Ճի՞շտ է, որ հորմոնային հակաբեղմնավորիչները նպաստում են գիրանալուն
12989
«Չե՞մ գիրանա, եթե սկսեմ բեղմնականխիչ հաբեր օգտագործել»: Այս և նմանատիպ հարցերը մտահոգում են այն կանանց, ովքեր որոշել են բեղմնականխման համար առաջին անգամ օգտվել հորմոնային հակաբեղմնավորիչներից: Շատերը կարծում են, որ նման հաբերի ամենասարսափելի կողմնակի ազդեցությունը ավելորդ կիլոգրամների առաջացումն է:
Իրականում այդպես չէ: Այս թյուր պատկերացման համար հիմք է ծառայել այն փաստը, որ տարիներ առաջ հորմոնային դեղահաբերն օժտված էին անդրոգենացնող ազդեցությամբ, այսինքն՝ նպաստում էին կնոջ օրգանիզմում արական հորմոնի մակարդակի բարձրացմանը:
Ներկայում բժշկական տեխնոլոգիաները մեծ առաջընթաց են ապրել, փոխվել է արտադրվող դեղորայքի որակը, նվազագույնի է հասցված կողմնակի ազդեցությունների և վնասի ռիսկը: Եթե հորմոնային դեղորայքը նշանակված է բժշկի կողմից՝ հիմնված տվյալ կնոջ օրգանիզմի առանձնահատկությունների վրա, ապա կարելի է ասել, որ բացի դրական արդյունքից ոչ մի վնաս չի հասցնի և չի նպաստի գիրությանը:
Առողջ, ակտիվ ապրելակերպ ունեցող, ռացիոնալ սնվող կինը կարող է վստահորեն օգտագործել հակաբեղմնավորիչ հաբեր՝ առանց վախենալու, որ դրանք կփչացնեն կազմվածքը: Կյանքում առաջին անգամ հորմոնային հաբեր օգտագործելուց առաջ անհրաժեշտ և կարևոր է այցելել գինեկոլոգիական խորհրդատվության, հետազոտվել և ստանալ ձեր օրգանիզմի առանձնահատկություններին համապատասխանող հորմոնային հաբերի մասին ցուցումներ:
Նմանատիպ նյութեր
Ճի՞շտ է, որ դեմքի կորյակները վկայում են սեռական օրգանների նորմալ գործունեության խախտման մասին
Ճի՞շտ է, որ «չամուսնացած աղջիկները» չպետք է ինտիմ լվացման միջոցներ օգտագործեն
Ճի՞շտ է, որ հղիության ընթացքում մազերը ներկելը, շպարն ու եղունգի լաքը վնասում են պտղին
Ճի՞շտ է, որ պտղի սեռը հնարավոր է որոշել՝ ելնելով հղի կնոջ փորի ձևից
Ճի՞շտ է, որ ծննդաբերությունը բոլորի դեպքում էլ ուղեկցվում անդիմադրելի ցավով
