Քայլքը հղիության ընթացքում

Քայլքը հղիության ընթացքում

Եթե ուշադրություն եք դարձնում ձեր կազմվածքին և առողջ ապրելակերպ եք վարում, ապա գիտեք, թե լավ ինքնազգացողության համար որքան կարևոր է քայլելը։ Հղիության ընթացքում այն կրկնակի կարևոր է։ Այդ ընթացքում ծանրաբեռնվածությունը կնոջ օրգանիզմի վրա մեծանում է, մեծանում է սրտանոթային և շնչառական համակարգերի ծանրաբեռնվածություն։

Առողջ զգալու, հեշտ ծննդաբերելու և ծննդաբերությունից հետո արագ վերականգնվելու համար հարկավոր է հղիության շրջանում չդադարեցնել ֆիզիկական ակտիվությունը, որի ամենաբնական ձևը քայլելն է։ Այն օգտակար է բոլոր կանանց համար, սակայն այլ հարց է, թե ինչպես և որքան է պետք քայել։ Հակացուցումների բացակայության դեպքում կարելի է զբաղվել սպորտային քայլքով՝ սկսելով ամենապարզ աստիճանից։

Եթե ինչ-ինչ պատճառներով արգելված է ֆիզկուլտուրայով և սպորտով զբաղվելը, ապա քայլել այնուամենայնիվ կարելի է և անգամ անհրաժեշտ։ Բոլոր դեպքերում հարկավոր է խորհրդակցել բժշկի հետ։ Նշենք, որ հղիության ընթացքում գերջրության, սուր և քրոնիկական հիվանդությունների, արգանդի բարձր տոնուսի, հղիության ընդհատման սպառնալիքի, սուր արտահայտված տոքսիկոզի և գեստոզի դեպքում չի կարելի շատ քայլել։

Հղիության ընթացքում քայլքը բազմաթիվ հիվանդությունների և ախտաբանական վիճակների՝ օրինակ վարիկոզի կանխարգելման լավ միջոց է։ Ամրացնում է որովայնի խոռոչի պատերը, ինչը բարենպաստ պայմաններ է ստեղծում ծննդաբերության համար։

Անվտանգ և արդյունավետ մարզման նպատակով հարկավոր է պահպանել մի շարք կանոններ։

Քայլքը միշտ սկսեք փոքրիկ վարժանքից հետո։ Հենվեք որևէ առարկայի և ոտնաթաթը շրջանաձև պտտեք օդում, ոտքերը հետ և առաջ տարեք։

Ինտենսիվությունը և արագությունը պետք է մեծացնել աստիճանաբար։ Սկզբնական շրջանում քայլեք շաբաթական երեք անգամ՝ 10-15ր տևողությամբ, այնուհետև աստիճանաբար մեծացրեք՝ պարբերականությունը դարձնելով 5-6 անգամ, տևողությունը՝ 15-20 ր։

Սպորտային հարմարավետ հագուստ և կոշիկներ ընտրեք, որպեսզի դրանք չխանգարեն ազատ շարժվելուն։

Մարզման ընթացքում խմեք սովորական, չգազավորված, սենյակային ջերմաստիճանի ջուր։ Ֆիզիկական ակտիվության ընթացքում մարդու մարմնի ջերմաստիճանը բարձրանում է, իսկ հղի կնոջ համար այդ ցանկալի չէ, ուստի կում-կում խմեք ջուրը, բայց հաճախ։

Եթե հակացուցումներ չկան, ապա առաջին և երկրորդ եռամսյակներում կարելի է ավելի ինտենսիվորեն զբաղվել՝ աստիճանաբար նվազեցնելով ծանրաբեռնվածությունը, քանի որ երրորդ եռամսյակում ռիսկերը շատանում են։

Մեջքը պետք է լինի ուղիղ, մարմնի ծանրությունը՝ հավասարաչափ տեղաբաշխված, թևերը՝ արմունկի հատվածում ծալած։ Օգնեք ձեզ ձեռքերով, քայլելիս առաջ և հետ տարեք դրանք։

Վերահսկեք անոթազարկը և սրտի զարկերը։ Այդ նպատակով օգտակար են կարդիոմոնիտորները, որոնք վաճառվում են դեղատներում։

Փոքրիկ անհանգստության, հոգնածության կամ ինքնազգացողության վատացման դեպքում դադարեցրեք մարզումը, նստեք և հանգստացեք։

Չի կարելի քայլել արևի անմիջական ճառագայթների ներքո։ Խուսափեք ճանապարհի եզրով կամ մեքենայաշատ վայրերում քայլելուց։

Խորհուրդ է տրվում քայլելիս միշտ մի քանի քայլ առաջ նայել և ոչ թե ոտքերին։ Այն թույլ կտա խուսափել ուսերի և պարանոցի մկանների լարվածությունից։

Քայլելուց հետո խորհուրդ է տրվում պառկել և ոտքերը բարձերի միջոցով հարմարեցնել սրտի մակարդակից բարձր դիրքում, ինչը կլավացնի երակներում արյան շրջանառությունը և կկանխարգելի այտուցվածությունը։

Մարզումն ավելի հաճելի դարձնելու նպատակով կարող եք քայլել ամուսնու կամ ընկերուհու հետ՝ այդպիսով նաև նրանց քաջալերելով առողջ ապրելակերպ վարել։

Եղեք գեղեցիկ, առողջ ու երջանիկ։

Ինչ է էպիզիոտոմիան և ինչպես վերականգնվել դրանից հետո

Ինչ է էպիզիոտոմիան և ինչպես վերականգնվել դրանից հետո

Ծննդաբերության ժամանակ հեշտոցը լայնանում է, բայց երբեմն դա կարող է բավարար չլինել երեխայի գլուխը տեղավորելու համար

Ի՞նչ անել, եթե առանց որևէ պատճառի կապտուկներ են առաջանում

Ի՞նչ անել, եթե առանց որևէ պատճառի կապտուկներ են առաջանում

Կապտուկը անոթների վնասվածքի պատճառով մաշկի վրա առաջացած արյունազեղումն է

Ստամոքսի քաղցկեղ

Ստամոքսի քաղցկեղ

Ընթացակարգի ժամանակ ստամոքսի մեջ մտցվում է հատուկ սարք, որի միջոցով բժիշկն ուսումնասիրում է ստամոքսի բոլոր հատվածները, ինչպես նաև 12-մատնյա աղին։

Ինչպե՞ս է գործում հղի կանանց դիմադրողականությունը

Ինչպե՞ս է գործում հղի կանանց դիմադրողականությունը

Գենի և դիմադրողականության տեսանկյունից՝ պտուղը օտար օրգանիզմ է կնոջ համար