Ինչպե՞ս հասկանալ, որ չզարգացող հղիություն է և ի՞նչ անել 

Ինչ է չզարգացող հղիությունը 

Չզարգացող հղիությունը պայման է, երբ սաղմը կամ պտուղը մահացել է, բայց դեռ արգանդում է: Ընկերքը շարունակում է հորմոններ արտազատել, ուստի կինը երբեմն ունենում է հղիությանը բնորոշ նշաններ: Գինեկոլոգը ցանկացած պահի կարող է ախտորոշել չզարգացող հղիությունը: 

Որոնք են չզարգացող հղիության պատճառները 

Չզարգացող հղիության մի քանի պատճառ կա:  

Արգանդի անատոմիայի խանգարում 

Անոմալիաների դեպքում պտուղը կամ սաղմը մահանում են  այն փաստի պատճառով, որ ձվաբջիջը պատշաճ կերպով չի ամրանում արգանդի խոռոչի պատին: 

Սաղմի քրոմոսոմային անոմալիա 

Այդ պատճառով է տեղի ունենում վիժումների 50-85% -ը: Եթե բեղմնավորված ձվաբջիջը բաղկացած է 23 զույգ քրոմոսոմներից, ապա այն հարմարեցված է առողջ սաղմի զարգացմանը, որն ութերորդ շաբաթվա ընթացքում վերածվում է պտղի: Եթե ապագա երեխան ունի 23 զույգից ավել կամ պակաս քրոմոսոմ՝ դա անոմալիա է:  Սա կարող է առաջացնել չզարգացող հղիություն կամ վիժում, սովորաբար առաջին եռամսյակում: 

 Արյան մակարդման խանգարում 

Չզարգացող հղիության մեկ այլ պատճառ `գենետիկ թրոմբոֆիլիան կամ հակաֆոսֆոլիպիդային սինդրոմը: Հիվանդության դեպքում արյունը շատ ակտիվորեն թրոմբ է առաջացնում, իսկ ընկերքում կարող են թրոմբներ հայտնվել: Դրա պատճառով պտղի արյան մատակարարումը վատթարանում է, և որոշ դեպքերում նա մահանում է: 

Վարակներ 

Դրանք միշտ չէ, որ հանգեցնում են չզարգացող հղիության կամ վիժման, բայց մեծացնում են ռիսկը: Հետևյալ վարակները կարող են վտանգավոր լինել սաղմի կամ պտղի համար. 

տոքսոպլազմոզ, ցիտոմեգալովիրուսային վարակ, գենիտալ հերպես,  գոնորիա, քլամիդիոզ, տրիխոմոնիազ և այլն: 

Որոնք են չզարգացող հղիության ախտանիշները 

Եթե կինը ունեցել է  զարգացող հղիության նշաններ: Կարող են անհետանալ սրտխառնոցը, փսխումը և հիպերսալիվացիան, այսինքն թքագեղձերի սեկրեցիայի ավելացումը): 18-ից 21-րդ շաբաթվա ընթացքում երեխան չի սկսում շարժվել կամ շարժումները անհետանում են: Եթե մահացած պտուղը արգանդում է ավելի քան 3-4 շաբաթ, կարող են թուլություն, գլխապտույտ և ջերմություն հայտնվել: 6-րդ շաբաթում `հայտնվում է արյունանման արտադրություն: Կանանց միայն 10% -ն է գանգատվում այդ ախտանիշներից: 

Ինչ անել, եթե կասկածում եք, որ կա չզարգացող հղիություն 

Դեղորայքային ընդհատում 

Հնարավոր է իրականացնել մինչ հղիության 8-րդ շաբաթը: Բժիշկը պացիենտին նշանակում է դեղամիջոց, որը մի քանի ժամ անց առաջացնում է կծկումներ, արյունային արտադրություն և հետագայում վիժում: Դեղամիջոցներ են սահմանվում նաև կնոջն օգնելու համար՝ հաղթահարել կողմնակի բարդությունները: Օրինակ ՝ սարսուռ կամ ջերմություն: 

Վակում-ասպիրացիա 

Միջամտությունը իրականացվում է մինջև 12 շաբաթը, եթե կինն ունի չզարգացող հղիություն: Ընթացակարգի ընթացքում վիրաբույժը հեռացնում է մահացաց պտուղը և ընկերքը: Շատերն ընտրում են այս տարբերակը, քանի որ դա հղիությունն ընդհատելու ամենաարագ ձևն է: Ընթացակարգը տևում է մոտ 20 րոպե, տեղային կամ ներերակային անզգայացման տակ: