Սեռական հարաբերության ընդհատումը՝ որպես բեղմնականխիչ միջոց

Սեռական հարաբերության ընդհատումը՝ որպես բեղմնականխիչ միջոց

Հղիությունից պաշտպանվելու այդ եղանակից օգտվելիս տղամարդը պետք է ջանա, որ հարաբերությունն ավարտի նախքան կնոջ օրգազմային լիցքաթափումը, այսինքն՝ սեռական հարաբերությունն ավարտի նախքան սերմնաժայթքումը: Եթե կինը չի հասնում օրգազմի կամ այն թերի է մնում (ինչպես հաճախ լինում է այս դեպքում), ապա երկար ժամանակ չի կարողանում քնել և ունենում է բավարարված չզգալու ծանր զգացողություն:

Անքնությունն ուղեկցվում է ջարդվածությամբ, տկարությամբ, դյուրագրգռությամբ, սկսվում է սեքսուալ խաբկանքով: Ժամանակի ընթացքում կարող են ցավեր դիտվել որովայնի ստորին մասերում, գոտկաշրջանում, արտադրությունն է շատանում: Կանանց սեռական օրգաններն արյունալեցվում են, սակայն անավարտ սեռական հարաբերության պատճառով կինը չի լիցքաթափվում, ուստի արյունն անմիջապես չի կարողանում հետ լցվել-դատարկվել:

Սեռական օրգաններում արյան կանգի հետևանքով մեծանում է արգանդը, նվազում սեռական ցանկությունը (լիբիդո): Սեռական հարաբերության ընդհատումը՝ որպես հակաբեղմնավորիչ միջոց, արդյունավետ է դեպքերի 50-75 %-ում: Սույն եղանակի ցածր արդյունավետությունը տղամարդկանց կողմից սեռական հարաբերության ուշացած ընդհատումն է, բացի այդ, ոմանք առհասարակ սխալվում են իրենց սերմնաժայթքման հարցում, մինչդեռ սերմնաբջիջների առավել մեծ քանակությունը պարունակվում է սերմի հենց առաջին բաժիններում:

Հետևանքը լինում է այն, որ բավականին հաճախ սերմնահեղուկն ընկնում է հեշտոցամուտքի թաց նախամուտքին` այնտեղից մի ամբողջ երկար ճանապարհ հաղթահարելով մինչև ձվաբջջին հասնելն ու բեղմնավորելը: Բացի այդ, սերմնահեղուկի մի մասը կարող է ընկնել հեշտոցի մեջ այն հանգամանքներում, երբ, օրինակ, տղամարդը շագանակագեղձի բորբոքում ունի, ուստի սերմնահեղուկը կարող է արտահոսել միզարձակության, ճիգերի, սեղմման ժամանակ:

Հնարավոր է հղիանալ նաև ամբողջական կուսաթաղանթի պայմաններում և անգամ առանց առնանդամը հեշտոց մտցնելու: Գործնականում նկարագրված են դեպքեր, երբ սերմնաժայթքումը եղել է կնոջ արտաքին սեռական օրգանների վրա` առանց առնանդամը հեշտոց մտցնելու, և հղիություն է տեղի ունեցել` պահպանված կուսաթաղանթի պայմաններում: Թեև եզակի, սակայն նման դեպքեր նույպես հնարավոր են և չեն բացառվում:

Առավելությունը

Այս եղանակի առավելությունը հեշտ կիրառությունն է, լրացուցիչ նախազգուշական կամ այլ միջոցների պահպանման անհրաժեշտության բացակայությունը:

