Նախապատրաստվել ծննդաբերությանը. ինչպե՞ս

Նախապատրաստվել ծննդաբերությանը. ինչպե՞ս

Հղիության և ծննդաբերության թեման ժամանակակից հասարակության մեջ լայնորեն շահագործվում է արտադրողների և առևտրային կազմակերպությունների կողմից: Դա մի ամբողջ արդյունաբերություն է՝ հղի կանանց համար նախատեսված վիտամիններ, հանգստացնող միջոցներ, հատուկ ներքնազգեստ և այլն:

Գովազդը և առաջարկը բազմաթիվ ապրանքների պահանջարկ են ձևավորում, ապրանքների, որոնց կարիքն իրականում կանայք չունեն և առանց դրանց էլ կարող են հղիանալ, ծննդաբերել և առողջ երեխա մեծացնել: Բայց արի ու տես, որ գիտակցության մեջ պատկերացում է ձևավորվում, թե երեխա ունենալը թանկ արժե, ինչը հաճախ որոշիչ դեր է խաղում երեխա ունենալու որոշման հարցում: Գովազդային առաջարկներին զուգահեռ ինֆորմացիոն հոսքը չի դադարում նաև լրատվամիջոցներով և համացանցով, որոնցում ևս դժվար է կենտրոնանալ և հասկանալ, թե ինչին է կարելի վստահել, ինչին՝ ոչ:

Բազմաթիվ հոդվածներում նշում են, որ հղի կանանց հուզական վիճակը լիովին կախված է հորմոնների ազդեցությունից, ճիշտ է, որ նրանք նեղացկոտ ու դյուրագրգիռ են դառնում, որ բնական է մտերիմների վրա զայրույթը թափելը, որ հարկավոր է թույլ տալ այդ զգացմունքներին արտահայտվել և այլն, իսկ հետո ծննդաբերության՝ ֆիզիկական ցավի պահին առաջարկում են մտածել երեխայի մասին, ուրախանալ նրա ծնունդով, տեղի չտալ վախին:

Ինչպե՞ս անել այդ, եթե նախապես չենք աշխատում հույզերի հետ: Ինչպե՞ս վախի և իրական ֆիզիկական ցավի պահին ուշադրությունը սևեռենք այլ վիճակի ու ապրումների վրա: Որտեղի՞ց ստանանք անհրաժեշտ կամքի ուժը, եթե նախապես չենք մարզում այն, այլ տեղի ենք տալիս քմահաճություններին՝ դրանք բացատրելով հորմոնային փոփոխություններով:

Մի նուրբ հարց ևս: Շատերն են խորհուրդ տալիս «ընդունել» ծննդաբերական ցավը, փորձառության ցավը: Բայց ինչպե՞ս: Ինչպես Ա. Լոուեն՝ մարմնակողմոնորոշիչ թերապիայի հիմնադիրներից մեկն է նշում, առողջության սուբյեկտիվ զգացողությունը հաճույքի և ուրախության զգացում է, որն ստանում ենք մարմնից: Հենց այդպիսի վիճակներում ենք յուրահատուկ կապ զգում բոլոր կենդանի արարածների և ամբողջ աշխարհի հետ: Ցավը, ընդհակառակը, մեկուսացնում է մեզ մյուսներից: Երբ ցավ ենք զգում, ոչ միայն հիվանդության ախտանշաններ են ի հայտ գալիս, այլև մեկուսանում ենք աշխարհից:

Ցավոք քաղաքակրթությունը որքան զարգանում է, այնքան ամրապնդվում է այն պատրանքը, թե մարմինը մեզ այնքան էլ պետք չէ, պետք է միայն ուղեղը: Հղիության ընթացքում շատ բան է կախված մարմնից, նրան վստահելու կնոջ ունակությունից: Հենց այդ դեպքում է հնարավոր ընդունել ծննդաբերական ցավը, դադարել վերահսկել իրավիճակը և թույլ տալ մարմնին ծննդաբերել: Հաճախ, ցավոք, կանայք շարունակում են վերահսկել գործընթացը, չեն լսում իրենց մարմնին, արդյունքում կեսարյան հատում է արվում (խոսքն այն դեպքերի մասին է, երբ հղիությունն առանց խնդիրների է ընթացել և կեսարյան հատման ցուցում չի եղել):

