Ցավ ամոթույքի հատվածում
29766
Ընդհանուր տեղեկություններ
Էպիդերմիսը, որը ծածկում է մեծ սեռաշուրթերը, բազմաթիվ քրտնագեղձեր և ճարպագեղձեր, ինչպես նաև նյարդային վերջավորություններ է պարունակում։ Սեռական գրգռման բացակայության դեպքում մեծ սեռաշուրթերը ծալված են և այդպիսով մեխանիկական պաշտպանություն են ստեղծում միզուկի և հեշտոցամուտքի համար։
Փոքր սեռաշուրթերը ծալված են փոքրիկ թերթիկների պես, զուրկ են մազերից, բայց պարունակում են բազմաթիվ նյարդային վերջավորություններ և մազանոթներ։
Սեռական շուրթերը պատող մաշկի վարակման հետևանքով սեռական ակտը կարող է ցավոտ լինել, ուղեկցվել քորով և այրոցով։
Ամոթույքի ցավի պատճառները
Վուլվովագինիտ կամ սեռական շուրթերի բորբոքման պատճառները կարող են թաքնված լինել հիգիենայի կանոնների խախտմա մեջ։ Ախտաշաններն են՝
- ցավ միզելիս և քայլելիս,
- մեծ և փոքր սեռաշուրթերի բորբոքում,
- կանաչադեղնավուն արտադրություն, որն ուղեկցվում է տհաճ հոտով և ցավով։
Կանդիդոզը սնկային հիվանդություն է, որն առաջանում է candida սնկերի քանակության աճի պատճառով։ Այդ միկրոօրգանիզմներն առկա են բոլորի օրգանիզմում, սակայն իմունիտետի անկման, հոտավետ միջադիրների, օճառների ու գելերի պատճառով կարող են շատանալ և սնկային հիվանդություն առաջացնել։
Վուլվոդինիան հեշտոցամուտքի կամ սեռական օրգանների ամբողջ հատվածի ցավոտ վիճակն է։ Այն վուլվայի նյարդային վերջավորությունների քրոնիկ բորբոքման պատճառ է դառնում, ողեկցվում այրոցով և տհաճ զգացումներով։
Վուլվոդինիայի կարող են նպաստել հեշտոցային վարակները, քրոնիկ կանդիդոզը և հակաբիոտիկների ոչ ճիշտ ընդունումը և այլ գործոններ։ Սեռաշուրթերը գրեթե միշտ բորբոքված են և ցավոտ, իսկ սեռական ակտի, հեծանիվ քշելու, տամպոն դնելու և պարզապես նստելու ժամանակ նաև այրոց է առաջանում։
Բարտոլինիտը հեշտոցի նախամուտքի մեծ գեղձի բորբոքումն է։ Հենց բարտոլինյան գեղձերն են սեռական ակտի ժամանակ քսուք արտադրում։ Հիվանդության առաջացմանը կարող են նպաստել տարատեսակ միկրոբները՝ ստաֆիլոկոկները, գոնոկոկները և այլն։
Ցավի բնույթը՝ գրգռման դեպքում սեռական շուրթերում պուլսացող ցավ է զգացվում, որն անցնում է սեռական ակտից ժամեր անց։
Աղբյուրը
