Ներարգանդային պարույրը որպես բեղմնականխիչ միջոց

Ներարգանդային պարույրը որպես բեղմնականխիչ միջոց

Ներարգանդային միջոցների ազդեցությունը մյուս բոլոր հակաբեղմնավորիչներից նրանով է տարբերվում, որ դրանք չեն խոչընդոտում ձվաբջջի բեղմնավորմանը, ապահովում են դրա արագ ընթացքն արգանդափողերով դեպի արգանդ (մոտ 5-7 անգամ սովորականից արագ), ինչի հետևանքով ձվաբջիջը չի հասցնում ձեռք բերել արգանդի պատին կպչելու համար անհրաժեշտ հատկանիշները` իր հետագա զարգացման համար: Դրա հետ մեկտեղ նաև արգանդի պատերը դեռևս բավարար չափով նախապատրաստված չեն նման ներդրման (իմպլանտացիա) համար: Բացի այդ, կարծիք կա, որ ՆԱՄ-երն էնդոմետրիումի հականեխական (ասեպտիկ) բորբոքում են առաջացնում:

Հետևանքը լինում է բեղմնավորված ձվաբջջի պոկվելը, անհնարին է դառնում դրա ներդրվելը: Պղինձն ավելացնում է էնդոմետրիումի բջջային ներսփռանքը և լրացուցիչ ցիտոտոքսիկ ազդեցություն գործում սերմի ու բլաստոցիստի, ինչպես նաև էնդոմետրիումի ու բլաստոցիստի միջև փոխանակային գործընթացների վրա, ուստի դրա ավելացումը ՆԱՄ-երին ուժեղացնում է հակաբեղմնավորիչ արդյունքը:

Հաշի առնելով ՆԱՄ-ների բարձր արդյունավետությունը և դրանց հարուցած կողմնակի երևույթների սակավությունը` բժիշկները խորհուրդ են տալիս դրանք օգտագործել բժշկական ցուցումներով զարկերակային գերճնշման, շաքարախտի, ռևմատզիմի, երիկամների, լյարդի հիվանդությունների և այլ դեպքերում: ՆԱՄ-ների ներմուծումը երբեմն վերացնում է ինֆանտիլիզմը` արգանդի թերզարգացումը: Սակայն ՆԱՄ-ներից օգտվել կարող են իրենց թույլ տալ կանանց 70-75%-ը` հակացուցումների պատճառով:

Հակացուցումները

ՆԱՄ-ների կիրառման բացարձակ հակացումներն են՝

  • ներքին և արտաքին սեռական օրգանների սուր և ենթասուր բորբոքային հիվանդությունները,
  • արգանդի պարանոցի կամ մարմնի քաղցկեղի կասկածը,
  • անհայտ ծագման արյունահոսությունը,
  • հղիության կասկածը,
  • նախկինում ունեցած արտարգանդային հղիությունը: 

Հարաբերական հակացումներ են՝

  • փոքր կոնքում նախկինում տարած բորբոքային հիվանդություններ` էնդոցերվիցիտ, կոլպիտ,
  • առատ, հաճախակի կամ դաշտանային արյունահոսությունը,
  • ցավոտ դաշտանը,
  • արգանդի պարանոցի կամ ձվարանների էնդոմետրիոզը,
  • էնդոմետրիումի գերաճ կամ պոլիպոզը,
  • արգանդի թերաճը,
  • արգանդի բազմաթիվ միոմաները, որոնք տձևացրել են դրա խոռոչը և խանգարում են ՆԱՄ-ների տեղադրմանը,
  • արգանդի զարգացման բնածին արատները` երկեղջյուր կամ թամբաձև արգանդը,
  • արգանդի խոռոչի և պարանոցի համատեղ երկարության կարճ լինելը (միասին` 6սմ-ից կարճ),
  • արգանդի պարանոցի ձևախախտը, պարանոցային խողովակի նեղացումը,
  • սակավարյունություն և արյան համակարգի այլ հիվանդություններ,
  • արտասեռական բորբոքային քրոնիկական հիվանդությունները`հաճախակի սրացումներով, ենթասուր էնդոկարդիտը,
  • ալերգիայի ծանր տեսակները, հատկապես պղնձի հանդեպ:
Ձվարանների խթանում և արհեստական բեղմնավորում

Ձվարանների խթանում և արհեստական բեղմնավորում

Ձվարանների խթանումն ու արհեստական բեղմնավորումը վերարտադրողական բժշկության հիմնական մեթոդներն են, որոնք ուղղված են այն զույգերին, ովքեր դժվարություններ ունեն բեղմնավորման հարցում:

Կանացի չզարգացող հղիություն. պատճառների, ախտորոշման և հաջողակ մայրության ուղիների խորը վերլուծություն

Կանացի չզարգացող հղիություն. պատճառների, ախտորոշման և հաջողակ մայրության ուղիների խորը վերլուծություն

Չզարգացող հղիությունը ցավոտ և բարդ խնդիր է, որի հետ բախվում են շատ կանայք։ Երեխայի կորուստը հղիության վաղ շրջանում կարող է հոգեբանական խորը վնասվածքներ թողնել և բազմաթիվ հարցեր առաջացնել

Կանացի անպտղություն. երբ երազանքը հետաձգվում է

Կանացի անպտղություն. երբ երազանքը հետաձգվում է

Անպտղությունը կնոջ համար ծանր հարված է, երբ թվում է, թե երազանքներից մեկը անհասանելի է դառնում

Ի՞նչ նպատակով է տեղադրվում հակաբեղմնավորիչ իմպլանտը

Ի՞նչ նպատակով է տեղադրվում հակաբեղմնավորիչ իմպլանտը

Հակաբեղմնավորման նպատակով տեղադրվում է իմպլանտը (AKA Nexplanon) լուցկու հատիկի չափ փոքրիկ, բարակ ձող է