Կլիմաքս. բուժե՞լ, մեղմե՞լ, թե՞ անտեսել

Կլիմաքս. բուժե՞լ, մեղմե՞լ, թե՞ անտեսել

Դաշտանադադարը (կլիմաքս) ժամանակահատված է, երբ կանանց հորմոնալ համակարգը դադարում է կատարել իր հիմնական խնդիրը՝ վերարտադրողական գործառույթը։ Այն հիմնականում արտահայտվում է հետևյալ կերպ՝ նվազում է սեռական հորմոնների՝ էստրոգենի և պրոգեստերոնի մակարդակը։ Երբ ձվարանը դադարում է կատարել իր հիմնական խնդիրը, դադարում է դաշտանը, իսկ այս գործընթացն անվանում են դաշտանադադար։

Այն սովորաբար տեղի է ունենում 50 տարեկան հասակում, սակայն, դաշտանադադարի ախտանիշները կարող են նկատվել 40 տարկանից սկսած։ Դաշտանի բացակայության առաջին տարին դաշտանադադարի ժամանակահատվածն է, իսկ դրանից հետո՝ հետդաշտանադադարն է: Մոտավորապես 40-50 տարեկան հասակում կինը ցերեկային ժամերին կարող է զգալ ջերմության տատանումներ և քրտնարտադրություն, ճնշման իջեցում և սրտի արագ բաբախ, տրամադրության անկում և սեռական ցանկության նվազում։ Շատերի մոտ կարող են առկա լինել բոլոր այս ախտանիշները։

Դաշտանադադարի առաջին երեք տարիների ընթացքում նկատվում է լորձաթաղանթների և մաշկի չորություն, ինչի պատճառով առաջանում են կնճիռներ, եղունգների փխրունություն, ցավ սեռական հարաբերության կամ միզարձակման ժամանակ։ Կարող է փոփոխվել նաև քաշը՝ նվազելով կամ ավելանալով։

Արդյո՞ք պետք է բուժել դաշտանադադարը։

Չնայած տհաճ ախտանիշներին՝ դաշտանադադարը բնական վիճակ է, որին առնչվում է ցանկացած կին: Դաշտանադադարը հնարավոր չէ բուժել կամ կանխել, սակայն հնարավոր է հետաձգել և թեթևացնել ընթացքը։

Ինչպե՞ս կարելի է մեղմել դաշտանադադարի ընթացքը

Կա 3 ճանապարհ՝ դաշտանադադարի ախտանիշները մեղմելու համար։

Առաջինը՝ հետևել սննդակարգին, ֆիզիկական ակտիվությանը և լիարժեք քնին։ Երկրորդ՝ դիմել հորմոնափոխարինիչ թերապիայի։

Երրորդ՝ սննդակարգում ներառել ֆոտոէստրոգեններին և էստրոգեններին նման բիոկարգավորիչներ։

Փոխել ապրելակերպը

Կանայք, որոնց մոտ դաշտանադադարը սկսվում է ոչ արտահայտիչ նշաններով, եթե ուշադիր լինեն և հոգ տանեն իրենց օրգանիզմի մասին, կթեթևացնեն դրա ընթացքը։

• Հետևողական լինել, թե ինչից է առաջանում ջերմության տատանումներ և խուսափել այդ ամենից։

Պատճառ կարող է հանդիսանալ կծու սնունդը, ծխախոտը կամ ալկոհոլային խմիչքները։

• Նախընտրեք բազմաշերտ հագուստը, որպեսզի ավելի հեշտ հարմարվեք մարմնի ջերմաստիճանի տատանումներին

• Մարմնի ջերմաստիճանի տատանումների ընթացքում մի կտոր սառույց դրեք դաստակին կամ ծոծրակին

• Քնեք զով սենյակում

Ընտրեք այնպիսի անկողնային պարագաներ և գիշերազգեստ, որ հեշտ կլանվի խոնավությունը

• Զբաղվեք յոգայով և կատարեք շնչառական վարժություններ

• Վերահսկեք մարմնի քաշը

• Լավ քնեք

• Պահպանեք ֆիզիկական ակտիվությունը՝ նվազեցնելով օստեոպարոզի ռիսկը։

 Աղբյուրը
 
 
 Բաժանորդագրվեք նաև մեր․ Տելեգրամյան ալիքին , Ֆեսբուքյան էջին, Ինստագրամյան էջին , Յութուբյան ալիքին