Հակաբեղմնավորիչ հաբերն ունեն նաև բուժիչ ազդեցություն

Հակաբեղմնավորիչ հաբերն ունեն նաև բուժիչ ազդեցություն

Հաճախ են խոսում հակաբեղմնավորիչ հաբերի վնասակարության մասին, բայց երբևէ մտածե՞լ եք, որ դրանք կարող են նաև բուժիչ ազդեցություն ունենալ օրգանիզմի վրա: Օրալ բեղմնականխիչներն օգնում են պլանավորել հղիությունը, ինչպես նաև օտված են բուժիչ հատկություններով:

Բեղմնականխման այս միջոցը հաճախ օգտագործվում է անկանոն դաշտանային ցիկլը կարգավորման նպատակով: Շնորհիվ պարունակվող հորմոնների պարբերաշրջանը կարգավորվում է և դառնում վերահսկելի: Կանայք, ովքեր գանգատվում են դիսմենորեայից (ցավոտ դաշտան), կարող են մոռանալ իրենց խնդրի մասին շնորհիվ հակաբեղմնավորիչ հաբերի:

Համակցված օրալ բեղմնականխիչները բնականորեն նվազեցնում են դաշտանային արյունահոսությունը, ինչը բարենպաստ է այն կանանց համար, ովքեր մեծ քանակով արյուն են կորցրել՝ կանգնելով երկաթդեֆիցիտային սակավարյունության վտանգի առջև:

Որոշ կանայք գանգատվում են ձվազատման ցավերից, որոնք շատ դեպքերում տհաճություն և անհարմարավետության զգացում են առաջացնում: Համակցված օրալ բեղմնականխիչների ընդունման պարագայում ձվազատում տեղի չի ունենում:

Ինքնազգացողության էական դրական փոփոխություններ են ունենում նաև այն կանայք, ովքեր տառապել են նախադաշտանային համախտանիշից:

Համակցված օրալ բեղմնականխիչները նվազեցնում են փոքր կոնքի օրգանների հիվանդությունների առաջացման հավանականությունը, պակասեցնում ձվարանների և էնդոմետրիումի քաղցկեղի վտանգը, ինչպես նաև նվազեցնում են կաթնագեղձերի բարորակ ուռուցքների առաջացման վտանգը: Կարող են օգտագործվել նաև հիպերանդրոգենային վիճակների լրացուցիչ բուժման նպատակով:

Մի մոռացեք, որ օրալ հակաբեղմնավորիչի նշանակումը և ընտրությունը կատարվում է միայն ու միայն գինեկոլոգի հետ անհատական խորհրդատվությունից հետո, հաշվի առնելով տվյալ կնոջ համար անհրաժեշտությունը և օրգանիզմի առանձնահատկությունները:

Ստամոքսի քաղցկեղ

Ստամոքսի քաղցկեղ

Ընթացակարգի ժամանակ ստամոքսի մեջ մտցվում է հատուկ սարք, որի միջոցով բժիշկն ուսումնասիրում է ստամոքսի բոլոր հատվածները, ինչպես նաև 12-մատնյա աղին։

Ինչպե՞ս է գործում հղի կանանց դիմադրողականությունը

Ինչպե՞ս է գործում հղի կանանց դիմադրողականությունը

Գենի և դիմադրողականության տեսանկյունից՝ պտուղը օտար օրգանիզմ է կնոջ համար

Կարո՞ղ է արդյոք պայթել միզապարկը, եթե երկար ժամանակ զսպեք ձեզ ու չմիզեք

Կարո՞ղ է արդյոք պայթել միզապարկը, եթե երկար ժամանակ զսպեք ձեզ ու չմիզեք

Միզապարկն ունի առաձգական պատեր, որոնք որոշակի արտաքին ազդեցությամբ իսկապես կարող են պայթել, սակայն ոչ մեզի մեծ ծավալի պատճառով

Ե՞րբ է անհրաժեշտ այցելել ուրոլոգի, ինչպե՞ս խուսափել շագանակագեղձի ադենոմայի առաջացումից

Ե՞րբ է անհրաժեշտ այցելել ուրոլոգի, ինչպե՞ս խուսափել շագանակագեղձի ադենոմայի առաջացումից

Տղամարդն ուրոլոգիական առաջին զննումն անցնում է կյանքի առաջին ամիսներին, երբ մանկաբույժը զննում է իրականացնում՝ ամորձապարկի զարգացման պաթոլոգիաները բացառելու նպատակով։