Այրոց և քոր հեշտոցում

Այրոց և քոր հեշտոցում

Քորի և այրոցի պատճառները բազմազան են՝ սկսած ալերգիկ ռեակցիաներից, վերջացրած սեռական ճանապարհով փոխանցվող հիվանդություններով։ Որո՞նք են այդ ախտանշանի տարածված պատճառները։

Հեշտոցի դիսբիոզ

Այդ վիճակը պայմանավորված է հեշտոցում պայմանական-ախտածին միկրոֆլորայի աճով, ինչը պատահում է տեղային կամ ընդհանուր իմունիտետի անկման ժամանակ։ Ընդ որում՝ բնական միկրոֆլորան կազմող բակտերիաներն ի զորու չեն լինում դիմակայել ախտածին միկրոօրգանիզմներին։ Հաճախ հեշտոցի դիսբիոզը (վագինոզ) առաջանում է դաշտանի ընթացքում և հակաբիոտիկներով բուժումն ավարտելուց հետո։

Ի՞նչ անել։ Հարկավոր է դիմել գինեկոլոգի, որը հակաբորբոքային և անտիսեպտիկ տեղային, ինչպես նաև հեշտոցի միկրոֆլորան կարգավորող դեղամիջոցներ կնշանակի։

Սեռական ճանապարհով փոխանցվող հիվանդություններ

Այդպիսի հիվանդություններից են քլամիդիոզը, գոնորեան, տրիխոմոնիազը, պապիլլոմավիրուսը, հերպեսը և այլն։ Նշված բոլոր հիվանդություններն ուժգին այրոց և քոր են առաջացնում հեշտոցում։

Ի՞նչ անել։ Նշանակվում է բուժում՝ կախված տվյալ հիվանդության հարուցչից։ Սովորաբար հակաբիոտիկներ են նշանակվումև այլն։

Ալերգիկ ռեակցիաներ

Հեշտոցում այրոցը կարող է պայմանավորված լինել ինտիմ հիգիենայի միջոցներով (միջադիրներ, ամենօրյա միջադիրներ, տամպոն և այլն) կամ պահպանակից (լատեքս) առաջացած ալերգիկ ռեակցիաներով։

Ի՞նչ անել։ Հեշտոցում այրոց զգալու դեպքում հարկավոր է հրաժարվել վերոնշյալ միջոցներից, ինչպես նաև զուգարանի հոտավետ ու գունավոր թղթից։ Կարևոր է բացահայտել ալերգիայի պատճառն ու այլևս չօգտագործել տվյալ միջոցը։

Հորմոնային ֆոնի փոփոխություն

Հղիության, սեռահասունացման, մենոպաուզայի և սթրեսի ընթացքում հորմոնային ֆոնի փոփոխությունը նույնպես կարող է հեշտոցի լորձաթաղանթի գրգռման պատճառ դառնալ։

Ի՞նչ անել։ Այդ դեպքում բժիշկը նշանակում է իգական սեռական հորմոնների մակարդակը կարգավորող դեղամիջոցներ։

Միզասեռական համակարգի օրգանների բորբոքում

Այրոցն ու քորը կարող են առաջանալ միզասեռական համակարգի բորբոքային տարաբնույթ հիվանդությունների դեպքում, օրինակ՝ ցիստիտ, ադնեքսիտ, մետրիտ, էնդոմետրիտ, ցերվիցիտ և այլն։

Ի՞նչ անել։ Հարկավոր է համալիր հետազոտություն անցնել և պարզել կոնկրետ պատճառը։ Սովորաբար այդ հիվանդությունները կապված են լինում ինֆեկցիոն գործընթացների հետ։ Հարկավոր է բացահայտել ախտածին հարուցիչը և համապատասխան բուժում ստանալ։

Հիշեք, երբեք չի կարելի զբաղվել ինքնաբուժությամբ, քանի որ ժողովրդական միջոցներով գուցե հաջողվի անցկացնել այրոցն ու քորը, սակայն այդ կլինի միայն ժամանակավոր ազատում ախտանշանից և ոչ թե բուն պատճառի վերացում և լիարժեք բուժում։

Արգանդի պարանոցի էրոզիայի ռադիոալիքային բուժումը

Արգանդի պարանոցի էրոզիայի ռադիոալիքային բուժումը

Արգանդի պարանոցի էկտոպիայի (էրոզիայի) ռադիոալիքային դեստրուկցիան համարվում է ամենարդի, անվտանգ, էֆեկտիվ և քիչ ինվազիվ մեթոդ...

Ձվարանի դերմոիդ կիստա

Ձվարանի դերմոիդ կիստա

Ձվարանի դերմոիդ կիստան բարորակ նորգոյացություն է: Այն կազմված է հաստ պատիճից և ունի ձվարանին ոչ հատուկ հյուսվածք: Պատիճը կարող է լցված լինել...

Ցավ ամոթույքի հատվածում

Ցավ ամոթույքի հատվածում

Էպիդերմիսը, որը ծածկում է մեծ սեռաշուրթերը, բազմաթիվ քրտնագեղձեր և ճարպագեղձեր, ինչպես նաև նյարդային վերջավորություններ է պարունակում։ Սեռական գրգռման բացակայության դեպքում...

Լորձային արտադրություն հեշտոցից

Լորձային արտադրություն հեշտոցից

Հեշտոցից արտահոսող լորձային արտադրությունը, եթե նորմալ բնույթի է, բնական երևույթ է։ Վերարտադրողական տարիքի բոլոր կանայք էլ ունենում են...