Արգանդափողերի անցանելիությունը

Արգանդափողերի անցանելիությունը

Փողերի սպիական փոփոխություններ

Արգանդափողերի անանցանելիությունը հիմնականում ի հայտ է գալիս տարաբնույթ պատճառներով առաջացած կպումների հետևանքով՝ ներառյալ սեռական ոլորտի բորբոքային հիվանդությունները, վիժումներից հետո զարգացած բարդությունները, փոքր կոնքի օրգանների վիրահատությունները, քլամիդային վարակը, սեռական օրգանների տուբերկուլոզը և այլն: Մինչև իսկ աննշան կպումները կարող են էապես խոչընդոտել արգանդափողերի անցանելիությանը` բացառելով բեղմնավորման հնարավորությունը և հարյուրապատկել արտարգանդային հղիության զարգացման հավանականությունը:

Ինչպե՞ս ստուգել փողերի անցանելիությունը

Փողերի անցանելիությունը հնարավոր է ստուգել մի քանի եղանակով։

  • Ռենտգենաբանական հիստերոսալպինգոգրաֆիայով (ՀՍԳ), երբ հակադրիչ լուծույթը հեշտոցով ներմուծվում է արգանդի պարանոց, որտեղից անցնում է  դեպի արգանդ և արգանդափողեր: Հեղուկի շարժման ընթացքին այդ ամբողջ ընթացքում հնարավոր է հետևել ռենտգենյան սարքի մոնիտորի վրա արտացոլված պատկերով:
  • Ուլտրաձայնային հիստերոսալպինգոգրաֆիայով (էխոՀՍԳ): Այս եղանակը նախորդից միայն նրանով է տարբերվում, որ այս դեպքում ուլտրաձայնային ախտորոշիչ սարքավորում է կիրառվում:
  • Պերտուբացիայով կամ կիմոպերտուբացիայով, երբ արգանդի խոռոչ է ներմուծվում օդ, գազ կամ թթվածին, իսկ այդ ընթացքում փողերի կծկումներն արտացոլվում են գրաֆիկի վրա` կորագծի տեսքով:
  • Լապարասկոպիայի կիրառմամբ: Այս վիրահատական եղանակի դեպքում որովայնի պատի փոքր բացվածքով ներս են տանում անհրաժեշտ գործիքներն ու տեսասարքերը և որովայնի խոռոչում տեղի ունեցածը դիտարկում արտաքին մոնիտորի էկրանին:

Գոյություն ունեն արգանդափողերի անցանելիության ստուգման այլ եղանակներ ևս, սակայն առավել հանրամատչելի և տեղեկատվական են մնում ՀՍԳ-ն և ԷխոՀՍԳ-ն, որոնք էլ ավելի հանգամանորեն ներկայացվում են ձեր ուշադրությանը:

Փողերի անցանելիության ստուգում ՀՍԳ-ի և ԷխոՀՍԳ-ի եղանակով 

Ռենտգենյան և ուլտրաձայնային սարքերի կիրառմամբ ախտորոշման սխեման գործնականում նույնն է. հատուկ կաթետերով պարանոցային խողովակով արգանդի խոռոչի մեջ է ներարկվում հակադրիչ նյութ, որին  արձագանքում են կիրառված սարքավորումների ցուցիչները: Արգանդախոռոչը լցնելով` հեղուկն անցնում է դեպի փողեր, իսկ այնուհետև կպումների և այլ խոչընդոտների բացակայության դեպքում հոսում է դեպի որովայնի խոռոչ: Այս միջամտության օգնությամբ գնահատվում է ինչպես արգանդի խոռոչի վիճակը, այնպես էլ փողերի անցանելիությունն ամբողջ երկարությամբ: Փողերի անցանելիությունն ստուգվում է դաշտանային ցիկլի 6-12-րդ օրն ընկած ժամանակահատվածում: Մինչ այդ անհրաժեշտ է հետազոտվել` թաքնված հնարավոր վարակները բացահայտելու նպատակով, քանզի հիստերոսալպինգոգրաֆիայի ընթացքում հնարավոր է առկա բորբոքային գործընթացների սրացում:

Եղանակներից ամեն մեկն ունի իր առավելություններն ու թերությունները: Շատ կանանց է անհանգստացնում միջամտության ցավոտությունը: Այդ առումով պետք է ասել, որ ԷխոՀՍԳ-ն ավելի խնայողական է, ստուգման ժամանակ գործնականորեն անցավ: Ռենտգենյան եղանակով ՀՍԳ իրականացնելիս ցավային զգացողության չափը մեծապես կախված է ցավի հանդեպ անհատական դիմակայությունից, ինչպես նաև փողերում կպումների առկայությամբ կամ դրանց բացակայությամբ, քանակով և այլն: Այդ է պատճառը, որ ոմանք միջամտության ընթացքում լոկ աննշան անհարմարություն են զգում, մինչդեռ այլոց համար այդ հետազոտությունն ընթանում է շատ ավելի խիստ ցավով:

Ռենտգենաբանական եղանակի զգալի առավելություն է նկարների պահպանվելը, ինչը հնարավորություն կտա հետազոտվողին դիմել նաև այլ մասնագետների խորհրդատվությանը, վերջիններս էլ կկարողանան իրավիճակին իրենց գնահատականը տալ` առանց վերը նշված հետազոտությունը կրկնելու: Մասնագետների կարծիքով այս եղանակն օժտված է մեծ տեղեկատվությամբ` Էխո ՀՍԳ-ի համեմատությամբ: Սակայն ռենտգենաբանական եղանակը կիրառելիս հակադրիչ նյութերի նկատմաբ հնարավոր են ալերգիկ հակազդեցություններ, ինչը բացառվում է ուլտրաձայնային հետազոտության պարագայում: Թե առաջարկված եղանակներից ո՞րն է ձեր վիճակում նախընտրելի, պետք է վճռեք դուք և ձեզ բուժող բժիշկը:

Չարժե հուսահատվել նույնիսկ այն դեպքում, երբ ստուգման արդյունքները հուսադրող չեն. ներկայում վիրահատական և դեղորայքային եղանակներով հնարավոր է վերականգնել արգանդափողերի անցանելիությունը: Մինչև իսկ ապարդյուն բուժման դեպքում միշտ պահեստային հուսալի ելք կգտնվի` ի դեմս արտամարմնային բեղմնավորման, ինչն արդեն հազարավոր կանանց է օգնել, որպեսզի զգան մայրանալու երջանկությունը:

 

Աղբյուրը

 

 
Լուծել թրոմբը (արյան մակարդուկներ)․ ո՞ր մթերքներն են բարելավում արյան որակը

Լուծել թրոմբը (արյան մակարդուկներ)․ ո՞ր մթերքներն են բարելավում արյան որակը

Եթե ունես խնդիրներ արյան հետ կապված՝ ուրեմն առողջ չես։ Մի խոսքով՝ արյունը չափազանց կարևոր է։

7 փաստ կուսաթաղանթի մասին

7 փաստ կուսաթաղանթի մասին

Ոմանք կուսաթաղանթը դիտում են որպես իրական պատնեշ՝ հեշտոց առնանդամով մուտք գործելու համար, որը պետք է անպայման պատռել առաջին հարաբերության ժամանակ։

Առաջին դաշտան․ ի՞նչ, որտե՞ղ, ե՞րբ, ինչպե՞ս․․․

Առաջին դաշտան․ ի՞նչ, որտե՞ղ, ե՞րբ, ինչպե՞ս․․․

Քո առաջին դաշտանը․ի՞նչ է անհրաժեշտ իմանալ

Սկլերոզային քարաքոս (Склерозирующий лишай)

Սկլերոզային քարաքոս (Склерозирующий лишай)

Սկլերոզային քարաքոսը(склерозирующий лишай) քրոնիկ մաշկային հիվանդություն է