Մարմնի քաշի ավելացման վրա ազդող հորմոնները

Մարմնի քաշի ավելացման վրա ազդող հորմոնները

Մարմնի քաշի ավելացման վրա ազդում են բազմաթիվ գործոններ՝ ժառանգականությունը, նստակյաց ապրեակերպը, շատակերությունը, սթրեսները, սակայն նշանակալի դեր են խաղում նաև նյութափոխանակության համար պատասխանատու հորմոնները։ Հենց հորմոններն են որոշում կուտակե՞լ, թե՞ այրել ճարպը։

Ինսուլին

Բջիջներն էներգիան ստանում են գլյուկոզայից։ Ուտելուց հետո գլյուկոզայի մակարդակը բարձրանում է, և ենթաստամոքսային գեղձն ինսուլին է արտադրում։ Այն օգնում է գլյուկոզան հասցնել բջիջներին։ Ինսուլինը մեզ էներգիա է տալիս, ինչպես նաև հավաքում և պահպանում է ճարպը։ Եթե օրգանիզմում ինսուլինի մակարդակը բարձր է, ճարպը կկուտակվի։

Կորտիզոլ

Կորտիզոլը սթրեսի հորմոնն է։ Արտադրում են մակերիկամները, որպեսզի կանխեն արյան մեջ գլյուկոզայի ներթափանցումը։ Այդ է պատճառը, որ սթրեսն ուտելու ցանկություն է առաջացնում, հատկապես քաղցր, այդպիսով օրգանիզմն ուժ է կուտակում դժվարին իրավիճակներին դիմակայելու համար։ Կորտիզոլը դանդաղեցնում է նյութափոխանակությունը, որպեսզի էներգիա պահեստավորի։ Եթե օրգանիզմում կորտիզոլի մակարդակը բարձր է, ճարպը կկուտակվի։

Կարդացեք՝ Քաշ, մարմնի զանգվածի ինդեքս և հորմոններ

Լեպտին

Լեպտինը հագեցածության հորմոնն է, որն արտադրում են ճարպաբջիջները։ Վերահսկում է նյութափոխանակության արագությունը և որոշում ինչ անել ճարպը՝ կուտակե՞լ, թե՞ այրել։ Եթե օրգանիզմում լեպտինի մակարդակը ցածր է, կսկսեք ավելի շատ ուտել։ Հաճախ լեպտինի մակարդակի անկմանը նպաստում է քնի պակասը, այդ պատճառով էլ խիստ կարևոր է քնի ռեժիմի պահպանումը։

Թիրեոիդային հորմոններ

Թիրեոիդային հորմոնները (TTG, Т3, Т4ևայլն) արտադրվում են վահանաձև գեղձի կողմից։ Նրանցից է կախված նյութափոխանակության արագությունը։ Եթե օրգանիզմում այս հորմոնների մակարդակը ցածր է, ճարպը կուտակվում է։

Ի՞նչ է պետք ուտել և ինչպե՞ս մարզվել նիհարելու համար

Սնունդը

Հետազոտությունները ցույց են տալիս, որ օրվա ընթացքում սնվելու լավագույն չափը երեք անգամն է։

Խիստ դիետաները սթրեսային են օրգանիզմի համար։ Ճիշտ է, ավելի բարեկազմ կդառնաք, բայց ժամանակավորապես, իսկ օրգանիզմն ազդանշան կստանա, որ դժվար ժամանակներ են գալիս և կսկսի էներգիա կուտակել։ Արդյունքում, եթե անգամ քիչ ուտեք, կգիրանաք։ Ավելի լավ է դանդաղ նիհարել՝ պահպանելով կալորիաների որոշակի դեֆիցիտ (օրինակ՝ ձեր նորմայի դեպքում 1900կկալի փոխարեն ուտել 1700-ը․ հստակ քանակը որոշվում է ձեր տարիքի, հասակի, քաշի և ապրելակերպի հիման վրա)։ Այդպիսով օրգանիզմին կվստահեցնեք, որ ճարպ պաշարելու կարիք չկա։

Կարդացեք՝ Հորմոնային խանգարման նշանները

Այնպիսի մթերքներ կերեք, որոնք նվազագույն չափով են նպաստում ինսուլինի արտադրմանը։ Դրանք գլիկեմիկական ցածր ինդեքսով մթերքներն են։ ԳԻ-ն ցույց է տալիս, թե արյան մեջ որքան կլինի գլյուկոզայի մակարդակը տվյալ մթերքն ուտելուց հետո։ Արագ ածխաջրերի փոխարեն սպիտակուց և բջջանյութ կերեք։

Դրանք հագեցնում են և օգնում չափից շատ չուտել։ Սպիտակուցը մկանների կառուցվածքի հիմնական նյութն է, իսկ որքան մկանները շատ են լինում, օրգանիզմն այնքան շատ կալորիա է ծախսում անգամ հանգստի վիճակում։

Վարժություններ

Երբ մարզվում ենք, մկանները ծախսում են գլյուկոզայի պաշարը և այն համալրելու կարիք ունենում։ Հետազոտությունները ցույց են տվել, որ ինսուլինի զգայունակության բարձրացման ամենաարդյունավետ վարժությունները մեծ ինտենսիվությամբ պարապմունքներն են։

Պարապմունքի լավագույն տևողությունը 1-1.5 ժամն է չափավոր ծանրաբեռնվածության դեպքում։ 20 րոպեն էլ բավական է մեծ ինտենսիվությամբ ինտերվալային մարզման համար։ Այդպիսի մարզումից հետո օրգանիզմը շարունակում է օրվա ընթացքում կալորիաներ այրել։

Ի՞նչ կպատահի, եթե թթված կաթ կամ ժամկետանց կեֆիր խմեք

Ի՞նչ կպատահի, եթե թթված կաթ կամ ժամկետանց կեֆիր խմեք

Թարմ կաթը գործնականում զերծ է բակտերիաներից

Աղիքների համար օգտակար 10 մթերքներ

Աղիքների համար օգտակար 10 մթերքներ

Նստակյաց ապրելակերպը և ոչ ճիշտ սննդակարգը հաճախ բացասաբար են անդրադառնում մարսողական համակարգի վրա: Կարող եք բարելավել իրավիճակը՝ փոփոխելով ձեր սննդակարգը

Սննդակարգը փորկապության դեպքում. օգտակար և վնասակար մթերքները

Սննդակարգը փորկապության դեպքում. օգտակար և վնասակար մթերքները

Փորկապությունը տարածված խանգարում է, որը նկատվում է բոլոր տարիքային խմբերի տղամարդկանց ու կանանց մոտ

Ինչո՞ւ և որքա՞ն ուտել հացահատիկի թեփ

Ինչո՞ւ և որքա՞ն ուտել հացահատիկի թեփ

Թեփը ստանալու համար մանրացնում են հացահատիկը։ Այն ներառում է վիտամիններ՝ PP, B1, B2, E, երկաթ, մագնեզիում, ցինկ, կալիում և այլ օգտակար հանքային տարրեր: