Գլխուղեղի անևրիզմ (անոթալայնանք)

Գլխուղեղի անևրիզմ (անոթալայնանք)

Անևրիզմը արյունատար անոթի տեղային լայնացումն է՝ պատի ձգման և այտուցման հետևանքով։ Անևրիզմը կարող է ազդել ուղեղի արյան մատակարարման համար պատասխանատու ցանկացած անոթի վրա, բայց առավել վտանգավոր է համարվում զարկերակների ախտահարումը։ Ինչ վերաբերում է երակային և մազանոթային անևրիզմին, ապա դրանք ավելի քիչ են տարածված և հազվադեպ են վտանգավոր բարդություններ առաջացնում: Հատկապես վտանգավոր է ուղեղի արյան մատակարարման համար պատասխանատու զարկերակների անևրիզմը, որը կոչվում է նաև ուղեղային: Ուղեղային անևրիզմը հաճախ համեմատվում է դանդաղ շարժվող ռումբի հետ, քանի որ դժվար է կանխատեսել, թե այն երբ կպայթի և կհանգեցնի ներգանգային արյունահոսության և հեմոռագիկ ինսուլտի: Ոչ ոք ապահովագրված չէ անևրիզմից։ Նման պաթոլոգիաներ գրանցվում են տարբեր տարիքի և սոցիալական խմբերի մարդկանց մեջ: Պատճառները Անևրիզմի ձևավորման հիմնարար պատճառներից մեկը շարակցական հյուսվածքի բնածին անոմալիաներն են և կոլագենի սինթեզի խանգարումը:

Զարկերակային պատի անլիարժեքությունը նպաստում է անոթի լայնացմանը և անևրիզմի առաջացմանը։ Լրացուցիչ ռիսկի գործոններ

• հիպերտոնիկ հիվանդություն,

• ալկոհոլի չարաշահում

, • ծխախոտի օգտագործում,

• աթերոսկլերոզ,

• մարմնի կանոնավոր թունավորում,

• սթրես,

• ֆիզիկական ծանրաբեռնվածություն,

• գանգուղեղային վնասվածքներ,

• հակաբեղմնավորիչների ընդունում։ Ուղեղային անևրիզմի ախտանիշները Ուղեղային անևրիզմի կլինիկական ընթացքը 3 ձևով է արտահայտվում. ասիմպտոմատիկ (առավել հաճախակի), ապոպլեքսիկ (երբ ներգանգային արյունազեղման կլինիկա է զարգանում) և փսևդո-ուռուցքային (մեծ չափերի պատճառով սեղմում են հարակից կողմերից՝ առաջացնելով ուռուցք):

Ուղեղային անևրիզմի ախտանիշներ․

• սրտխառնոց

• հոգնածություն

• լույսի հանդեպ գերզգայունություն

• գլխացավ

• գլխապտույտ

• տեսողական և լսողական խախտումներ

• դեմքի մի մասի թմրություն

• ցավ աչքերի շուրջ

• շարժումների կոնցենտրացիայի վատթարացում

• շարժողական համակարգի խախտումներ

• հիշողության և ճանաչողական կարողությունների վատթարացում

• դժվարացած խոսք

Ներգանգային անևրիզի կասկածի դեպքում ախտորոշման համար նախ հիվանդին զննում է նյարդաբանը: Բժիշկը հետաքրքրվում է նաև, թե ինչ հիվանդություններ ունի բուժառուն իր անամնեզում, ինչ դեղորայք է ընդունել, և արդյոք ինքնազգացողությունը վատացել է սթրեսից կամ ֆիզիկական ծանրաբեռնվածութունից հետո։ Չափվում է հիվանդի արյան ճնշումը և կատարվում է ԷՍԳ:

Անևրիզմի ախտորոշման համար կիրառվում են հետևյալ մեթոդները.

1. Բազմապարույր համակարգչային տոմոգրաֆի անգիոգրաֆիա (ԲՊՀՏ), որը որոշում է անոթների վիճակը և գնահատում արյան շրջանառության դինամիկան։

2. Մագնիտո-ռեզոնանսային անգիոգրաֆիա, որի միջոցով բացահայտվում է 3 մմ-ից ավելի տրամագիծ ունեցող անևրիզմը։

3. Սուբտրակցիոն անգիոգրաֆիա մեթոդը կիրառվում է, եթե մագնիտո-ռեզոնանսային անգիոգրաֆիան և ԲՊՀՏ անգիոգրաֆիան չեն բացահայտել արյունահոսության աղբյուրը։

Բուժում Բուժումը մեծապես կախված է անևրիզմի ծավալից: Եթե դա փոքր է, ապա վիրահատության անհրաժեշտություն չկա, սակայն հիվանդը պետք է պարբերաբար ստուգվի նյարդաբանի մոտ: Ինչ վերաբերում է անևրիզմի վիրաբուժական բուժմանը, ապա ժամանակակից կլինիկական պրակտիկայում օգտագործվում են ներանոթային և տրանսկրանիալ մեթոդները:
 
 Աղբյուրը
 
 
 Բաժանորդագրվեք նաև մեր․ Տելեգրամյան ալիքին , Ֆեսբուքյան էջին, Ինստագրամյան էջին , Յութուբյան ալիքին
 

Գրիպը քրոնիկ հիվանդությունների ժամանակ

Գրիպը քրոնիկ հիվանդությունների ժամանակ

Գրիպի ֆոնի վրա գրեթե ցանկացած քրոնիկ հիվանդություն ակտիվանում է՝ վատթարացնելով անձի առողջական վիճակը, որը կարող է հանգեցնել մինչև իսկ մահվան

Հարբեցողություն

Հարբեցողություն

Ալկոհոլի անվտանգ չափաբաժնի մասին ուսումնասիրությունները վկայում են, որ ֆիզիոլոգիայի տեսանկյունից այն գոյություն չունի: Սակայն հարկ է նշել, որ ալկոհոլն ազդում է նաև հոգեվիճակի վրա

Սրտի հիվանդությունները մեծացնում են դեմենցիայի առաջացման վտանգը

Սրտի հիվանդությունները մեծացնում են դեմենցիայի առաջացման վտանգը

Ձախ նախասրտի կառուցվածքային փոփոխությունները մեծացնում են դեմենցիայի առաջացման հավանականությունը, նույնիսկ եթե հիվանդները չունեն սրտի գործառույթի խանգարումներ

Վտանգավոր պահածոներ

Վտանգավոր պահածոներ

 Ինչո՞ւ խորհուրդ չի տրվում տնային պայմաններում պահածոյացնել միսը, ոլոռը և եգիպտացորենը