Թերությունները

Հիմնական թերությունը ցածր արդյունավետությունն է: Նախքան սերմնահեղուկի հիմնական չափաբաժնի ժայթքելը երբեմն այն աննշան քանակով արտազատվում է` որոշ դեպքերում պարունակելով նախորդի սերմնաբջիջները (երբեմն` 1մլն 1 կաթիլում): Հղիանալու հավանականությունը մեծանում է այդ հեղուկի` հեշտոց լցվելուն զուգընթաց, մանավանդ կարճ ժամանակահատվածում բազմաթիվ օրգազմների պայմաններում: Սեռական հարաբերության ընդհատումը լուրջ հետևանքներ է ունենում թե՛ կնոջ, թե՛ տղամարդու նյարդային համակարգի համար: Տղամարդը չի կարողանում անմնացորդ և ազատորեն տրվել զգացմունքներին, քանզի պարտավոր է հարաբերության ընդհատման պահը որսալ: Վախենալով սեմնաժայթքման սկիզբը բաց թողնելուց և դրա հետ մեկտեղ ձգտելով օրգազմի հասնելու` տղամարդն ստիպված է լինում դուրս բերել առնանդամը սեմնաժայթքումից փոքր-ինչ վաղ: Հետևանքը լինում է այն, որ սեմնաժայթքումը թերի է մնում, ուստի սեմնահեղուկի մի մասը մնում է տղամարդու սեռական ուղիներում, որտեղից լարվածության պատճառով արյունն ակտիվորեն չի դատարկվում, ուշադրությունը երկատվում է`հանգեցնելով նևրոզի, որոշ դեպքերում` սերմնազատման խանգարման:

Սեռական հարաբերության ընդհատումից` որպես հակաբեղմնավորման միջոցից շարունակաբար օգտվելիս կանանց սեռական օրգաններում արյան կանգ է զարգանում` նպաստելով բորբոքմանը (ադնեքսիտներ) կամ խոչընդոտում դրա լիարժեք ապաքինմանը (եթե այդպիսիք արդեն կային): Այս ամենի հետևանքով սեռական հակումը բթանում է, զարգանում է անօրգազմային վիճակ:

Հրահանգ սեռական հարաբերության ընդհատման միջոցից օգտվողներին, ովքեր աշխատում են նվազեցնել հղիանալու հավանականությունը

Նախ կրկնվող հարաբերության դեպքում տղամարդը պետք է մաքրի առնանդամի գլխիկը` նախորդ հարաբերությունից պահպանված սպերմատոզոիդներից ազատվելու համար, որպեսզի դրանք չընկնեն հեշտոցի մեջ, երկրորդ, մոտալուտ սերմնաժայթքումն զգալով` պետք է դուրս բերել առնանդամը հեշտոցից և կնոջ արտաքին սեռական օրգաններից: Սեռական հարաբերության ընդհատումն ավելի գերադասելի է հղիանալուց պաշտպանվելու համար, եթե տղամարդը վերահսկում է սերմնաժայթքումը:

Հարկ է հիշել, որ այս եղանակը հարմար չէ․

Եթե զույգը նախատրամադրված է կրկնակի սեռական հարաբերության: Նման դեպքումերում սերմնահեղուկի աննշան քանակը, մինչև իսկ նախորդ հարաբերությունից պահպանված մի քանի կաթիլը, կարող է հղիության պատճառ դառնալ։

Եթե տղամարդն անկարող է վերահսկել սերմնաժայթքումը:

Ինչպե՞ս պաշտպանվել վարակներից օրալ սեռական հարաբերության ընթացքում

Ինչպե՞ս պաշտպանվել վարակներից օրալ սեռական հարաբերության ընթացքում

Սեռական վարակներով հնարավոր է վարակվել նաև օրալ սեռական հարաբերության ժամանակ, ուստի պաշտպանությունը միշտ անհրաժեշտ է

Սխալ պատկերացումներ դաշտանի մասին, որոնցից ազատվելու ժամանակն է

Սխալ պատկերացումներ դաշտանի մասին, որոնցից ազատվելու ժամանակն է

Դաշտանը օրգանիզմը մաքրելու միջոց է Իրականում օրգանիզմը ոչ մի մաքրման կարիք չունի, և ոչ մի տոքսին չի հեռացվում դաշտանի միջոցով

Ամեն ինչ դաշտանի մասին. տարածված հարցերի պատասխաններ

Ամեն ինչ դաշտանի մասին. տարածված հարցերի պատասխաններ

Եթե որովայնը ցավում է դաշտանի ժամանակ, դա նորմա՞լ է

Ցածր լիբիդո. պատճառները

Ցածր լիբիդո. պատճառները

Լիբիդոյի կորուստը տարածված խնդիր է, որին բախվում է յուրաքանչյուր հինգերորդ տղամարդ և շատ կանայք՝ կյանքի ինչ-որ փուլում