Հեշտոցի լազերային երիտասարդացում

Հեշտոցի լազերային երիտասարդացում

Ինչպես ամբողջ օրգանիզմը, այնպես էլ սեռական օրգանները ենթակա են անխուսափելի ծերացման։ Սա բացասական ազդեցություն է ունենում սեռական կյանքի որակի վրա, նվազեցնում է զգայունությունը, առաջացնում է անհարմարություն սեռական հարաբերության ժամանակ։ Հեշտոցի լազերային երիտասարդացումն օգնում է կանխելու նման հետևանքները։ Այս անցավ և ոչ ինվազիվ պրոցեդուրան արդյունավետորեն վերականգնում է մկանների բնական տոնուսն առանց երկարատև վերականգնողական շրջանի:

Ընթերցեք նաև՝ Հեշտոցի լազերային նեղացում

Հեշտոցի լազերային երիտասարդացման ցուցումները Լիարժեք սեռական կյանքով ապրող կնոջ վերարտադրողական համակարգը մշտապես կրում է մեծ ծանրաբեռնվածություն: Հեշտոցի անատոմիական կառուցվածքի փոփոխությունների և չորության առաջացման պատճառներից են՝

• տարիքային փոփոխությունները և դրանցով պայմանավորված՝ էստրոգենի արտադրության նվազումը,

• ծննդաբերության կամ բժշկական միջամտության հետևանքով առաջացած վնասվածքները սեռական ուղիներում,

• շարակցական հյուսվածքների բնածին պաթոլոգիաները։ Հեշտոցի լազերային ինտիմ երիտասարդացումն ուղղված է վերացնելու կամ կանխելու վերարտադրողական համակարգի վրա ազդեցություն ունեցող հետևյալ գործոնները.

• սեռական օրգանների զգայունության կորուստ,

• հյուսվածքների թոշնածություն, ինտիմ հատվածի պիգմենտացիա,

• անմիզապահություն (հազի, փռշտոցի ժամանակ),

• հեշտոցի պատերի կամ արգանդի արտանկում,

• հետծննդաբերական կամ հետվիրահատական սպիներ:

Հեշտոցի լազերային երիտասարդացումը թույլ է տալիս արդյունավետորեն պայքարել այսպիսի փոփոխությունների դեմ: Շատ հաճախ, այս տեխնիկան օգտագործվում է կոսմետիկ թերությունների շտկման համար, սակայն այն օգնում է նաև վերացնելու սեռական կյանքին և մայրանալուն խոչընդոտող ֆունկցիոնալ խանգարումները։

Ինչպես է իրականացվում հեշտոցի լազերային երիտասարդացումը Այս ընթացակարգի թերապևտիկ ազդեցությունը հիմնված է լազերային ճառագայթման ֆոտոթերմոլիզ ազդեցությամբ։

Այն իր ջերմային ազդեցությամբ մասնակիորեն ոչնչացնում է բջիջները, ինչի շնորհիվ էլ սկսվում է վերականգնողական գործընթաց՝ ստիպելով հյուսվածքներին թարմանալ. ֆիբրոպլաստները սկսում են արտադրել սպիտակուցներ, կոլագեն և էլաստին։

Տվյալ հատվածում ավելի շատ անոթներ և կապիլյարներ են ձևավորվում, ինչի շնորհիվ էլ բարելավվում է արյան շրջանառությունը հյուսվածքներում: Շնորհիվ այս ամենի՝ հեշտոցը դառնում Է ավելի ամուր և առաձգական, իսկ հեշտոցամուտքը նեղանում է:

Բարելավված արյան շրջանառությունը նպաստում է հեշտոցային արտադրության առատացմանը, ինչն էլ քսանյութի դեր է կատարում սեռական հարաբերության ժամանակ։ Լազերային երիտասարդացումը նաև ոչնչացնում է հյուսվածքների պիգմենտացիան՝ վերադարձնելով մաշկի բնական գույնը։

Հեշտոցի երիտասարդացումն ինքնին ոչ ինվազիվ է, այսինքն, իրականացվում է առանց կտրվածքների և հյուսվածքների մեջ ուղղակիորեն ներթափանցման։ Լազերային ճառագայթահարը տեղադրվում է հեշտոցի մեջ և ճառագայթման աղբյուրները կարճ ժամանակում ազդում են առանձին հատվածների վրա: Սրա շնորհիվ հյուսվածքները գրեթե չեն վնասվում, և միայն առանձին բջիջներն են ոչնչացվում: Ընթացակարգն ինքնին տևում է ընդամենը 10-15 րոպե, իսկ կինը չի զգում որևէ անհանգստություն, ինչն էլ թույլ է տալիս իրականացնել ընթացակարգն առանց անզգայացման։ Լազերային ճառագայթների ազդեցությունը սեռական օրգաններում ուղեկցվում է չնչին տաքության զգացողությամբ։

Վերականգնողական շրջանը Շնորհիվ լազերի նվազագույն ազդեցության՝ հեշտոցի հյուսվածքները չեն վնասվում։ Սա նվազեցնում է վերականգնման ժամանակաշրջանը, որը տևում է ընթացակարգից հետո մինչև 3-4 օր, որի ընթացքում կնոջը խորհուրդ է տրվում ձեռնպահ մնալու հետևյալ գործողություններից.

• այցելություններ սաունա, վաննա, լողավազան,

• ծանրության բարձրացում, ինտենսիվ սպորտ,

• ցանկացած սեռական ակտիվություն (սեռական հարաբերություն և մաստուրբացիա):

  Աղբյուրը
 
 
 Բաժանորդագրվեք նաև մեր․ Տելեգրամյան ալիքին , Ֆեսբուքյան էջին, Ինստագրամյան էջին , Յութուբյան ալիքին