Օստեոպորոզը և կլիմաքսը

Օստեոպորոզը և կլիմաքսը

Ի՞նչ է օստեոպորոզը

Մեր ոսկորները մշտապես թարմացման, փոփոխման մեջ գտնվող հյուսվածքներ են և այդ պատճառով էլ սուր են արձագանքում օրգանիզմում որոշ նյութերի և հորմոնների անբավարարությանը:

Ոսկորները կազմված են սպիտակուցից (կոլագենից) և կալցիումի աղերից, որոնք ամրություն են հաղորդում նրան: Օստեոպորոզի դեպքում ոսկորներում նվազում է կոլագենի և կալցիումի քանակը, ինչի հետևանքով ոսկրային հյուսվածքը կորցնում է իր ամրությունը: Ոսկորները դառնում են փխրուն և կոտրվածքներ ստանալու նախատրամադրվածություն առաջացնում:

Ո՞վ է հակված օստեոպորոզի

Օստեոպորոզ կարող է զարգանալ ցանկացած տարիքում: Ընդ որում՝ 45-ն անց կանայք ավելի շատ են հակված օստեոպորոզի զարգացման վտանգի, ինչը պայմանավորված է դաշտանադադարի շրջանում կատարվող հորմոնային փոփոխություններով:

Էստրոգեն հորմոնը խիստ կարևոր է ոսկորների կառուցվածքի պահպանման հարցում, սակայն դաշտանադադարի շրջանում այն նվազում է արյան մեջ: Դրա հետևանքով ոսկրային հյուսվածքը կոլագեն և կալցիում է կորցնում, ինչն անդրադառնում է ոսկորների ամրության վրա:

Ի՞նչ վտանգ է պարունակում օստեոպորոզը

Օստեոպորոզի դեպքում հաճախ են հանդիպում ազդրի կոտրվածքները, մի տհաճ վիճակ, որը կարող է հիվանդին ամիսներ շարունակ գամել անկողնուն: Եթե կոտրվածքն օստեոպորոզի հետևանքով է եղել, ապա ոսկորի վերականգնման գործընթացը սովորականից ավելի երկար կտևի (երբեմն 8-10 ամիս):

Օստեոպորոզի դեպքում տուժում է կմախքի բոլոր ոսկորների ամրությունը, այդ թվում նաև ողնաշարինը: Բոլորին է հայտնի, թե որքան վտանգավոր կարող է լինել ողների կոտրվածքը (հնարավոր է, որ ողների կոտրվածքի հետևանքով վնասվի նաև ողնուղեղը, խանգարվի վերջինիս աշխատանքը, ինչը կարող է հանգեցնել հաշմանդամության կամ անգամ մահի):

Ինչպե՞ս հասկանալ, որ օստեոպորոզ ունեմ

Ցավոք կանանց մեծամասնությունը օստեոպորոզի առկայության մասին տեղեկանում է կոտրվածք ստանալուց հետո միայն: Ավելի վաղ հայտնաբերելու նպատակով պետք է իմանալ օստեոպորոզի ռիսկի գործոնները և մի շարք հետազոտություններ անցնել:

Ձեր օրգանիզմում օստեոպորոզի առաջացման վտանգը բարձր է, եթե՝

  • 45-ն անց եք, կլիմաքսի փուլում եք և չեք օգտվում էստրոգենային հորմոնափոխարինիչ թերապիայից,
  • ձեր մայրը (մորաքույրը, տատիկը) օստեոպորոզ են ունեցել կամ էլ օստեոպորոզի նախանշաններ,
  • վաղ տարիքում կոտրվածքներ եք ունեցել, որոնք եղել են թեթև հարվածից կամ ընկնելուց,
  • հեռացված են ձեր երկու ձվարանները և էստրոգեններով հորմոնափոխարինիչ թերապիա չեք ստանում,
  • վահանագեղձի հորմոնների մակարդակը ցածր է,
  • ընդունում եք ստերոիդային հորմոններ՝ պրեդնիզոլոն, հակաէպիլեպտիկ դեղամիջոցներ, հեպարին, ինսուլին,
  • նիհար կազմվածք ունեք,
  • ծխում եք,
  • ոգելից խմիչքներ եք օգտագործում,
  • օրական 2 բաժակ սուրճ եք ըմպում,
  • քիչ եք շարժվում:

Եթե ունեք վերոնշյալ ռիսկի գործոններից 2 և ավելին, ապա անհրաժեշտ է ոսկրային հյուսվածքի ամրության որոշման հետազոտություն անցնել՝ դենսիտոմետրիա:

Ի՞նչ է դենսիտոմետրիան

Այս հետազոտությունը տևում է 10-15 րոպե և ձեր առողջական վիճակի մասին կարևոր տվյալներ է հաղորդում: Դենիստոմետրիայի ընթացքում բժիշկը պարզում է ոսկրերի ամրությունը և որոշում է, թե ձեր պարագայում որքան բարձր է օստեոպորոզի վտանգը: Հետազոտությունից հետո նշանակվում է բուժում կամ էլ կանխարգելիչ միջոցներ են ձեռք առնվում:

Ի՞նչ է հնարավոր անել առանց բժշկի

Եթե անգամ դենսիտոմետրիա չեք անցել և չգիտեք արդյոք ունեք, թե չունեք օստեոպորոզ, ապա վերոնշյալ գործոններից անգամ 2-ի առկայությունը պարտավորեցնում է ձեզ լուրջ վերաբերվել այս հիվանդության կանխարգելմանը:

Կանխարգելումը ներառում է մի քանի կարևոր հանգամանք՝

  • ճիշտ սննդակարգ,
  • կալցիումի և վիտամին D-ի բավարար քանակություն,
  • ֆիզիկական ակտիվություն,
  • հրաժարում ծխախոտից:

Ձվաբջիջների սառեցում

Ձվաբջիջների սառեցում

Ձվաբջիջների սառեցման (կրիոկոնսերվացիա) տեխնոլոգիաները հայտնի են ավելի քան 30 տարի և օգտագործվում են կնոջ պտղաբերության պահպանման համար

Երիտասարդության գաղտնիքը հորմոնների ներդաշնակությունն է

Երիտասարդության գաղտնիքը հորմոնների ներդաշնակությունն է

Երբ հորմոնալ համակարգի հետ կապված խնդիրներ են առաջանում, չափազանց դժվար է դառնում վերլուծել և վերահսկել սեփական զգացմունքներն ու հույզերը

Ինչպե՞ս կարող է հոդատապն (պոդագրա) ազդել ձեր կյանքի որակի վրա, և ինչպե՞ս խուսափել դրանից

Ինչպե՞ս կարող է հոդատապն (պոդագրա) ազդել ձեր կյանքի որակի վրա, և ինչպե՞ս խուսափել դրանից

Հոդատապը հիվանդություն է, որը զարգանում է պուրինի նյութափոխանակության խանգարման հետևանքով, ինչի արդյունքում հիմնականում հոդերում առաջանում են միզաթթվի բյուրեղներ

Ինչպե՞ս սովորել կենտրոնանալ սեքսի վրա

Ինչպե՞ս սովորել կենտրոնանալ սեքսի վրա

Ժամանակակից աշխարհում կան չափազանց շեղող գործոններ՝ երկար ժամանակ ինչ-որ բանի վրա կենտրոնանալու համար, այդ թվում նաև սեքսի