Սպորտ և հղիություն․ արգելված և թույլատրելի ծանրաբեռնվածություն

Սպորտ և հղիություն․ արգելված և թույլատրելի ծանրաբեռնվածություն

Հղիության ընթացքում սպորտի մասին խոսելով պետք է հասկանալ ֆիզկուլտուրան, որը թույլատրելի է ապագա մորը։ Ընդունված է համարել, որ այն կանայք, որոնք նախքան հղիությունն ակտիվորեն զբաղվել են սպորտով, այն կարող են շարունակել նաև հղիության ընթացքում՝ նվազեցնելով ծանրաբեռնվածությունը։

Կարդացեք՝ Սպորտը և հղիությունը․ ինչպե՞ս համատեղել

Մասամբ ճիշտ է, սակայն հղիության ընթացքում օրգանիզմը կարող է անակնկալներ մատուցել նաև սպորտով զբաղվող կնոջը։ Հղիության ընդհատման վտանգից ոչ ոք զերծ չէ, ուստի միայն բժիշկը կարող է որոշել ծանրաբեռնվածության չափը՝ հիմնվելով ՈւՁՀ-ի և հետազոտությունների արդյունքների վրա։

Ո՞ր գործոններին է պետք ուշադություն դարձնել

Եթե ապագա մայրը երկվորյակի է սպասում կամ էլ այնքան էլ երիտասարդ չէ, ապա պետք է զգույշ լինել։ Եթե բժիշկը պնդում է, որ կինը պետք է հղիությունն անցկացնի պառկած, ոտքերը բարձր դրված, ապա չի նշանակում, որ կատակ է անում։ Նման դեպքերում ամենամեծ ծանրաբեռնվածությունը կլինի քնից առաջ զբոսնելը։

Հակացուցումներ

Սպորտի ի՞նչ տեսակ ընտրել

Եթե չկան հակացուցումներ, կարող եք ֆիզիկական վարժություններ անել, սակայն ընտրած ձևը չպետք է լինի ակտիվ շարժումներ ենթադրող, օրինակ՝ վազք, ձիավարություն, ցատկ, հեծանվասպորտ, մեծ թենիս, վնասվելու վտանգ կրող, ձգումներ ենթադրող՝ շնչառության պահում, շեշտակի պտույտներ, ծանրության բարձրացում և այլն։ Ծանրաբեռնվածությունը պետք է անվտանգ լինի և առավելագույն հաճույք պատճառի։

Ի՞նչն է թույլատրելի

Լողն ու ամենօրյա զբոսանքը լավացնում են արյան շրջանառությունը, սրտանոթային համակարգի աշխատանքը, կանխում են շնչառական հիվանդությունները, հանգստացնում են նյարդերը, անցկացնում են գլխացավը, կանխում են ավելորդ քաշի կուտակումը և այլն։

Լողավազանն ընտրելիս ուշադրություն դարձրեք մաքրությանը, մեծ կենտրոններում պահպանում են սանիտարական նորմերը, լավ են քլորացնում ջուրը։ Հիշեցնենք, որ քլորը երեխային չի փոխանցվում և չի կարող վնասել նրան։ Գուցե անգամ հղի կանանց համար նախատեսված ջրային աէրոբիկայի դասեր գտնեք։

Կարդացեք՝ Քայլքը հղիության ընթացքում

Այսօր մեծ տարածում ունի յոգան և հղի կանանց մարմնամարզությունը։ Դրանց առավելությունները շատ են։ Ուշադրություն դարձրեք մարզչին կամ յոգայի ուսուցչին, վերջիններս պետք է փորձառու լինեն և հղի կանանց հետ աշխատելու հատուկ հմտություններ ունենան։

Ակտիվության ընտրված ձևը պետք է հաճույք պատճառի և առույգացնի, այլ ոչ թե հոգնեցնի։ Անհարմարության, ցավի կամ տհաճ զգացողության դեպքում հարկավոր է դադարեցնել, ընթացքում կարող եք ջուր խմել։

Հիշեք՝ ծննդաբերությունը որքան մոտենում է, ծանրաբեռնվածությունն այնքան նվազում է։

Սեքսը կրծքով կերակրման շրջանում

Սեքսը կրծքով կերակրման շրջանում

Մի շարք կանայք ԿԿ ֆոնին բախվում են լիբիդոյի նվազման խնդրին․․․

Օրգազմը հղիության դեպքում

Օրգազմը հղիության դեպքում

Հղիությունը չի նվազեցնում սեռական ցանկությունը, սակայն շատերը խուսափում են օրգազմից՝ մտածելով, որ այն կարող է վիժում առաջացնել...

Վարիկոզի կանխարգելումը հղիության ընթացքում

Վարիկոզի կանխարգելումը հղիության ընթացքում

Հղիության ընթացքում վարիկոզի առաջացման հիմնական պատճառն արգանդի մեծացումն է, ինչը հանգեցնում է փոքր կոնքի երակի...

Կրծքով կերակրումը ջերմության բարձրացման պայմաններում

Կրծքով կերակրումը ջերմության բարձրացման պայմաններում

Կրծքով կերակրող մայրերը, երբ ջերմություն են ունենում, սկսում են մտահոգվել, թե արդյոք կարելի է շարունակել կրծքով կերակրումն այդ վիճակում, արդյոք կաթը վնասակար չի լինի երեխայի համար․․․