Միգրեն

Միգրեն

Միգրենը նյարդաբանական խանգարում է, որի հիմնական ախտանիշը՝ պարբերաբար կրկնվող ուժգին գլխացավերն են: Դրանք նոպայաձև են և կարող են տևել մի քանի ժամից մինչև մի քանի օր: Սովորաբար ցավը բաբախող է և միակողմանի տեղակայմամբ։ Խանգարումը հաճախ ուղեկցվում է ախտանիշներով՝ սրտխառնոց, փսխում, թուլություն, լույսի, հոտի կամ ձայնի նկատմամբ գերզգայունություն:

Ի՞նչ է միգրենը:

Բժիշկներն առանձնացնում են խանգարման մի քանի ձև:

Աուրայով միգրեն (բարդացված)

Դրա հետ բախվում են գլխացավով տառապող մարդկանց 20% -ը: Այս դեպքում, ցավային տիպիկ նոպայից առաջ կամ դրա գագաթնակետում զարգանում է աուրա` ի հայտ են գալիս զիգզագ, կայծեր, կայծակնային առկայծումներ հիշեցնող տեսողական խանգարումներ, որոնք տարածվում են աջ և ձախ տեսադաշտեր, առաջանում է թուլություն վերջույթներում, դժվարացված խոսք : Նման ախտանիշները տևում են 5 րոպեից մինչև մեկ ժամ:

Միգրեն առանց աուրայի (սովորական)

Նոպայի մասին վկայող նշաններ չկան, գլխացավը սկսվում է հանկարծակի:

Միգրեն առանց գլխացավի

Սա կոչվում է «լուռ միգրեն» կամ ացեֆալգիկ միգրեն: Այս դեպքում մարդը զգում է աուրան՝ առանց գլխացավի։

Հեմիպլեգիկ միգրեն

Այն դրսևորվում է հստակ թուլությամբ՝ մինչև միակողմանի կաթվածով։ Երբեմն առաջանում է սարսուռ, զգայունության կորուստ և մեկ աչքի տեսողության կորուստ: Այնուհետև կարող է զարգանալ գլխացավի նոպա:

Աչքի միգրեն

Այս դեպքում աչքի մոտ առաջանում է բութ ցավ, այնուհետև տարածվում ամբողջ գլխով: Հաճախ առաջանում է նաև տվյալ աչքի տեսողության նվազում կամ կորուստ։ Նման խանգարումը կարող է շարունակվել մեկ րոպեից մինչև անգամ մի քանի շաբաթ: Եթե տհաճ ախտանիշները համառորեն չեն վերանում, անպայման դիմեք բժշկի ` առողջական ավելի լուրջ խնդիրը բացառելու համար:

Քրոնիկ միգրեն

Քրոնիկ է համարվում, եթե նոպաները կրկնվում են ամսական 15 անգամ կամ ավելի հաճախ: Գլխացավից անձը փորձում է ազատվել հաճախ ցավազրկողներ խմելով, իսկ դա, իր հերթին, առաջացնում է գլխացավ՝ պայմանավորված դեղերի ընդունմամբ։

Միգրեն աուրայով՝ բազիլյար տիպի

Այս խանգարման դեպքում ուղեղի ցողունի արյան մատակարարման ինտենսիվությունը կրճատվում է և հայտնվում են հետևյալ ախտանիշները՝ ուժգին գլխապտույտ, հավասարակշռության կորուստ, անհասկանալի խոսք, տեսողության խանգարում, փսխում, ձայն ականջներում: Այս նշանները նման են նաև կաթվածի նախանշաններին, ուստի առկայության դեպքում պետք է շտապ դիմել բժշկի։

Միգրենոզ վիճակ

Այսպես է անվանվում խանգարման հազվագյուտ և ծանր ձևը, որի դեպքում գլխացավի նոպաները հաջորդում են մեկը մյուսին, և դա կարող է տևել մի քանի օր: Այս դեպքում գլխացավը լինում է ուժգին արտահայտված և ուղեկցվում է փսխումներով։

Միգրենի պատճառները

Նյարդաբանական խանգարումը չունի որևէ հստակ պատճառ, դրանք փոխկապակցված են.

• Գենետիկա

• Գլխուղեղի անոթային խանգարումներ

• հորմոնալ փոփոխություններ

• Արտաքին միջավայրի ազդեցություն, տարբեր արտաքին գործոններ, որոնք ազդում են նյարդային համակարգի վրա:

Ի՞նչ անել, եթե Ձեզ մոտ առկա է միգրեն

Միգրենը բավականին հստակ ախտանիշներ ունի, որոնք թույլ են տալիս դա տարբերակել գլխացավի այլ տեսակներից: Այնուամենայնիվ, միայն բժիշկը կարող է ճշգրիտ ախտորոշել: Կարևոր է բացառել անոթային խանգարումները, նյարդային խնդիրները, ուղեղի ուռուցքները և այլ լուրջ հիվանդություններ, որոնք կարող են արտահայտվել նմանատիպ ախտանիշներով։

Ինչպե՞ս բուժել միգրենը

Միգրենի հստակ բուժում, ցավոք, գոյություն չունի: Միգրենը բուժվում է սիմպտոմատիկ, այսինքն՝ հնարավորինս մեղմացվում են ախտանիշները բժշկի նշանակած դեղորայքի օգնությամբ։

 

 Աղբյուրը
 
Բաժանորդագրվեք նաև մեր․ Տելեգրամյան ալիքին , Ֆեսբուքյան էջին, Ինստագրամյան էջին , Յութուբյան ալիքին
 
 

 
 
 
 

 
 
 
 

 
 

Ինտիմ հատվածի բիոռեվիտալիզացիա

Ինտիմ հատվածի բիոռեվիտալիզացիա

Ինտիմ բիոռեվիտալիզացիան մաշկի և լորձաթաղանթի վերափոխումն է՝ առանց վիրահատական միջամտության

Ինտիմ հատվածի և հեշտոցի ձգում՝ թելերի միջոցով

Ինտիմ հատվածի և հեշտոցի ձգում՝ թելերի միջոցով

Ի՞նչ փոփոխություններ են տեղի ունենում կոնքի հատակի կառուցվածքում ծննդաբերությունից հետո

Ինչու՞ է առաջնում դառը համ

Ինչու՞ է առաջնում դառը համ

Սովորաբար պատճառները բավականին անվնաս են, բայց պատահում է, որ այս ախտանիշը որևէ վտանգավոր հիվանդության ցուցիչ է։

Սպիների և հղիազոլերի հղկում՝ CO2 ֆրակցիոն լազերի օգնությամբ

Սպիների և հղիազոլերի հղկում՝ CO2 ֆրակցիոն լազերի օգնությամբ

Սպիների և հղիազոլերի ֆրակցիոն լազերային հղկումը թույլ է տալիս արագ և արդյունավետորեն ազատվել մաշկի էսթետիկ խնդիրներից