հատիկներ: