Մարզումների բարենպաստ ազդեցությունը մոր և պտղի վրա
6781
Վերջին հետազոտությունները ցույց են տվել, որ հղիության ընթացքում կանոնավոր մարմնամարզությունը բարելավում է ինչպես մայրիկի, այնպես էլ պտղի սրտի աշխատանքը: Մարզվելու արդյունքում դանդաղում է սրտի ռիթմը, ինչը խոսում է սրտի լավ վիճակի մասին, և այդ դանդաղ ռիթմը պտղի ծնվելուց հետո դեռ մեկ ամիս պահպանվում է: Այնպես որ, ամենաառաջին բանը, որ կարող է մայրիկն անել իր և իր ապագա փոքրիկի սրտանոթային առողջությունը բարելավելու համար, հղիության ընթացքում մարզվելն է:
Հետազոտությունն անցկացնող հոգեբան-բժիշկները նշում են, որ մայրիկի մարզվելու ազդեցությանը ենթարկվելն իր հերթին ազդում է պտղի նյարդային համակարգի և սրտի զարգացման վրա: Նույնիսկ ծնվելուց հետո, երբ արդեն այդ ազդեցությանը պտուղը չի ենթարկվում, նրա առողջության մեջ դրա հետևանքը զգալի է. վերջիվերջո փոքրիկն արդեն իսկ առողջ սրտով է ծնվում:
Դեռ հայտնի չէ, թե ինչ մեխանիզմով է այդ ազդեցությունը տեղի ունենում, սակայն ենթադրվում է, որ մարզվելու ընթացքում մայրիկի օրգանիզմում արտադրվող հորմոնները կամ աճի գործոնն են պատճառը, որոնք ներթափանցում են ընկերք և ակտիվացնում պտղի զարգացումը:
Հղիության ընթացում մարզվելն օգնում է մեղմացնել մեջքի ցավերը, նվազեցնում է մայրիկի արյան ճնշումը և բարձրացնում է տրամադրությունը: Եթե կինն առողջ է և անհատական հակացուցումներ չկան, շատ վարժություններ անվտանգ են հղիության ընթացքում, օրինակ վազքը, քայլքը, լողը և այլն:
Կարդացեք՝ Սպորտը և հղիությունը. ինչպե՞ս համատեղել:
