Հղիության 13-րդ շաբաթ

Հղիության 13-րդ շաբաթ

Արդեն անցյալում են հաշվառումը, առաջին եռամսյակն իր վախերով ու տագնապներով, առաջին սկրինինգը։ Վայելեք ձեր վիճակը և սկսեք թարմացնել հագուստի պահարանը։

Լավ ինքնազգացողությունը, սակայն, առիթ չէ զգոնությունը կորցնելու համար։ Այտուցների, փորկապության և տհաճություն ու անհարմարություն պատճառող այլ զգացումների կանխարգելման իսկական ժամանակն է։

Պտղի զարգացումը

Սաղմի երկարությունը 6-7 սմ է, զանգվածը՝ 30-40գր: Պտղի մաշկը նուրբ է և խիստ զգայուն: Մեծանում է ուղեղնյութի զանգվածը, կատարելագործվում է դրա կառուցվածքը: Բերանի խոռոչում առկա է ատամների 20 սաղմ: Աղիքները վերադասավորվում են՝ անցնելով պորտային խողովակից դեպի որովայնի խոռոչ: Լյարդն սկսում է լեղի արտադրել, ինչը կուտակվում է լեղապարկում, ենթաստամոքսագեղձն էլ սկսում է ինսուլին արտադրել:

Փայծախում առաջին անգամ ի հայտ են գալիս В-ավշաբջիջները (լիմֆոցիտ)՝ իմունագլոբուլինային ընկալիչներով: Ավարտին է մոտենում վահանագեղձի զարգացումը: Արական սեռի երեխայի շագանակագեղձն է սկսում զարգանալ, ակտիվորեն բազմանում են իգական սեռի երեխայի սեռական բջիջները (օվոգոնիում):

Ի՞նչ է կատարվում

Հորմոններն սկսում են «խաղաղվել»։ Սրտխառնոցն այլևս չկա, ախորժակը լավացել է, հաճախակի դարձած միզարձակումն այլևս չի անհանգստացնում։ Արգանդն աճում է՝ անցնելով դեպի որովայնի խոռոչ, ներքին օրգանները ճնշվում են, ինչի արդյունքում այրոց է առաջանում։

Երկարատև զբոսանքից հետո մեծ հոգնածություն և ծայրանդամներում ծանրության զգացում է ի հայտ գալիս։ Հարկավոր է դանդաղ քայլել և հաճախակի հանգստանալ։ Եթե զգում եք, որ արգանդում լարվածությունը մեծանում է (արգանդի բարձր տոնուս), դիմեք բժշկի։ Եթե փորը «քարանում» է, պառկեք, բացառեք ծանրաբեռնվածությունը։

Ուլտրաձայնային հետազոտություն

Եթե սկրինինգ կատարվել է, և կատարել եք հիմնական հետազոտությունները, ապա բժիշկը գուցե միայն մեզի հետազոտություն նշանակի։ Սովորաբար քսուք հանձնելու նպատակով բժշկին դիմում են 12-րդ շաբաթում, սակայն երբեմն այդ գործընթացը մեկ կատարվում է մեկ շաբաթ ուշ։ Քսուքի հանձնումն անվտանգ է և անցավ։ Հետազոտությունը թույլ է տալիս պարզել հեշտոցի ֆլորայի վիճակը և հայտնաբերել միզասեռական հիվանդությունները։

Զգացողությունները

Կուրծքը շարունակում է մեծանալ, հնարավոր է, որ կաթնախեժ նկատվի կաթնագեղձից։ Վախենալ պետք չէ, այդ բնական է։ Հարպտկային շրջանի գույնը մգանում է, հնարավոր է, որ մգանա նաև պորտից ցայլք տանող գիծը, և բաց-շագանակագույն բծեր առաջանան դեմքի վրա։ Այդ ամենը պայմանավորված է հորմոնային փոփոխություններով և սովորաբար անցնում է ծննդաբերությունից հետո։

Սնունդը

Սրտխառնոցի դադարելուն պես գուցե ամեն բան ուտելու ցանկություն առաջանա, սակայն պետք է վերահսկել սնվելու ռեժիմը, որպեսզի ավելորդ կիլոգրամներ չկուտակեք։

Արդեն կարող եք ուտել քաղցրեղեն, խմորային, աղի և տապակած մթերքներ, բայց քիչ քանակությամբ։ Հաճախ սրտխառնոցին փոխարինում է այրոցը, ուստի ճիշտ սննդակարգ պահպանելը և՛ կարևոր է, և՛ անհրաժեշտ։

Նախապատվությունը տվեք կաթնաշոռին, մրգերին, բանջարեղենին, կանաչեղենին, անյուղ մսին։

Ալկոհոլը կրծքով կերակրման ընթացքում

Ալկոհոլը կրծքով կերակրման ընթացքում

Լակտացիայի շրջանում ալկոհոլի օգտագործումը քիչ ուսումնասիրված հարց է։ Մայրիկները հաճախ են լսում հակասական խորհուրդներ, թե ինչպես է ազդում ալկոհոլը երեխայի վրա․․․

Ցիստիտը հղիության ընթացքում

Ցիստիտը հղիության ընթացքում

Հղիության ընթացքում ցիստիտի դեպքում դեղամիջոցների և անգամ որոշ խոտաբույսերի ընդունումն արգելվում է, քանի որ ոչ բոլորն են բարենպաստ ազդեցություն թողնում երեխայի առողջության վրա․․․

Մագնիումի դերը հղիության ընթացքում

Մագնիումի դերը հղիության ընթացքում

Մագնիումի պակասն առանձնահատուկ զգացվում է հղիության շրջանում, քանի որ այն մասնակցում է փոքրիկի պրակտիկորեն բոլոր օրգանների կազմավորմանը և․․․․

Կեղծ հղիության նշանները

Կեղծ հղիության նշանները

Հղիության բոլոր նշաններն առկա են, իսկ ՈւՁՀ մասնագետը հետազոտությունից հետո հայտնում է, որ պտղաձուն բացակայում է։ Տարօրինա՞կ է։ Գուցե, բայց բժշկությանն այդպիսի դեպքեր հայտնի են։ Այդ կոչվում է կեղծ հղիություն․․․․