Ինչպե՞ս բարձրացնել արյան ճնշումը․ 5 արագ մեթոդներ, որոնք հաստատ կօգնեն
38978
Ինչպե՞ս բարձրացնել արյան ճնշումը․ 5 արագ մեթոդներ, որոնք հաստատ կօգնեն
Ի՞նչ է ցածր ճնշումը և որքանո՞վ է այն վտանգավոր
Հիշե՛ք, արյան ճնշման ցածր մակարդակը (հիպոթենզիա)՝ 90/60 և ցածրն է:
Քանի դեռ տոնոմետրը ցույց է տալիս 90/60 կամ ավելի բարձր արժեքներ, ամեն ինչ կարգին է: Սակայն, եթե թվերից որևէ մեկը նվազում է՝ առաջինը կամ երկրորդը,
դա վկայում է ցածր ճնշման մասին:
Այստեղ կա մի կարևոր նրբություն: Եթե ամեն ինչ պարզ է բարձր ճնշման դեպքում (այն կատեգորիկ վտանգավոր է բոլորի համար), ապա արյան ցածր ճնշումը կարող է պարզապես լինել ձեր օրգանիզմին բնորոշ հատկություն: Եթե այն չի առաջացնում հիվանդություններ, ապա խախտում չի համարվում, և դրա դեմ պայքարելու անհրաժեշտություն չկա։
Այլ հարց է, եթե հայտնվում են հետևյալ ախտանիշները.
- թուլություն
- գլխապտույտ, երբ թվում է՝ կկորցնեք գիտակցությունը
- շաղված տեսողություն
- սրտխառնոց
- դող
- քրտինք
- կենտրոնացման նվազում
Ե՞րբ զանգահարել շտապօգնություն
Հենց որ նկատեք ոչ միայն ցածր ճնշում, այլ նաև՝
- սառը, քրտնած և գունատ մաշկ
- արագ, մակերեսային շնչառություն
- թույլ և արագ զարկերակ
- գիտակցության խառնաշփոթ
Սրանք, այսպես կոչված, սուր զարկերակային հիպոթենզիայի նշաններ են (կոլապսի,
ցնցման): Այս վիճակը սպառնում է կյանքին: Դա կարող է հանգեցնել ուղեղի և ներքին օրգանների հիպոքսիայի: Հետևաբար, մի՛ հապաղեք դիմել բժշկի օգնությանը։
Ընթերցեք նաև՝ Մկանային թուլություն
Ինչպե՞ս արագորեն բարձրացնել արյան ճնշումը տնային պայմաններում
- Կերե՛քորևէ աղի բան
Մի կտոր ծովատառեխ, թթու վարունգ, մի քանի կտոր ֆետա կամ այլ տեսակի պանիր, մի գդալ բրինձ՝ համեմված սոյայի սոուսով և այլն
Նատրիումի քլորիդը (նույն սեղանի աղը) բարձրացնում է արյան ցածր ճնշումը
(հիպոթենզիա): Աղը կտրականապես հակացուցված է հիպերտոնիկ հիվանդությամբ տառապող մարդկանց:
- Խմե՛ք մի բաժակ ջուր
Ավելի լավ է՝ երկուսը, եթե կարող եք: Հեղուկը կբարձրացնի արյան ծավալը (արդյունքում`դրա ճնշումը արյան անոթների պատերին), ինչպես նաև հնարավորություն կտա կանխելու ջրազրկումը:
- Հագե՛ք սեղմող գուլպաներ կամ զուգագուլպաներ
Ձգվող գուլպաները սովորաբար օգտագործվում են երակների այտուցը և ցավը նվազեցնելու համար։ Բայց դրանք նաև նվազեցնում են ոտքերի արյան ծավալը: Տեղից դուրս մղված արյունը կբարձրացնի ճնշումը մարմնի հիմնական անոթներում:
- Ընդունե՛ք ճիշտ կեցվածք
Սա սեղմող գուլպաների այլընտրանքն է: Եթե նստած եք, ոտքը գցեք ոտքի վրա: Դա կնվազեցնի արյան ծավալը ստորին ծայրամասերում և կբարձրացնի արյան ճնշումը հիմնական անոթներում: Ի դեպ, հետևաբար, հիպերտոնիայով տառապող մարդկանց այս դիրքը հակացուցված է: Եթե կանգնած եք, կարող եք մկրատի պես խաչել ձեր ոտքերը և դրանք ամուր սեղմել: Արդյունքը կլինի նույնը:
Այլընտրանք․ մի ոտքը դրեք աթոռի կամ նստարանի վրա և թեքվեք դեպի առաջ՝ հնարավորինս խորը:
- Խմե՛ք սուրճ
Սա ամենատարածված մեթոդներից մեկն է, բայց փաստ չէ, որ այն արդյունավետ է: Կոֆեինը իսկապես կարող է բարձրացնել արյան ճնշման մակարդակը՝ առանց դեղորայքի, հատկապես այն մարդկանց մոտ, ովքեր հազվադեպ են սուրճ օգտագործում․ սուրճի սիրահարների դեպքում ազդեցությունը նույնքան բարձր չէ։
