Եթե ամուսինը նշանակություն չի տալիս հղիությանը

Եթե ամուսինը նշանակություն չի տալիս հղիությանը

Եթե ամուսինն ուշադիր, ամեն հարցում աջակցող մարդ է, ում հետ ընդհանուր լեզու եք գտնում, ապա մյուս մարդկանց անուշադրությունն առանձնապես չի վիրավորում: Երբեմն, սակայն, կնոջը թվում է, թե ամուսինը պատշաճ ուշադրություն չի դարձնում և նշանակություն չի տալիս հղիությանը: Եթե նա չի անհանգստանում աջ թուլակողի ցավերի պատճառով և քնքշությամբ չի լցվում գնված փոքրիկ վերնաշապիկը տեսնելիս, ապա ամենայն հավանականությամբ չափազանցնում եք ձեր մտահոգությունները: Տղամարդիկ երբեմն իսկապես անմասն են մնում և կարիք են ունենում, որ իրենց ակտիվորեն ներգրավեն «գործընթացի» մեջ:

Մյուս կողմից էլ այդ յուրահատուկ շրջանում կանանց հատուկ է ամուսնուն նրա ուժերից վեր պահանջներ ներկայացնելը, նրանք ցանկանում են, որ ամուսինը և՛ գլուխ հանի հղիության և ծննդաբերության հարցերից, և՛ հոգա ընտանեկան ծախսերի մասին, և՛ կենցաղային հարցերում օգնի, և՛ նուրբ և քնքշառատ լինի, և՛ գիշերվա կեսին պաղպաղակ գնելու վազի … Ամեն բան միանգամից չի լինում, քանի որ ամուսիններն էլ այնպիսի մարդիկ են, ինչպես նրանց կանայք:

Բավականին հաճախ ամուսնու անուշադրությունն անգամ ոչ թե վիրավորում է, այլ անհանգստացնում. եթե նա անգամ հիմա ուշադիր չէ, ապա միգուցե հետագայում երեխայի՞ն էլ չսիրի: Նախքան ամուսնուն մեղադրելը փորձեք հասկանալ, թե ինչ է իրականում կատարվում: Արդյո՞ք իրական պատճառ կա անտարբերության վերաբերյալ ձեր կասկածների հիմքում, թե՞ դա ընդամենը տագնապալից սպասում է: Շատերը, հղի կանայք ևս բացառություն չեն, շփոթում են պատասխանատվությունը և տագնապը: Կարևոր է վերջիններս տարանջատել կարողանալը: Պատասխանատվությունը սպասվելիք իրադարձություններին նախապատրաստվելու և իրավիճակը կանխորոշել կարողանալու ձգտումն է: Տագնապայնությունը անհաջողությունների նկատմամբ անզորությամբ համակված կամ հիվանդագին սպասումն է:

Հավասարակշռեք ձեր հույզերը, հանգստացեք և փորձեք հասկանալ, թե իրականում ինչ եք զգում: Եթե ամուսինը ներամփոփ մարդ է, չի կարողանում արտահայտել զգացմունքները, ապա պետք չէ պահանջել, որ նա անմիջապես տարվի հղիությամբ կամ ծննդաբերության օրն օրինակելի հայր դառնա: Այլ բան է, եթե ամուսինն սկսել է չափից շատ խմել, ագրեսիվ է դարձել. այդ պարագայում շատ կարևոր է գործել և միջոցներ ձեռնարկել: Հարկ չկա հապաղել խնդրի լուծման հարցում, աջակցություն խնդրեք մտերիմներից և դիմեք հոգեբանի: Այսպիսի խնդիրների պատճառները բազմաբնույթ են լինում, սակայն հղիությունը լավագույն շրջանը չէ, որ փորձեք միայնակ փնտրել լուծումը: Լինելով հասուն մարդ՝ պետք է փնտրել խնդրի լուծումը, այլ ոչ թե խուճապի մատնվել:

Եթե ցանկանում եք, որ ձեր երեխան իրեն երջանիկ զգա, նախ և առաջ զբաղվեք ձեր ամուսնական հարաբերություններով:

Բարձրացնում ենք իմունիտետը, որպեսզի պաշտպանվենք վարակներից

Բարձրացնում ենք իմունիտետը, որպեսզի պաշտպանվենք վարակներից

Սթրեսը, քրոնիկ հոգնածությունը, առողջարար սննդի ու առհասարակ օրգանիզմին անհրաժեշտ սննդանյութերի պակասը դառնում են իմունիտետի անկման հիմնական պատճառ․․․․

Հոմոցիստեին

Հոմոցիստեին

Հոմոցիստեինի փոխանակության գործում կարևոր դեր են խաղում В6, В12 վիտամինները և ֆոլաթթուն․․․

Հուզականությունը հղիության ընթացքում․ ի՞նչ անել

Հուզականությունը հղիության ընթացքում․ ի՞նչ անել

Հղիությունն իր ամբողջ էությամբ նոր փորձ է կնոջ համար, նոր փորձ իր հոգեբանական և ֆիզիկական դրսևորումներով։ Ընդ որում յուրաքանչյուր հղիություն տարբերվում է իր նախորդից և միշտ էլ կարող է անակնկալներ մատուցել․․․

Ինչպե՞ս զսպել վնասակար սնունդ ուտելու ցանկությունը

Ինչպե՞ս զսպել վնասակար սնունդ ուտելու ցանկությունը

Մարդիկ, ովքեր ցանկանում է հրաժարվել վատ սովորություններից և սկսել առողջ սնվել, գիտեն, որ ամենադժվարը սիրելի, բայց վնասակար ուտելիքների գայթակղությանը դիմանալն է․․․