Կանանց

Փողային անպտղություն

Փողային անպտղությունն առաջանում է արգանդափողերի անցանելիության անատոմիական խանգարումների հետևանքով, իսկ որովայնային (պերիտոնեալային) անպտղությունը՝ փոքր կոնքի, մասնավորապես՝ ձվարանների շրջանում կպումների առկայության հետևանքով։

Կարդացեք՝ Առաջնային անպտղություն

Պատճառներն են՝

վերարտադրողական համակարգի նախկինում տարած վիրահատություններ,
սեռական ճանապարհով փոխանցվող վարակներ,
սեռական օրգանների նախկինում տարած բորբոքային հիվանդություններ,
հղիության արհեստական ընդհատման արդյունքում առաջացած վնասվածքներ և խանգարումներ,
էնդոմետրիոզ և այլն։

Արգանդափողերի ֆունկցիոնալային ախտահարման դեպքում բժիշկը սովորաբար փորձում է պարզել կա՞ն, թե՞ չկան փողերի մկանային շերտի խանգարումներ, անցանելի՞ են, թե՞ ոչ։

Կարդացեք՝ Երկրորդային անպտղություն

Ախտորոշումը

Ախտորոշման ժամանակ մեծ ուշադրություն է դարձվում հիվանդության պատմությանը՝ նախկինում տարած վիրահատություններ, սեռական ճանապարհով փոխանցվող հիվանդությունների առկայություն և այլն։

Կարդացեք՝ Արգանդային անպտղություն

Փողային անպտղության ախտորոշման նպատակով կիրառվում են հետևյալ մեթոդները՝ հիստերոսալպինգոգրաֆիա և արգանդափողերի անցանելիության ստուգում սոնոգրաֆիայի միջոցով՝ հիստերոսոնոգրաֆիա։

Հիստերոսալպինգոգրաֆիայի դեպքում հատուկ նյութ է ներմուծվում հիվանդի օրգանիզմ, որից հետո կատարվում է ռենտգեն հետազոտություն։ Ռենտգենի ժամանակ կոնտրաստային նյութ են ներմուծում՝ որի շնորհիվ հնարավոր է լինում տեսնել արգանդափողերի անցանելիությունը։

Կարդացեք՝ Հիստերոսալպինգոգրաֆիա․ ի՞նչ միջամտություն է, ե՞րբ է ցուցված

ՈւՁՀ-ի ժամանակ արգանդի խոռոչում հատուկ հեղուկ են լցնում և մոնիտորի վրա տեսնում արդյո՞ք այն անցնում է արգանդափողերի միջով, թե ոչ։

Կարդացեք՝ Ուլտրաձայնային հետազոտություն