Ի՞նչ անել: Դե իհարկե նախապատրաստվել: Հղիությունը կնոջ համար լուրջ աշխատանքներ տանելու շրջան է և ոչ թե զայրույթի պոռթկումների ու թուլություններին, քմահաճույքներին անձնատուր լինելու: Հարկավոր է նախապատրաստել մարմինը, սովորել ճիշտ շնչել (ցավը մեղմելու համար), հանգստանալ, մշակել սեփական հույզերը: Նախապես որքան շատ վախեր վերամշակեք, վերլուծեք, հասկանաք և ճանաչեք, այնքան հեշտ կլինի ծննդաբերությունը:

Հղիությունը մի շարք բացասական տարրերից ազատվելու ժամանակն է, այն ամենից, ինչը ձեզ պահում է անցյալում՝ վիրավորանք, մեղք, անկատար գործեր, հարաբերություններ, անհամաձայնություններ, չիրացված հնարավորություններ և այլն: Մարմնային թերապիայի տեսության համաձայն բոլոր հոգեբանական դժվարությունները ամրակայված են մեր մարմնում: Բոլոր ծանր ապրումները, հարաբերություններում բոլոր խնդիրները կուտակվում են արգանդում և ազդում ծննդաբերության վրա:

Հղիությունն ինքներդ ձեզ ժամանակ տրամադրելու շրջանն է: Ընդամենն ինն ամիս մի մեծ աշխատանք կատարելու համար: Ինն ամիս, որպեսզի վերակազմավորեք մարմինը, սովորեք կառավարել հույզերը, ներել և մի նոր բանի համար տեղ ազատել, ինքնորոշվել, կյանքին նոր իմաստ հաղորդել: Թվում է, թե անհնա՞ր է: Ոչ: Այդ շրջանում կնոջը մեծ ուժ, էներգիա ու ռեսուրս է տրվում, և միայն նա է ընտրում, թե ինչպես ծախսի դրանք՝ աշխատանքի և անձնային աճի, թե տրամադրության անկումների, քմահաճույքներին և ցանկություններին անձնատուր լինելու վրա:

Գրիպը քրոնիկ հիվանդությունների ժամանակ

Գրիպը քրոնիկ հիվանդությունների ժամանակ

Գրիպի ֆոնի վրա գրեթե ցանկացած քրոնիկ հիվանդություն ակտիվանում է՝ վատթարացնելով անձի առողջական վիճակը, որը կարող է հանգեցնել մինչև իսկ մահվան

Հարբեցողություն

Հարբեցողություն

Ալկոհոլի անվտանգ չափաբաժնի մասին ուսումնասիրությունները վկայում են, որ ֆիզիոլոգիայի տեսանկյունից այն գոյություն չունի: Սակայն հարկ է նշել, որ ալկոհոլն ազդում է նաև հոգեվիճակի վրա

Սրտի հիվանդությունները մեծացնում են դեմենցիայի առաջացման վտանգը

Սրտի հիվանդությունները մեծացնում են դեմենցիայի առաջացման վտանգը

Ձախ նախասրտի կառուցվածքային փոփոխությունները մեծացնում են դեմենցիայի առաջացման հավանականությունը, նույնիսկ եթե հիվանդները չունեն սրտի գործառույթի խանգարումներ

Վտանգավոր պահածոներ

Վտանգավոր պահածոներ

 Ինչո՞ւ խորհուրդ չի տրվում տնային պայմաններում պահածոյացնել միսը, ոլոռը և եգիպտացորենը