Գլխացավը հղիության ընթացքում

Գլխացավը հղիության ընթացքում

Ապագա մայրերից յուրաքանչյուր յոթերորդը բախվում է այս խնդրին, սակայն հղիության ընթացքում կինն այլևս չի կարող նախկինի պես ցավազրկող հաբ ընդունել և մոռանալ ամեն բան: Բոլորին է հայտնի, որ որոշ դեղամիջոցներ կարող են բացասաբար անդրադառնալ հղիության բնականոն ընթացքի և երեխայի զարգացման վրա: Ինչպե՞ս վարվել այս պարագայում:

  • Գլխացավի պատճառները բազմաթիվ են ու բազմազան, և միայն բժիշկն է կարող որոշել, թե ձեր դեպքում ինչն է հարուցել այն:
  • Գլխացավի այնպիսի տեսակներ կան, որոնցից հղիության ընթացքում հնարավոր է և պետք է ազատվել առանց դեղամիջոցների:
  • Եթե գլխացավն ուղեկցվում է արյան բարձր ճնշմամբ, ապա պետք է անհապաղ դիմել բժշկի:

Որո՞նք են հղիության ընթացքում գլխացավի առաջացման պատճառները

Որոշ կանայք հղիության ընթացքում ավելի հաճախ են գլխացավ ունենում, իսկ ոմանց դեպքում էլ այդ տհաճ զգացողությունները դադարում են անհանգստացնել: Դա պայմանավորված է այն հանագամանքով, որ հղիության ընթացքում ձվազատում և դաշտան չի կատարվում, ինչն էլ հաճախ դառնում է գլխացավի պատճառ:

Հղիության ընթացքում գլխացավի առաջացման պատճառները շատ են: Առաջին տեղում ապագա մոր օրգանիզմում կատարվող հորմոնային փոփոխություններն են:

Ցավը հաճախ անհանգսացնում է այն կանանց, ովքեր ի սկզբանե հիպոտոնիայի՝ արյան ցածր ճնշման, հակվածություն են ունեցել: Հնարավոր է, որ խնդիրներն ի հայտ գան արդեն իսկ առաջին եռամսյակում տոկսիկոզի ֆոնի վրա:

Հիպերտոնիան՝ արյան բարձր ճնշումը, ևս տհաճ զգացողությունների առաջացման պատճառներից է, որը սովորաբար նկատվում է երրորդ եռամսյակում: Այս պարագայում ցավը կարող է մի վտանգավոր բարդության՝ գեստոզի ախտանշան լինել, ինչն սպառնում է ինչպես կնոջ, այնպես էլ փոքրիկի առողջությանը:

Շատ հաճախ խնդիրները կարող են ի հայտ գալ քաղցից կամ սխալ սնվելու հետևանքով: Այս դեպքերում բժիշկներն ապագա մայրերին խորհուրդ են տալիս սննդակարգից բացառել շոկոլադը, ընդեղենը, ցիտրուսային մրգերը, կծու ուտեստները, թեյը, սուրճը, նրբերշիկը, պանիրը, քանի որ այս մթերքները կարող են ազդել անոթների տոնուսի վրա: Բացի այս պետք է հաճախ սնվել և փոքր չափաբաժիններով:

Սովորաբար գլխացավ ունենում են աշխատող հղի կանայք, հատկապես նրանք, ովքեր ստիպված են երկար ժամանակ անցկացնել անհարմար պայմաններում և դիրքում, օրինակ՝ համակարգչի առջև նստած: Այս պարագայում խնդիրները կհարուցվեն պարանոցի մկանների լարվածությամբ:

Եթե գլխացավի պատճառը միգրենն է, ապա ուղեկցվում է նաև այլ ախտանշաններով՝ տեսողության խանգարմամբ, սրտխառնոցով և փսխումով: Խնդիրները կարող են ի հայտ գալ օստեոխոնդրոզի հետևանքով, երբ անոթների սպազմը հանգեցնում է կնոջ ուղեղին մատակարարվող թթվածնի քանակի նվազման:

Ինչպե՞ս վարվել գլխացավի դեպքում

Հղիության ընթացքում գլխացավի առկայությունը բժշկական խորհրդատվություն է պահանջում: Միայն մասնագետն է կարող կնոջը ցավազրկող միջոցներ նշանակել, հատկապես մինչև 16 շաբաթական հղիությունը, հիմնականում թույլատրվում է պարացետամոլ դեղորայքը: Հաճախ, սակայն, ապագա մայրերն ազատվում են գլխացավից և տհաճ զգացողություններից՝ կարգավորելով քնի ռեժիմը, ճիշտ սննդակարգը և հանգիստը կազմակերպելով:

Հաճախ կանանց շրջանում հանդիպում է լարվածության գլխացավ, ինչն առաջանում է հոգնածությունից և սթրեսից՝ գլուխը ճնշող սաղավարտի նմանվելով: Այս դեպքում պատճառը պարանոցի մկանների լարվածությունն է:

Հղիության ընթացքում այսպիսի վիճակը նախընտրելի է մեղմել առանց դեղամիջոցների օգնության: Ավելի լավ է պառկել հանգստանալու, լարվածությունը մեղմող մերսում կատարել պարանոցի և քունքերի շրջանում, ջեռակ դնել պարանոցին կամ էլ սառը թրջոց ճակատին:

Եթե ձեզ անհանգստացնում է գլխի որևէ հատվածի մշտական ցավը, որն ուղեկցվում է նաև այլ ախտանշաններով (լսողության, տեսողության վատթարացում, արյան ճնշման բարձրացում և այլն), շտապօգնություն կանչեք: Հնարավոր է, որ այս վիճակը գեստոզի զարգացման նշան լինի և այլն:

Նորածինների մոտ առկա որոշակի տարօրինակություններ, որոնք առաջին հայացքից կարող են վախեցնել անփորձ ծնողներին

Նորածինների մոտ առկա որոշակի տարօրինակություններ, որոնք առաջին հայացքից կարող են վախեցնել անփորձ ծնողներին

Ծնվելուց հետո առաջին չորս շաբաթվա ընթացքում երեխայի օրգանիզմը ներարգանդային կյանքից անցում է կատարում դեպի հետծննդյան շրջան

Ինչպե՞ս հեռացնել սպիները էպիզիոտոմիայից  (շեքահատում) և ծննդաբերական այլ վնսվածքներից հետո

Ինչպե՞ս հեռացնել սպիները էպիզիոտոմիայից (շեքահատում) և ծննդաբերական այլ վնսվածքներից հետո

Հետծննդաբերական նույնիսկ փոքր սպին կարող է վատթարացնել սեռական կյանքի որակը

Ի՞նչ է հարկավոր վերցնել Ձեզ հետ ծննդատուն գնալիս

Ի՞նչ է հարկավոր վերցնել Ձեզ հետ ծննդատուն գնալիս

Առանձին թղթապանակում հարկավոր է հավաքել բոլոր անհրաժեշտ փաստաթղթերը և դրանց կրկնօրինակները

Ճիշտ շնչառությունը ծննդաբերության ընթացքում

Ճիշտ շնչառությունը ծննդաբերության ընթացքում

Ծննդաբերության ընթացքում ճիշտ շնչառությունը հեշտացնում է կծկանքների ընթացքը և բարելավում է մայրիկի և երեխայի ինքնազգացողությունը: